ميجان هاتشباك الجديدة 2011 تركى أم فرنسى؟

**OldVic** · 16-01-2011 11:47 PM

الإخوة الاعزاء، أفكر فى شراء ميجان هاتشباك أوتوماتيك أول أو ثانى فئة و كنت أطمع فى رأى مالكى هذا الموديل أو من يعرفون عنه معلومات كافية. أيضا، هل فعلا كل الموجود منها الان تركى؟ هل لا يوجد مخزون قديم مثلا 2010 و يكون فرنسى بالكامل؟؟ أرجو المساعدة فى الأسعار كذلك :)

شكرا!

**chato_eg** · 17-01-2011 12:05 AM

كل الجديد زيرو الشكل الحالى يباع فى مصر .....تركى ....
الأوروبى المنشأ منها يباع داخل السوق الأوروبى

**OldVic** · 17-01-2011 12:33 AM

أشكرك على الرد، و ما رأيك فيها عموما؟ بالذات من ناحية جودة التقفيل، الاعتمادية، و أداء الموتور؟؟

**chato_eg** · 17-01-2011 07:48 AM

قد تبدو أقل فى مظاهر الفخامة مقارنة بنظيراتها من الأوروبى...لكن لاحظ فرق السعر الغير بسيط أيضا
توكيلها أفضل و أقوى من كل نظيراتها
بالنسبة للموتور فلا غبار عليه..لكن هى بشكل عام مش طبيعتها رياضية...يمكنك الاستمتاع جدا بالقيادة الهادئة فى الميجان نظرا لنعومتها الشديدة
الاعتمادية دى مسألة نسبية تعود للمستخدم...لو مافيش معاك مشكلة من إتمام الصيانات الدورية المجانية منها و غير المجانية فى مواعيدها فى التوكيل أو مراكز الخدمة المعتمدة...فمافيش قلق خالص منها....حتى لو باظت فيها حاجة مش بتقف خالص..ده غير إن فيها أساليب تحذيرية للسائق قبل وقوع مشكلة
على كل أنصح بمراجعة كافة المنافسين لها من أول ال i30 و حتى الجولف و الأسترا مرورا بالفوكاس و البرافو و ال 308 و الليون....
كل واحدة فيهم ليها طعم غير التانية.و الله الموفق

**wawoo** · 17-01-2011 08:23 AM

المشاركة الأصلية كتبت بواسطة OldVic

الإخوة الاعزاء، أفكر فى شراء ميجان هاتشباك أوتوماتيك أول أو ثانى فئة و كنت أطمع فى رأى مالكى هذا الموديل أو من يعرفون عنه معلومات كافية. أيضا، هل فعلا كل الموجود منها الان تركى؟ هل لا يوجد مخزون قديم مثلا 2010 و يكون فرنسى بالكامل؟؟ أرجو المساعدة فى الأسعار كذلك :)

شكرا!

اول فئة سعرها 133 الف و الفئة التالية تزيد عشرة كمان
العربية تقفيل و تصنيع تركى فى بعض المكونات و لكن هناك مكونات كثيرة من المصانع الاوروبية و التقفيل و الخامات على مستوى مرتفع
و النسخة التركية تباع ايضا فى اوروبا يعنى بتنزل المانيا مثلا و عليها بعض التعديبات فى العفشة عشان تناسب الدول النامية
و اختلتف قليلا مع راى شاتو فى انها مش رياضية
لكن انصحك برضو تشوف المنافسين و ان كنت اعتقد انة من الصعب توافر ما تقدمة الميجان فى سيارات اخرى بنفس الاداء و الكماليات فى نفس الفئة السعرية و خدمات ما بعد البيع من الوكيل

و دى تجربة للميجان من esslynex

http://www.nilemotors.net/Nile/164928-3.html