الفلوانس المانوال

**eng_zoka** · 03-09-2010 04:57 AM

مساء الخير يا رجالة
ممكن حد يوضحلى الفروق بين فئات الفلوانس علشان انا بفكر فى الفلوانس المانوال لأنى بحب سواقة المانوال جدا بس لو الكماليات اقل بكتير حتبقى مش لطيفة و كمان ياريت حد يقولى اية النظام فى الثبات و المنعطفات ؟؟؟؟؟؟؟
و شكرا مقدما

**eng_zoka** · 03-09-2010 02:14 PM

بعد أستطلاع جيد للمنتدى عرفت الفروق بين الفئات و ربنا يسهل ان شاء الله و أجيبها
بس ياريت حد يفيدنى فى موضوع الثبات ده لأنه مهم جدا بالنسبه ليه لأنى بحب الجرى و الشد ؟

**M.Radwan** · 03-09-2010 03:55 PM

المشاركة الأصلية كتبت بواسطة eng_zoka

بعد أستطلاع جيد للمنتدى عرفت الفروق بين الفئات و ربنا يسهل ان شاء الله و أجيبها
بس ياريت حد يفيدنى فى موضوع الثبات ده لأنه مهم جدا بالنسبه ليه لأنى بحب الجرى و الشد ؟

هو المعروف عن عربيات رينو أن ثباتها ممتاز..بس نقطة الشد والجري أعتقد هتبقى صعبة شوية فى الفلوانس لانها عربية عائلية كبيرة..بس برضه أصحاب العربية ادري منى وهما اللى هيفيدوك

**eng_zoka** · 03-09-2010 10:22 PM

المشاركة الأصلية كتبت بواسطة Foxoo7

هو المعروف عن عربيات رينو أن ثباتها ممتاز..بس نقطة الشد والجري أعتقد هتبقى صعبة شوية فى الفلوانس لانها عربية عائلية كبيرة..بس برضه أصحاب العربية ادري منى وهما اللى هيفيدوك

النقطة اللى قالقانى ان نظام التعليق الخلفى هو ال " torsion beam " و ده من أقدم أنظمة التعليق فى حين أن فى عربيات أقل فى المستوى و بتستخدم ال " ’multi -link suspension " زى الألنترا مثلا أو الجين 2

و فعلا العربية كبيرة أوى حجما و الشد و الجرى حيبقى صعب زى ما الناس بتقول طلعتها بطيئة ( ولا ده علشان الفتيس الأوتوماتيك )

و هل الجين 2 كمحرك و ثبات - بعيدا عن الأناقة و الخامات الداخلية - تقارن بالفلوانس

**tamagogo** · 03-09-2010 11:20 PM

ثباتها معقول ممكن تجربها في توكيل العبور
بس اعتقد الاوكتافيا هتكون اثبت

**eng_zoka** · 03-09-2010 11:30 PM

المشاركة الأصلية كتبت بواسطة tamagogo

ثباتها معقول ممكن تجربها في توكيل العبور
بس اعتقد الاوكتافيا هتكون اثبت

أصل الأعضاء فى قسم بروتون بيقولوا فى العربية شعر و ثبات وهمى
و الأوكتافيا الفانتزيا الفيس ليفت بتاعها مش لطيف خالص - لو فى من ال a4 جديد حتبقى فل أوى بس بيتهيقلى أخره كان 2009 - بس نرجع تانى و نقول العربية لو أستخدام شاب و سواقة رياضية حتبقى الأحسن الجين 2 ولا الفلوانس

**M.Radwan** · 03-09-2010 11:42 PM

الجين تو بعييد قوي فى الفئة والجودة عن الفلوانس
لو عايز عربية شبابي من رينو فى فئة الفلوانس يبقى الميجان
بس طبعا خلق ربنا كلهم هيقولولك متجيبهاش!
Renault.com - Renault Mأ©gane Hatch

بالنسبة للفلوانس، كل حاجة بتقول ان ثباتها ممتاز بالذات مع قاعدة العجلات الكبيرة دي،
على فكرة أنا شوفت العربيتين دول فى توكيل العبور بجد وهم
وانا بقولك لو نزلت فعلا اتفرجت عليها ودخلت جواها مستحيل تفكر فى عربية تانية،

**eng_zoka** · 04-09-2010 12:31 AM

المشاركة الأصلية كتبت بواسطة foxoo7

الجين تو بعييد قوي فى الفئة والجودة عن الفلوانس
لو عايز عربية شبابي من رينو فى فئة الفلوانس يبقى الميجان
بس طبعا خلق ربنا كلهم هيقولولك متجيبهاش!
renault.com - renault mأ©gane hatch

