كام سعر الفانوس و الاكصدام و قربة المياه ؟

**SoFiMaN** · 11-04-2011 02:36 AM

السلام عليكم

قدر الله و ما شاء فعل و عملت حادثة عربية نقل دخلت في الجزء الايمن الامامي فوقعت الاكصدام كامل و حكت الجزء ده و كسرت قربة مياه المساحات و فانوس امامي و سبحان الله اني كنت بعمل انهاردة الصبح صيانة ال60000 كم و بالصدفة كمان ان بعد ما عملت الحادثة مدير الصيانة كان معدي بالصدفة و وقفلي و نزلي و كلملي كساحة كتر خيره و وديناها هناك التوكيل.

طبعا مش عارف بظبط ايه هتحتاجه, بس الظاهر امامي هم ال3 حاجات دول غير الرش.. سعرهم كام الحاجات دي عشان قبل ما اخد الصدمة بكرة ان شاء الله ؟ و هل ممكن يصلحوا الاكصدام مثلا ؟

و الحمدلله على كل شئ.

**SoFiMaN** · 13-04-2011 07:05 PM

طيب بما ان مفيش ولا حد رد هقول اللي حصل لحد دلوقتي و هو انها عند التوكيل و الحمدلله طلعت كلها حاجات خارجية فقط و هي اكصدام و رفرفين و فانوس امامي و طبعا شوية سمكرة بسيطة في الكبوت و كله بيتعمل في التوكيل ربنا يسهل يخلصوها بأقرب وقت ان شاء الله.. على فكرة انا بشكر جدا طاقم عمل رينو العامرية الاسكندرية بالكامل و على رأسهم مهندس حسام راجل رائع و صديق كمان ربنا يحفظه

لو حد بقى عنده استفسارات يتفضل :)

**Ahmed Selim** · 13-04-2011 09:23 PM

قدر الله و ما شاء فعل اهم حاجة انك بخير و فداك اي حاجة تانية
انت مأمن و لا لأ ؟

**tifa55555** · 13-04-2011 10:59 PM

قدر الله وما شاء فعل فداك يا باشا المهم انت تكون بخير

**chato_eg** · 14-04-2011 05:14 AM

حصل خير و حمد الله على سلامتك و سلامتها
معلش الرد أتى متأخرا..
الفانوس ثمنه فوق ال 1000 جنيه بشوية...1100 تقريبا
الاكصدام الأمامى ب 2450 ..
رش القطعة فى التوكيل ب 250 جنيه
و ليه فى أعمال فك و تركيب
كان الله فى العون..قلبى معاك

**SoFiMaN** · 14-04-2011 08:30 AM

المشاركة الأصلية كتبت بواسطة chato_eg

حصل خير و حمد الله على سلامتك و سلامتها
معلش الرد أتى متأخرا..
الفانوس ثمنه فوق ال 1000 جنيه بشوية...1100 تقريبا
الاكصدام الأمامى ب 2450 ..
رش القطعة فى التوكيل ب 250 جنيه
و ليه فى أعمال فك و تركيب
كان الله فى العون..قلبى معاك

كفاية يردك هاني باشا,, الفانوس ب1250 و الاكصدام 2500 و القطعة رش ب300 جنيه .. طبعا دي كلها اسعار التوكيل, لما اخلص ان شاء الله على خير هقولكم برضه التكلفة النهائية.

**helper** · 16-04-2011 03:05 PM

على فكرة ربنا بيحبك
فيه ناس كتير بيحصل معاها حوادث و هي في منطقة نائية بعيدا عن اي شئ
الحمد لله ان الموضوع بسيط و توفيق ربنا ان مدير الصيانة معدي و انت رايح تعمل صيانة ال 60000
ربنا معاك
انا ملاحظ ان اسعار قطع الغيار غالية جدا في العربية دي فعلا
حتى في موضوع الاستيراد برضة كل حاجة غالية بالنسبة للسيارات الاخري في نفس الفئة

**chato_eg** · 16-04-2011 03:48 PM

المشاركة الأصلية كتبت بواسطة helper

على فكرة ربنا بيحبك

حتى في موضوع الاستيراد برضة كل حاجة غالية بالنسبة للسيارات الاخري في نفس الفئة

هنا بالذات و لازم اختلف معاك
شوف ال a5 و الجيتا خالهم عامل إزاى و إنت تعرف إن قلة انتشار الميجان النسبية نعمة كبيرة

يا راجل ده ثمن باب الفيرنا مساو لباب الميجان فى الحرفيين

لو عايز تفاصيل أكتر..إسأل العقيد خالد...