الموضوع: لــــكل ملاك الأوبل أدخلوا شاركوني بخبرتكم موضوع ممكن يفيدنا لو هاينفع يتنفذ صح :)

المشاركة الأصلية كتبت بواسطة tamertamer

الفكترا بى ثمنها بردة من 350 يورو الى 700 يورو يعنى بما يعادل مبلغ هايف جدا بالمقرنة هنا
المكسب معظمة بيروح للمستورد وشوية للتاجر
فكرة طبعا حلوة بس عيزة تعب شوية كتير

يعني هي الفلوس اللي بتدفع دي مش متعوب فيها يا عم تامر ولا ايه ده اللي عنده 128 سماوي بيشتكي منها امال احنا نعمل ايه d:d:d

انا عن نفسي متحمس جدا للفكره

ده ال بي ام موديل 320 كاملة الموديلات القريبة بتقف ع التاجر بحوالي 30 الف و شوية و تيجي تقوله عاوز نص ورا او قدام لو قالك 30 يبقي بيعزك اوي !!!! ربنا يباركلهم بس و بعدين يعني d:d:d

انا مش متخيل ان السوق هو اللي حاكم الموضوع ده !!! الأسعار عالية جدا سواء في الأوبل او في العربيات عموما كقطع غيار

المشاركة الأصلية كتبت بواسطة atef saleh

كلام جميل لكن تنفيذه على ارض الواقع مستحيل

و بالنسبه لنقطه العربيه اللى هتيجى من السعوديه دى مش فاهم ايه اللى هيحصل حضرتك تقصد انك هنأخد منها كل حاجه و ترجع تانى طيب ازاى ؟؟؟؟؟؟؟
بس فى فكره حلوه ممكن تكون هى فكرتك بس بصوره تانيه ان كل اللى محتاج حاجه يقول عليها و حد مننا يروح يشترى كميه كبيره من مستورد او تاجر جمله .

ولا مستحيل ولا حاجة يا استاذ عاطف .... هو لو اتنفذ هانبقي اول منتدي يعمل الموضوع ده و تعاون جامد جدا فيه بجد !!!.....
فكرة العربية اللي بتيجي من برا....نمرتين داخلين و نمرتين خارجين ....و الشاسيه طبعا .....ان شاء الله لو رجعتهم برا تاني في ظرف جواب المهم ان المدة انتهت بتاعة الزيارة جوا مصر....و انا اخويا في السعودية و هاتكلم معاه في الموضوع دا في اقرب وقت...
و كلامك صح....انا مثلا محتاج كبالن و بارات و كدا....و صادف ان طناني باشا قال انه محتاج قواعد موتور و حد تاني قال مساعدين و محتاجهم و واحد عاوز رفارف و كبوت لما يتجاب الجزء كله علي بعضه تفتكر هاييجي بنفس تمنه متجزأ ؟؟!!! اكيد مش بتكلم في فرق 100 او 200 جنيه .....هي هاتجمل مبلغ في الأخر

و اللي كان هايدفع مجزأ يتجمع و المجمل الجديد بتاع كله يبقي متوزع نسب و اتحداك هاتلاقيه كلام فاضي لو كان متحقق ان التاجر معرفة و كمان انت كسرت معاه شوية

فكره ممتازه بس صعبه

المشاركة الأصلية كتبت بواسطة bedo13

فكرة حلوة بس في حاجة..
لو افترضنا جبنا عربية من برة وكل واحد خد اللي عايزه.. العربية هترجع تاني .. باقي الحاجات مين هيدفع تمنها؟؟
اكيد مش هتتباع تاني لما ترجع..

هاتتعرض للبيع عادي هنا لللأعضاء و بالإتفاق مين في المشتركين في الحاجة هايتولي و مظنش عليها اختلاف كبير ولا ايه ؟؟ !!!

و كمان هاتبقا برده سعرها جميل طبعا لأنها واقفة بسعر قليل زيها زي الحاجات اللي اتاخدت....فاهمني ؟؟.... و دا هايشجع اللي ناوي ياخدها طبعا !!!

دا غير ان في ناس بيبقي جايبة حاجات استبن معاها لأي ظرف

صدقني مفيهاش اي معضلات....الموضوع جميل جدا و موفر علي ما اعتقد....و بعدين انت هتاخد من العربية من كل حاجة هاتروح مفيهاش حاجة يعتبر....تروح تترمي تتولع فيها بقا ما علينا ان شاء الله تولع في الشاسيه و النمر و تبلغ انها عملت حادثة و تسلمها و شكرا

انا مش عارف ايه الشر اللي انا بقيت فيه دا

انا هابدأ بنفسي

انا محتاج مارش و كبالن داخلي و بارات و مقصات و مساعدين امامي و علبة الدريكسيون بالوصلة الصليبة بتاعتها و الفوانيس الأصلية و تكون بلمعتها شوية كدا....عفشة امامية كاملة ممكن دي تدخلها في 4000 ولا ايه ؟؟؟....الكبالن الداخلي ب 600 جنيه و عاوز قاعدة فتيس 300 جنيه و بارات و مقصات و مساعدين هايدخلوا في 2000 جنيه و عليه الدريكسيون ب1250

يعني ممكن مع الاجمالي لو ناسي احسب حاجة يبقي الطلبات ب 5000 جنيه !!!!

طيب لو في واحد محتاجله موتور نضيييييف مش هايقله اد بخمسة و شوية ؟؟؟ قول ستة الاف !!

ياتري نص فيكترا بي بكام و النبي ؟؟؟؟؟؟؟؟ !!!!!!!!

ده نص الهوندا سيفيك 2007-2009 من ورا البطاحات عند الصدر سعره 15 الف جنيه !!!!! عفشة و كـــــــــــــله !!!

امال في الفيكترا بكام و لو اشتريته انا مع حد يشترك معايا فيه و قسمناها علي بعض

مرة باشمهندس تامر قال ان ممكن ييجي في حدود 7500 جنيه.....و في اللي قال 9000

يعني احنا بنتكلم في الضعف دلوقتي الحاجة اللي ب1000 هاتلاقيها وقفت ب500 جنيه و 500 جنيه في جيبك زي الباشا !!!

انا العربية خلصت عليا اصلااااااا d:d:d:

يا ريت اللي محتاج حاجات قدام في عربيته و تكون فيكترا بي 1 موديل 2000 سي سي ايكوتيك 2 كامة زيي بالظبط يكتب هنا....و يقول محتاجة ايه بغض النظر عن لو في حاجة متكررة عندي و عنده عااااااادي برده