عايزين تقييم حديث لجيلى mk/ck2

**mmmmgogommmm** · 19-09-2010 11:08 PM

يا جماعة الماركة دى مظلومة واللى ظالمها اللى راكبنها --------معقول مفيش تقييم جديد ليها بعد سنتين فى السوق عايزين تقييم بعد15000 كيلو متر للموتور والعفشة والتوكيل

**seaf_sawy** · 21-09-2010 11:58 PM

والله كلامك صح انا عجبانى ck2 وخايف ومش لاقى كلام نهائى فيها

**elkeden4ever** · 03-10-2010 03:15 AM

سيارة جيلى ck سنة 2009
تقرير بعد 22000 كيلو
العربية بامانة شديدة صادفت بعض العيوب الصغيرة التى يتم علاجها بين 1000 و 5000 كيلو
الحمد لله الموتور كويس جدا و العفشة نوعا ما و الغلطة نوعا ما عندى لانه كان فى جنب مساعدين ضعيفىة شوية و قالوا لى فى التوكيل تعال نشوفها و انا ما روحتش
بالنسبه للسفر و الجرى تمام
التوكيل يعتبر جيد كان فى الاول ممتاز بس فى الاواخر مع تصفية عمالة الشركات فى بلدنا تقريبا تم تصفية عدد عمال و مستنى اروح صيانة 25000 كيلو علشان اشوف
من ناحية الثبات اذا عرفت امكانيات عربيتك جعلتها ثابتة عند المنحيات الخطرة و بسرع عالية
بالنسبة لثباتها على الطريق مع السرعات العالية كالسفر فهى ثابتة مثل اللانوس و يمكن ازيد شوية مع سرعة اعلى
طبعا فى الاول و الاخر تفرق بالنسبة للسائق الذى يحافظ على سياته
(المدينة : الاسكندرية )

**MEDO84EG** · 18-12-2010 11:14 AM

يا سلام اخيرا لقيت حد بيتكلم عن جيلي
يا جدعان انا بردو بتكلم مع ناس معاهم جيلي مثلا ck
بيقولوا وجشه اقولهم طب احكولي
يقولي هيا واسعه و موتور قوي و قطع غيار الشاريد شغاله عليها و تكيف و اوبشنز كويسين بس المشكله ممكن فانوس يتكسر او باب يتخبط احتاس
بقي ده يسقط عربيه ؟
بالعكس انا شايفها مميزات
و الابواب و الذي منه شغل سمكري
و الفوانيس تدبر
بس بجد انا حاسس انها مظلومه
يا ريت نتعاون ياللي معاه جيلي و يدلنا

**elkeden4ever** · 21-12-2010 12:37 AM

اعتذر للتأخر عليك فى الرد
نصيحة ابعد عن موديل 2005 احسن الموديلات القديمة اتبهدلت فى السوق علشان مكانش فى قطع غيار لها و لا توكيل و اكيد بها عيوب
اسعار الزيرو حوالى 58000 او 60000 الف

**kamelamoc** · 09-01-2011 10:39 PM

أنا عندى سيارة mk 2008 وعامله 38000 كيلو
وحالتها رائعة جدا من حيث السحب والسرعات العالية والثبات والعافشة ما غيرتش فيها حاجة والزوايا تم ضبطها مرة واحدة بس
والكاوتش حالته سليمة جدا والخدمة فى توكيل الإسكندرية رائعة حتى آخر زيارة . بس زعلت شوية من تغيير المهندسين فى المركز وكمان الفنيين.
وعايز أعرف لو فيه حد بس بيحس بشىء فى السيارة فى الطرق اللى فيها حفر صغيرة ولا لأ.

**mmmmgogommmm** · 13-01-2011 09:09 PM

المشاركة الأصلية كتبت بواسطة kamelamoc

أنا عندى سيارة mk 2008 وعامله 38000 كيلو
وحالتها رائعة جدا من حيث السحب والسرعات العالية والثبات والعافشة ما غيرتش فيها حاجة والزوايا تم ضبطها مرة واحدة بس
والكاوتش حالته سليمة جدا والخدمة فى توكيل الإسكندرية رائعة حتى آخر زيارة . بس زعلت شوية من تغيير المهندسين فى المركز وكمان الفنيين.
وعايز أعرف لو فيه حد بس بيحس بشىء فى السيارة فى الطرق اللى فيها حفر صغيرة ولا لأ.

مساء الخير يا استاذ/كمال----انا مبسوط انى لقيت راجل سكندرى اقدر اسئلة واستفيد من خبرتة---اولا باالنسبة لسؤال سيادتك عن الاحساس باالحفر والمطبات الصغيرة ---فمتهيالى دى مشكلة اسكاترا اما انها محتاجة حشو او تغيير ---وياريت حضرتك تقيم لنا العربية واسعار قطع الغيار وشكرا---وهل فيها فراملABS--ebdوانا شاكر فضلك