كيفية فتح ابواب الميجان بدون الريموت ؟

**SoFiMaN** · 14-02-2011 08:49 PM

السلام عليكم

اليوم تعرضت لموقف سخيف و هو اني بعد ما رحت الجراج صباح اليوم للتوجه الى العمل (و انا اصلا نازل متأخر :d ) كل اما اجي افتح بالكارت و اعمله انلوك ولا بيأثر اي زرار فيها ! بس شايف الفلاش الاحمر اللي في التابلوه شغال يعني البطارية بتاعة العربية شغالة المفروض! قلت طيب افتح العربية مانيوال بالجزء اللي بشده من الكارت ده بس معرفتش اخطه فين اصلا ؟! :d
فأضطريت اروح اجيب السبير من البيت و ارجع اجرب لقيته اشتغل و طلع المشكلة من بطاريات الكارت فاشتريت اتنين جداد و ركتبهم للكرتين برضه احتياطي ..

النقطة بقى دلوقتي محتاج اعرف ازاي افتح العربية من غير الحاجة للريموت في حال لاقدر الله تكرر الموقف ؟ و لو في صور توضح ياريت اكون شاكر :)

**zagi** · 15-02-2011 01:04 AM

في اخر اكرة باب السواق على اليمين في جزء بلاستيك بتفكه من تحت لفوق...تحت المكان ده هتلاقي مكان المفتاح زي اي عربيه تانيه..

بس السؤال اللي عايز اسأله...المفتاح الاحتياطي اللي في الريموت ده بيدور العربية ولا لأ ؟؟

**SoFiMaN** · 15-02-2011 02:23 AM

يعني ده بيبقى متركب كليبسات يعني افكه بايدي عادي ؟

تقصد الكارت اللي بطاريته كانت خلصانة دور العربية ولا لأ ؟ لو ده السؤال فأيوة الحمدلله دورها عادي.

**chato_eg** · 15-02-2011 03:55 PM

فى الطرف اليمين لأكرة الباب..هتلاقى جزء بلاستيكى من نفس لون الأكرة و لكنه منفصل عن باقى غطاء الأكرة....
بتخرج الجزء المعدنى من الكارت و تحاول تفك العطاء البلاستيك للأكرة بواسطة الجزء المعدنى من الكارت بحيث إنك تدخله فيه من أسفل كإنك بتفتح غطاء زجاجة مياه غازية و لكن بالراحة و تحلى بالتأنى علشان ما تكسرش حاجة....
بمجرد ما يخرج جزء منه ..شيله بإيدك عادى....و قتها هتلاقى أمامك فتحة يمكن وضع الجزء المعدنى فيها و التعامل معاه كإنه مفتاح عربية...و ده هيسمح لك إنك تدخل العربية بس....
لإدارة العربية...رجع الكارت تانى زى ما كان و دخله فى الفتحة المخصصة و دور زى ما إنت متعود لإن إدارة السيارة لا تحتاج بطارية فى الكارت