طبعا أنا متفق مع باقي الاخوه من مالكي الفلوينس ان السياره صفقه ممتازه مقابل سعرها ومزايا هذه السياره قتلت بحثا في المنتدى لكن لأن الكمال لله وحده و لأننا أعضاء في هذا المنتدى المحترم الشفافيه عنوانه ... انا حابب اشوف رأي الاخوان في عفشه الفلوينس .. بصراحه انا غير راضي عنها .. بما اني من سكان الاقاليم حيث الشوارع الضيقه غير جيده الرصف ومع تزايد الازدحام فالشوارع فأنا مضطر امشي معظم الوقت بسرعات بطيئه الملاحظ ان العفشه فعلا ناشفه وغير مريحه والثبات على المطبات متوسط الحاله وبحس بهبده اورزعه في الجزء الخلفي من السياره اذا اكلت مطب سهوا بسرعه مش كبيره رغم اني اخدت بنصيحه الاخوان فالمنتدى ونفخت الاطارات نيتروجين فيه تحسن صحيح لكن مش بالدرجه المرضيه . يمكن اللي ساكن فالقاهره مش هيحس بالمسأله ده بنفس الدرجه لأن الطرق مفتوحه ورصفها جيد الى حد ما لكن بردو احب اسمع اراءكم في هذا الشأن وهل للمسأله ده اي حل يحسن من الوضع ؟