الموضوع: عايزة اشتري عربية بونتو 95...يا تري عيوبها إيه؟..مرفق استمارة شراء

نـــــص الاستمـــــــــارة :
خاص بنايل موتورز فقط

-----------------------------------------------------------------

المبلغ المتاح / يفضل (25 ألف) - اقصى حد (30 ألف)
نوع العربية / مستعمل
خبرتك فى السواقة وسكك الصيانة / جديدة
شكل العربية / مش فارقة
الموديل / تسعينات
إستخدام السيارة فى الاغلب / داخل المدينة
انتقالاتك بالعربية / فى الاغلب لوحدك
الكماليات المرجوة / المهم التكييف
إستهلاك البنزين / يفضل قليل
قطع الغيار / فى المعقول
اماكن الصيانة / ممكن ميكانيكية
التفرغ لأعمال الصيانة / ماعنديش وقت ولا خبرة
الاستمرار بالعربية لفترة /هاستمر بيها فترة طويلة
سعر إعادة البيع / مش عايزة أخسر كتير
اهم حاجات بتدور فيها على العربية /
قوة تحمل
- قلة اعطال
- الشكل الحلو
- ............
ملاحظات اخرى / .........(لسه بتعلم السواقة..مش بعرف أتعامل مع ميكانيكية)

نفسي اشتري بونتو 95 بس في ناس بتخوفني من عدم توافر قطع غيارها...هل البونتو 95 تتوافق مع اللي أنا ذكرته في الاستمارة ولا لأ؟
و إيه عيوبها عموما؟
أرجو الإفادة من ذوي الخبرة
تحياتي

خاص بنايل موتورز فقط

انا كان معايا واحده موديل 95 وبعتها وهى فعلا عربية يتزعل عليها
بس الحمد لله على كل شىء
حضرتك واحده ست وبتتعلمى فمانصحكيش بعربيات اوروبى
اولا لانها مش بتاعت بهدله
ثانيا لو بهدلتيها هاتدفعى كتير
ده غير ان النوع ده من العربيات عاوز ميكانيكيه بتفهم ودول قليلين وعاوزين حد يتدحدر كام شهر ويتعورله مرتين تلاته على مايلاقى حد
عارفه بقى ايه اكتر حاجه تحير
ان رينج الفلوس دى احسن اختيار ليه هو العربيات الاوروبى
زى البونتو
الكورسا
الابيزا
البولو
الجولف
وكلهم عربيات لا غبار عليها
ربنا يكرمك ويوفقك للى فيه الخير ليكى