حد ياجماعه لوسمحتم يقولى سعر التمبرا 90 فاضيه فابريكه

**body6789** · 11-02-2011 10:43 PM

حد ياجماعه لوسمحتم يقولى سعر التمبرا 90 فاضيه فابريكه جوه وراشه بره من شهرين موتور 75% وارد الخارج 2003 مش عايزه مصروف غير رش الفيبره الى تحت الفانوس بس

**heshamzaky** · 11-02-2011 10:47 PM

لو نضيفة قوى لو ب 28 الف ممكن يبقى حلو قوى بس كلها تبقى سليمة . أعتقد أنها 1400 سى سى مش كدة

**body6789** · 12-02-2011 01:41 PM

شكرا على اهتمامك والرد السريع وانا كمان متابع انجازاتك فى الرابطه
كنت محتار مش عارف اشتريها ولا لأ ومصاريفها عامله ازاى انا أطمئنيت شويه لما شوفت مشاركتك بأسعار قطع الغيار لاكن انا متحفظ على سعر الكربراتير وعلبه الدركسيون بتوعها غاليين قوى .
هيا 1400 سى سى فاضيه بدون كماليات مانيوال دهان خارجى من شهرين بس موتور 75% دواخل فابريكه وارد ايطاليا 2003 عامله 200000 فيها شهرين فالرخصه باسم مالكها بدون حظر طبعا .
كنت عايز أسأل حضرتك أيه عيوب العربيه دى؟
وهل هيا على شاسيه ولا علب؟

**heshamzaky** · 12-02-2011 02:20 PM

شاسية قوى جدا و ممتاز و أنت كدة العربية مش مكيفة . بص علبة الدريكسيون مستعملة ب 300 جنية بس المهم يبقى حالتها كويسة هى العربية فيها باور صح كدة . بص توكل على الله العربية زى الزلطة و جامدة و أنت ما ذكرتش السعر المطلوب كام . بص أنا شوفت تمبرا 1600 مكيفة بس مش كل حاجة فيها شغالة بتبقى ب 31 و 32 الف . أنا كنت بدور على تمبرا و شوفت كذا عربية بس 1600 سى سى بس حا يحتاجو مصارف . و أنا ما ليش أنجازات يا باشا هههههههههه كلمة أنجازات دى مع الحكومة السابقة هههههههههههههههههههههههه

**ahmed1981** · 12-02-2011 03:20 PM

رأيي في التمبرا

مميزات:
*- صالون واسع ومريح
*- موتور قوي
*- كماليات متوفرة

العيوب:
*- مقدمة السيارة والجزء المثبت به الفوانيس ضعيف ويتلخلخ بسرعة
*- صاج أضعف من الورق المقوى ممكن واحد يركن عليه يبططه
*- البلاستيك الخاص بالتابلوه قابل للتكسير بسهولة جداً
*- قطع غيار غير متوفرة ومحتكرة عند بعض المحلات وبعض القطع لن تجدها إلا إستيراد مستعمل
*- قطع الغيار غالية مقارنة بالفيات القديم
*- السيارة تشيخ بسرعة
*- كثيرة الأعطال وخاصة علبة الدركسيون الباور وكوالين الأبواب

سيارتي صناعة مصرية موديل 97 جميع الكماليات
وقد تكون الإيطالي أكثر صلابة في مسألة الصاج

**heshamzaky** · 12-02-2011 03:54 PM

الصور ممكن تحكم

**heshamzaky** · 12-02-2011 04:05 PM

و دول صور أخرى

**body6789** · 12-02-2011 05:01 PM

متشكر يا بشمهندس أحمد وأستاذ هشام على المعلومات القيمه دى
قدر الله وماشاء فعل صاحب السياره تراجع عن بيعها والحمد لله ربنا فكها عليه كان طالب 26000 عشان احنا جيران.