أسترا 2004 أو أبترا 2009 أو لانسر 2005 كاملة

**mohamed2015** · 30-12-2010 06:07 AM

ا جماعة أنا محتار قدامى أسترا 2004 كاملى اوتوماتك عامل 38000 كيلومتر فابريقة بالكامل
و أبترا 2009 كاملة عاملة 10000 كيلومتر أو لانسر 2005 كاملة أوتوماتك عاملة 100000كيلومتر و فابريقة بالكامل
و الثلاث سيارات فى حالة ممتازة

**amribrahim** · 30-12-2010 06:29 AM

اوبترا يا باشا

**ramy01011** · 30-12-2010 08:00 AM

بالترتيب
لانسر بس لو كانت 1600
الاوبترا
ابعد عن الاسترا هتغلبك في مصاريفها جامد

**Ahmed_lol2007** · 30-12-2010 08:28 AM

ممكن اعرف الاسترا هتغلبه هو مصاريفها جامد ليه
أنا عن نفسى برشح طبعا الاسترا مش عشان أنا معايا أوبل
لا عشان أنا ركبت التلاتة وفعلا الاسترا أحسن واحدة فيهم

**caboo_1** · 30-12-2010 08:49 AM

الاسترا اركب وطمن صاج وعفشة و ثبات على الطريق ومتور شديد بس مصاريف(((على فكرة اللى هتصرفة هتنساه بعد كدة ))))
الانسر موتور عفشة ويبانى بس انت بتقول عاملة 100 الف يعنى هحتاج مصاريف قدام
الامهم ده على حسب ركوبك يعنى ليك فى الركوب الدماغ العالية يبقى استرا ولو ليك زى الناس يبقى الانسر اما الابترا مجربتهاش بصراحة

**lancerevolution** · 30-12-2010 09:09 AM

لانسر الصراحة طلعت أى كلام لما سوقتها و جربتها مريحتنيش
الأوبترا الصراحة ما جربتهاش
الأسترا انا هختارها قطع الغيار مش غالية بالنسبة للانسر بس طبعا غالية نار بالنسبة للادا و الفيات القديم
و الصراحة برستيج
لأنها أكيد مش متأجرة
إنما لانسر أو أوبترا فا فى إحتمال تكون متأجرة

**ramy01011** · 30-12-2010 10:07 AM

ابحث كويس هنا في المنتدي عن مشاكل الاسترا و الموضوع موش موضع قطع غيار نار و بس لا موضوع ميكانيكا و كهربا العربية لو لا قدر الله لو حصل فيها حاجة و موددتهاش لحد بيفهم فيها هيبوظلك الدنيا و انت كدة كدة بتشتري عربية مستعملة يعني قدام اكيد هيظهر فيها حاجة و جايز متكنش حاجة كبيرة بس لو راحت لميكانيكي بيفتي يبقي هتبقي كبيرة و الكلام ده عن تجربة 2 من اصحابي

**فادى محمد** · 30-12-2010 11:05 AM

بلاش اللانسر , انا سمعت كلام حلو عن الاوبترا بس ماجربتهاش والاسترا لو حالتها حلوه توكل علي الله انما مش اي ميكانيكي يشتغل فيها .من الاخر عاوز تريح دماغك وعربيه وخلاص (اوبترا) -عاوز تستمتع بركوب وثبات وبرستيج(استرا) .