الموضوع: تركيب باقى الكماليات للجميلة byd

المشاركة الأصلية كتبت بواسطة mmmmgogommmm

صباح الخير----------- نور الشبورة الامامى موجود على ما اظن فى التوفيقية عند محل بكين ب50 جنية وفى التوكيل ب100 جنية والكلام اللى جاى دة انا ناقلة من المنتدى ومحتفظ بي (

بالصدفة في التوفيقية وشفت محل لقطع غيار byd-f3 فسألت عن دلايات للجميلة byd-f3 فوجدتها موجودة بسعر 50 جنيه للطقم 4 قطع وهي كنوعية مش بطاله بس طبعا مش مصنوعةبنضافة أوي لكن بتؤدي الغرض وشكلها حلو والأهم إن خامتها طرية مش ناشفة وبتتكسر زيالأنواع التانية .... مش عارف ليه المصنع مش منزلها في العربيةأصلا!!!!


ولقيت عنده كمان فوانيس شبورة أمامية بدون المفتاح وهي ممكنتركب علي المفتاح الموجود للشبورة الخلفية بحيث يشغلهم مع بعض وسعر الطقم 50جنيه

المحل مشفاكر إسمه لكن عندي موبيله كان مكتوب علي المحل وإسمه رضا والرقم 0197776689
امبارح كنت فى التوفيقة و لقيت محل قطع غيار byd

لو انتا رايح التوفيقية من الشارع اللى على اوله بنزينة موبيل هاتعدىتقاطع شارع زكى و بعديه تقاطع تانى ادخل يمين مع التقاطع دة - هاتمشى حاجة بسيطةهتلاقى مول كبير على الشمال
ادخل المول فى الوش علىطول هو تالت او تانى محل على اليمين هو حاطط علامة byd علىالمحل
اتكلمت معاه قالى كل حاجة الـ f3 كلها عندى بسمعندوش قطع غيار الفلاير
المحل دة فىالمول الجديد فى التوفيقية )(

جزاك الله خير على المعلومات القيمة وهو الافضل يركب على زرار نور الشبورة الخلفية هيبقى افضل واشيك ومافيش تعديل
وهو ده نفس الزرار فى الكورولا اللى يبشغل الشبورة الامامية على فكرة
طيب والحساسات اخبارها ايه وفين بيركبوها وبكام ياترى حد عنده فكرة؟
وهل ده ياثر على الضمان؟
هما رفضوا تركيب كشافات الشبورة الامامية فى الوكيل اصلا موش عارف ليه حتى ولو ب 200 موش 100 جنيه كنت هوافق لانه هيحتاج تغيير الدراع الايسر علشان يكون زى الموديل الاعلى واعتقد عشان كدة يمكن رفضوا؟
الله اعلم
وياترى نفس المحل ده اللى حضرتك قولت عليه هو اللى بيركبهم؟

المشاركة الأصلية كتبت بواسطة elmanahry

عزيزى الفاضل ارسلت على الخاص للفاضل الاخ sonysonia لمطالبة السيد اللواء رئيس الشركة بتركيب كشافات الضباب الامامية وكشاف الضباب الخلفى والاسبويلر للسيارة عن طريق التوكيل وعلى حساب العميل حتى لايركبه احد خارج الضمان ويخسر الضمان ارجو تايدى من باقى الاعضاء ولقد طرح العضو المحبوب sv065 يطلب من الاعضاء عرض احتياجاتهم من الكماليات لتوصيل الموضوع الى الشركة ولكن لم يجد الاستجابة الكافية لان شركة الامل ستستورد هذه الاشياء بناءا على طلب الملاك وها سيادتك جددت الموضوع مرة اخرى ارجو ان يدخل باقى الاعضاء لتاييد الموضوع وعرض احتياجاتهم وشكرا جزيلا

تأيد تام لكلام حضرتك .. ويارب الشركة تستجيب ...

المشاركة الأصلية كتبت بواسطة sonysonia

الساده الافاضل

تحيه طيبه لكم جميعا احب ان اوضح بعض الامور بالنسيه لتركيب الاضافات من فوانيس شبوره ودلايات واسبويلر وفانوس خلف الذجاج الخلفى وحساسات ركن
لا توجد اى مشكله فى تركيب الدلايات وهى متوفره فى التوكيل او خارج التوكيل اما بالنسبه للكهرباء والفوانيس وما شابهه من زينون و وشبوره لابد من التاكد من قدره اللمبات ومناسبتها لللاريهات والفيوزات والكتاوت الخاص بكل جزء من اجزاء الضفيره الكهربائيه للسياره
وعدم المساس بالضفيره اطلاقا لما قد ينتج عنه تفويت
فى كهرباء السياره الحديثه التى تعمل بوحده الكنترول يونت مما ينتج عنه عدم انتظام اداء السياره الميكانيكى
و قابلت بنفسى عده مشاكل بالتوكيل عند ورود بعض السيارات واحتراق كامل لفانوس الشبوره بسبب قدره اللمبات القويه جدا والغير مناسبه كما ان مكان فانوس الشبوره فى اسفل الاكصدام الامامى المعرض دائما للمياه
المنتشره فى بعض الاماكن واسفل الانفاق احيانا مما سبب ايضا مشاكل فى سيارات اخرى كما يجب ان يكون هناك مكان فى ضفيره السياره به مخرج كهرباء على مفتاح بالسياره ليتم توصيل الكهرباء دون المساس بالاسلاك
وبعض الموديلات لا تتوافر فيها المخارج لتوصيل اى اضافات بالضفيره فالبديل هو ان يتم تقشير فى اسلاك الضفيره وهو مرفوض تماما بالتوكيل
كما انبه الجميع فى حاله تغيير لمبه فى اى مكان بالسياره لابد وان تكون مثل التى تم تغييرها اى نفس الواط او لابد من تغيير الللاريه والفيوز ويفضل عدم اضافه اى قدرات اعلى لما تسببه من مشاكل
ولسيادتكم جزيل الشكر ونحن دائما فى خدمتكم
وسيتم دراسه التركيبات الاضافيه وسنوافيكم بما يمكن ان يتم تركيبه بالسياره او يمنع اطلاقا حسب الدراسات
للضفيره من كل موديل gi - gli - glxi - r
وهى الموديلات الموجوده فعلا فى مصر تقفيل صينى ومصرى من اف 3

ده الكلام المقنع المحترم فجزاك الله خير اخى الكريم وهذا هو نفس وجهة نظرى واصرارى فى البداية ان يتم هذا الشيئ فى التوكيل علشان يكون بشكل صحيح وعلمى فيه مراعاة للدائرة الاليكترونية للسيارة والاحمال وقوة اللمبات ودى فى السيارات الحديثة ما فيش فيها هزار ده ممكن تحرق كمبيوتر السيارة وانا اتعرضت لموقف مشابه فى سيارة كابريس كانت نظام دائرة كمبيوتر وانتهى الموضوع بمأساة تم بعدها التخلص من السيارة نهائيا
الامر الثانى موضوع التوكيل ياريت يكون له حل وتبلغ الادارة انهم يهتموا شوية بالعملاء ويكون الملاكى له قسم منفصل عن التاكسى لحسن كده بصراحة ماساة هتقضى على السيارة والناس هترفضها بسبب سمعة التوكيل وبعدين ماهو توكيل اسكندرية الناس بتقول انه محترم ليه مايكونش سيستم واحد كل الفروع؟
اتمنى ان نجد عندك اخى الكريم صدر رحب واستجابة جيدة كما عودت اخوانك فى المنتدى وانك تعتبر كل سيارة هى سيارتك انت شخصيا
وتقبل تحياتى