بالنسبة للفلوانس، كل حاجة بتقول ان ثباتها ممتاز بالذات مع قاعدة العجلات الكبيرة دي،
على فكرة أنا شوفت العربيتين دول فى توكيل العبور بجد وهم
وانا بقولك لو نزلت فعلا اتفرجت عليها ودخلت جواها مستحيل تفكر فى عربية تانية،

أنا معاك ان الجين 2 بعيدة أوى من حيث فرق السعر انما أنا بقصد الاداء و أنا الميجان هى الأختيار الأحسن بالنسبة لى بس الفتيس الأوتوماتيك مش بستلطفه و كمان 4 سرعات بس على حد علمى - أنا الى محدد أختياراتى أنى مش بحب الأوتوماتيك و طبعا حضرتك عارف التوكيلات فى مصر بتعتبر أن الفتيس المانوال ده حاجة بشعة و أن الأوتوماتيك ده الكامليات الى تنزل فى الفئات الأعلى يعنى مثلا لو أتهورت و فكرت فى حاجة زى السيراتو و لا الكروز النسخ المانوالى يعنى حاتاخد فوق دماغك مش بس مافيش باركنج سنسورز و لا 2 اير باج هى واحدة ازا كان عاجبك و طبعا مفيش جنوط ده رفاهيات أصلا و كمان مفيشabs

حرااااااااااااااااااااااا ااااااااااااااااااام ال abs مش كمالياااااااااااات
كل العربيات النضيفة بيبقى فيها abs,ebd,tcs(ebs) و هما بيعتبرو ال abs كماليات
حاجة تنقط

**esslynx** · 04-09-2010 06:11 AM

المشاركة الأصلية كتبت بواسطة eng_zoka

أنا معاك ان الجين 2 بعيدة أوى من حيث فرق السعر انما أنا بقصد الاداء و أنا الميجان هى الأختيار الأحسن بالنسبة لى بس الفتيس الأوتوماتيك مش بستلطفه و كمان 4 سرعات بس على حد علمى - أنا الى محدد أختياراتى أنى مش بحب الأوتوماتيك و طبعا حضرتك عارف التوكيلات فى مصر بتعتبر أن الفتيس المانوال ده حاجة بشعة و أن الأوتوماتيك ده الكامليات الى تنزل فى الفئات الأعلى يعنى مثلا لو أتهورت و فكرت فى حاجة زى السيراتو و لا الكروز النسخ المانوالى يعنى حاتاخد فوق دماغك مش بس مافيش باركنج سنسورز و لا 2 اير باج هى واحدة ازا كان عاجبك و طبعا مفيش جنوط ده رفاهيات أصلا و كمان مفيشabs

حرااااااااااااااااااااااا ااااااااااااااااااام ال abs مش كمالياااااااااااات
كل العربيات النضيفة بيبقى فيها abs,ebd,tcs(ebs) و هما بيعتبرو ال abs كماليات
حاجة تنقط

دى ظروف بلد و بعدين معظم الشركات بتلغى المانيوال دلوقتى لان الاوتوماتيك بقى اسرع و ممكن تعمل اللى انت عايزه بيه مش قضيه و احسن من النقل كل ثانيه فى الزحمه بتاعتنا

**eng_zoka** · 04-09-2010 04:45 PM

المشاركة الأصلية كتبت بواسطة esslynx

دى ظروف بلد و بعدين معظم الشركات بتلغى المانيوال دلوقتى لان الاوتوماتيك بقى اسرع و ممكن تعمل اللى انت عايزه بيه مش قضيه و احسن من النقل كل ثانيه فى الزحمه بتاعتنا

ظروف بلد أيه اللى تخليه يشيل تجهيز اساسى فى العربية زى ال ABS - ده جشع مش أكتر - و بعدين ما النيسان الصنى مثلا فيها ABS و سعرها معقول جدا

و انا مختلف مع حضرتك فى موضوع ان الشركات بتلغى الأوتوماتيك علشان أسرع لأن المانوال هو الأسرع و أسرع حتى من صناديق التروس المتطورة زى ال MMT من تويوتا اللى هو أقرب حاجة للمانوال فى شغله و أسرع كمان من ال DSG السبع نقلات من VW Group بس ده ميمنعش أن الفروق بسيطة ولكن المانوال لوحده متعة و ناس كتير شايفة كدة انا اصلا أمتع حاجة فى السواقة لما تدى النقلة و تشيل رجلك من على الدبرياج و أنت بتحط بنزين ياااااااااااااه شعور رائع كده بالقوة و التحكم فى كل حاجة فى العربية