موتور بالفتيس ولا من غير ؟

**keko** · 06-04-2011 07:31 AM

السلام عليكم
سؤال محيرنى شوية بلاقى اغلب الناس فى المنتدى بتقول انه سقط موتور بالفتيس طيب هل ده ليه سبب زى مثلا ان الفتيس يكون مطبع مع الموتور او انهم يكونوا نفس العمر ولا ليه بالظبط ؟

وهل تسقيط فتيس لنوع مختلف فيه مشكلة يعنى مثلا ركبنا قبل كده فتيس بولونيز على لادا والعكس والاثنين شغالين كويس فمثلا لو عايز اركب موتور شاهين وبدل ما اشترى فتيس شاهين ب 1300ج اركبه على فتيس بولونيز ب 500 ج فيها مشكلة ؟

**MMamdouh** · 06-04-2011 12:26 PM

دة مرتبط بحاجات كتير منها:

العزم الاقصى اللى يستحملة الفتيس... لو المكنة اللى ركبتها اكبر بكتير من قوة تحول الفتيس ممكن المكنة تفرتك التروس بتاعتة

التركيب... فية مكن ممكن ميركبش على الفتيس الاصلى بتاعك بالتالى لازم تجيب المكنة بفتيسها

ممكن تغير الفتيس و تجيب فتيس رياضى زى الفتيس ال6 نقلات بتاع الBMW

لو المكنة اللى حتسقطها تركب على فتيسك الاصلى و الفتيس يستحمل العزم بتاع المكنة الجديدة يبقى مفيش داعى تغير الفتيس

MMamdouh

**MMamdouh** · 06-04-2011 01:02 PM

هو ممكن يتحط فتيس رياضى فى اللانوس بس المكنة ال 1600 مش محتاجة فتيس رياضى لانها مش مكنة قوية

MMamdouh

**keko** · 07-04-2011 06:52 AM

يعنى افهم من كده ان الفتيس لو سليم مفيش اى احتياج لتغييره ؟
لان فيه حاجات زى مثلا لما الاقى واحد بيغير ديسك بيغير طقم الدبرياج كامل علشان ميقصروش عمر بعض وحاجات تانية مبتفرقش يعنى ممكن واحد يغير كوبلن ويسيب التانى ومش بياثروا على بعض

**MMamdouh** · 07-04-2011 11:14 AM

الفرق كبير هنا

الدبرياج منظومة متكاملة فيها عدة قطع بتشتغل مع بعض... مينفعش تجيب دسك جديد و تركبة على اسطوانة متاكلة... و العكس صحيح... و بما انك فاكك الدبرياج بتغير البلية بالمرة كاجراء احترازى

انما الكوبلن بيبقى شغال لوحدة و ملوش دعوة بالكوبلن التانى بالتالى لو كوبلن تلف بتغيرة لوحدة لان التانى شغال بدون مشاكل خصوصا لو كان التلف ناتج عن قطع كاوتشة الكوبلن او او اى سبب غير العمر الافتراضى للكوبلن

MMamdouh