الموضوع: أنا مش أنا !

في محاولة للإختصار !

طالع من تحت شغلي من كام يوم بع 50 متر وعند أول تقاطع إذ فجأة ..........

ألاقي واحد لطيف بنص نقل راجع بضهرة عي سرعة حوالي 30-40 وطالع من شارع عكس إتجاه وبدون أي فرامل (تماما) دخل في الفرده اليمين قدام عندي !!

ههههههه حبيب ماما إنتي كنتي تعملي إيه ؟

فجأة ولأول مره ومن كتر عصبيتي لقيت نفسي مش أنا !!!

من كتر ما كنت هموت من الغيظ وحسيت إني أقدر أبهدله أوي تذكرت قول الله تعالي (الذين ينفقون في السراء والضراء والكاظمين الغيظ والعافين عن الناس والله يحب المحسنين) صدق الله العظيم

وخفت من كتر عصبيتي وما أتاني الله من سلطان إني أفتري عليه جامد
لقيت نفسي بقولة توكل علي الله يبني أنا مسامحك ّّّّّّ!!!!!

المهم
(النتيجة)

الفرده اليمين مش وقفه مظبوط واقفة مايله والعربية ماشية بالعافية
بعت العربية للعفشجي كلمني قاللي المساعد معوج

دور علي مساعد لوحده ملقاش حاجة نضيفه (كنت في دمنهور)

لقيت جايب العربية وبيقولي انا عدلت المساعد !!!!

جربت علي الطريق تمام إتزان وزوايا تمام جوه البلد ومطبات ونقر تماام

واحد يسألني سؤال جوهري أمال المشكلة فين ؟؟؟

المشكلة :-

أولا :- في الأول كانت فقط إني عندي هسهس وفسفس من موضوع المساعد المعدول ده (مهو أكيد النقطه إللي كان معوج منها أضعف نقطه طب هل مع وزن العربية والسفر والمطبات هيفضل معدول بنسبة 100 % ولا هيريح)

ثانيا:- (إكتشفت) حاجة غريبة جدااااااا إمبارح كسرة العجل يمين(ناحية الخبطة) بقت أكبر من الناحية الشمال !!!!!! الطارة بيلف أكتر من نص لفة زيااادة !!!!! والعجلة بتكسر أكتر !!!!! (بالله عليكم محدش يقولي كبر دماغك أنا بجري علي الطريق وبسافر كل يوم)

ثالثا :- العربية لما بسيب الطارة علي الطريق بدأت تروح يمين حاجة بسيطه (رغم إن الزوايا و ضغط العجل مظبوطين

المطلوب من إخواتي الأعزاء

1- كام واحد معايا إني أجيب جوز مساعدي قدام جداد و أمري لله عشان العك إلي انا حاسس بيه ده (رغم إنهم جداد) ولو جبت أجيب مساعدين إيه وعاملين كام

2- إزااااااااااااااي الكسرة يمين كبرت (أنا متأكد أنها كانت عادية قبل الخبطة) يعني يا ريت لو السادة الخبراء يفيدوني ده ممكن يكون إيه !!

إيه ده انا كتيت كل ده :)

كل سنة و إنتوا طيبين