هو حضرتك لسة شوفت حاجة .. دة لسة حتسمع اشاعات وتلاقى واحد مالوش اى شغلانة غير انه يدخل القسم بتاعك علشان يعكنن عليك
زى مايكون مستكتر عليك فرحتك او بيحاول بشتى الطرق انه يقنعك بانك اخطأت فى اختيار العربية انا مش عارف دة اسمه ايه بس هو اكيد طبع
انا مش بقول ان محدش يتكلم او ينقد .. بس فى فرق بين النقد فى جزئية معينة فى العربية و دة نقد بناء ومفيد وفى نقد من الاخر بيكون نفسنة مش اكتر ورافض العربية جملتا وموضوعا وفرض رأى اعمى مش اكتر
زى مثلا اللى يقولك على ال بى واى دى (لا يا عم دى صينى ) .. واللى يقولك على اللوجان (لا يا عم دول بيضحكوا علينا دى اصلا داتشيا مش رينو )
رينو ايه وصينى ايه والناس بتحكم على العربيات بالمظاهر .. المفروض اللى بيشترى عربية بيقرا عنها ويتفرج عليها 100 مرة ويبحث ويشوف ويسأل اياكش يكون عليها علامة ايديال والعربية كويسة يبقى الماركة دى لا تعنينا فى شيئ
وسورى ياعنى تلاقى اللى بينتقد عربيتك تشوف البروفيل بتاعه تلاقيه معاه عربية انت عارف مشاكلها ويمكن عربيتك تفصل منها 3 عربيات بس تعمل ايه فى عقول الناس اللى زى دى
عموما كبر دماغك واستمتع بعربيتك وماتشغلش دماغك بكلام اى حد طالما انت مقتنع بيها و بتتكلم فى المنتدى بما يرضى الله واللى مش عاجبه هو حر مش حيخرسنا بنفسنته
وربنا يباركلكوا فى عربياتكم جميعا ويكفيكوا شرها ويعطيكوا خيرها
المفضلات