مبادرة لتشجيع عمل تقارير مصورة

**تامر.محمد** · 12-04-2011 01:05 PM

سلام عليكم وحوش رينو

انا فيه ملحوظة شايفها ان التقارير المصورة عن العربيات في القسم هنا تكاد تكون معدومة رغم ان العربيات الرينو من اجمل العربيات الموجودة في مصر من ناحية الشكل و الرفاهية و الكماليات

يعني مثلا التقرير المصور الوحيد اللي انا شايفه محطوط هنا عن الرينو سكالا , و فيه موضوع فيه صور للميجان لكن كلها صور راحت خلاص (Expired) , و اذكر ان شفت من فترة تقرير مصور عن اللوجان كان ممتاز برده , لكن ما شفتش حاجة خالص عن الميجان ولا الفلوانس ولا السانديرو ولا الداستر ولا السيمبول (يمكن يكون حاجة فيهم موجودة و انا ما شفتهاش)

مع ملحوظة ان اللي ناوي يشتري اي عربية بتفرق معاه كتير جدا انه يشوف لها تقرير مصور مفصل كامل و طبعا كالعادة نايل موتورز مفترض انه يبقى صاحب السبق

احسن قسم في رأيي بيعمل تقارير مصورة هو قسم فيات ( كمثال التقارير اللي اتعملت للينيا و الايفو ) و اتمنى ان كل الأقسام تعمل زيهم

انا ليه قررت اطلق الدعوة دي في قسم رينو ؟ يمكن لأني متابعتي الأكتر عموما لأقسام دايو و فيات و بروتون و مؤخرا بدأت اتابع رينو و لاحظت الملحوظة دي فقررت اطلق الدعوة و انا باتمنى ان الثقافة دي تسود في نايل موتورز كله

شكرا وحوش رينو
:)

**تامر.محمد** · 14-04-2011 01:31 PM

المشاركة الأصلية كتبت بواسطة ahmed88hassan

انا لما بعمل حاجة في العربية باجي ارزع التقرير
بالتفصيل و الصور

و الله يابو حميد الله يكرمك انك عبرتني اولا

انا و الله ما كنتش اتخيل ان اهل قسم رينو يبقوا بخلا و ما يعبروش الضيف كده
او يمكن مش بيحبوا اللي راكبين كوري

مع اني من عشاق الميجان2 و الله

و الله يابو حميد الله ينور عليك في الموضوع ده
و اللي كنت باتكلم فيه كمان ان يبقى فيه في القسم تقارير مصورة بكل عربية , على سبيل المثال قسم فيات زي ما كنت باقول

زي التقرير ده عن البونتو ايفو http://www.nilemotors.net/Nile/189478-pk2.html
و ده عن اللينيا http://www.nilemotors.net/Nile/106551-a.html
و التقريرين دول عن البرافو
http://www.nilemotors.net/Nile/112016-a.html
http://www.nilemotors.net/Nile/118399-a.html

بحيث الواحد يدخل القسم يبقى سهل عليه يعرف كل حاجة عن كل عربية , و بالصور