1000 1000 مبروك و ربنا يعطيك خيرها و يكفيك شرها و يبارك لك فيها إن شاء الله ..
بس حافظ عليها ..
:):)
رقم العضوية : 7088
تاريخ التسجيل : 07Mar2008
المشاركات : 97
النوع : ذكر
الاقامة : Haram
السيارة: Yaris
السيارة[2]: Sunny
الحالة :
السلام عليكم و رحمة الله و بركاتة
الحمد لله استلمت الصني بتاعتي امبارح من العوض جروب
وهي 2008 مانيوال EX Saloon
و طبعا انا ها انتهز الفرصة دي و اشكر كل اعضاء المنتدي من اول الاستاذ-سبعاوي لحد اجدد مشترك لدورهم الكبير جدا في اني اخترت اشتري العربية دي.
بس الحمد لله ك اول انطباعاتي ع العربية:
- التقفيل بصراحة ممتاز
- العربية تقليلة و راسية و دي ميز بالنسبه لي .
- انا كراجل و اخد ع ركوب العربيات الياباني لحد دلوقتي ما حستش ان في مشكلة ف التقفيل المصري.
- كمليات كتيره و الرجاله ما تحسش انهم موافرين فيها ك مصري.
-فخمة جدا من جوة و شيك و ما تحسش انك راكب اقل من الكورولا الشكل القديم طبعا2007
-هي كبيرة او ضخمة شوية من برة بس متهيألي ها اتعود عليها.
-العربية مش صغيرة من جوة و هي طبعا اوسع من اللانسر بس اللانسر اوسع ك كطول يعني لو السواق رجع الكرسي للاخر الراجل ال ورا مش ها يتزنق اوي عكس الصني بصراحة بص الصني اوسع من ناحية بعد السقف عن دماغك و بعد الدرج عن رجليك.
-اهم حجة بصراحة و دي حستها ع طول ان الناس لما بتشوفني فيها بتحس بالفخامة و بتديها اهمية كبيرة انك جايب عربية جامدة و نضيفة و يجو يقولولي و دا ف يومين بس(يمكن عشان مش منتشرة اوي).
-حاجة غلسة شوية انهم بيدوك رموت واحده و مفتاحين و لو عايز رموت زيادة بـ 600 جوند تقريبا.
-العربية عالية و ارتفاعها حلو اخدت كام مطب عاليين و محكتش لحد دلوقت.
- موضوع العفشة لحد دلوقتي ما حستش ان فية اي مشكلة بالنسبه لي و ها اكلمكو عنو لما اجرب اكتر.
-موضوع الثبات حلوة لحد دلوقت بس طبعا انا ف التللين و مش بعدي ال 90 .
-بتستلم العربية طبعا بالاستبن و اربع طسات و كوريك الاصلي المثلث و شنطة عدة بس.
- لازم ما تنساش(علبة وش الكاسيت-ضمان الكاسيت-كتالوج الكاسيت-ضمان البطارية-كتالوج العربية)
- العربية فيها كاست كلاريون محترم جدا بصراحة و معاه الريموت بتاعة.
-تابلوة العربية اول الكونسل الامامي فية الكاست - التكييف- الولاعة-زرار تسخين الزجاج الخلفي-حامل الاكواب-مكان فاضي كدة من تحت و مفتوح ممكن تحط فية سي دي بلاير او تستخدمو تحط فية الموبايل او اي حاجة.
من فوق ف التابلوة طبعا فية درج تخزين مكانو لذيذ تحط فية النضارة او اي حاجة.
- طبعا في درج ادام الراكب ال جنبك.
- عندك ايرباج واحدة بس ف الدركسيون
-ع شمال الدركسون ف زرار تظبيط المرايتين الجانبيتين بالكهرباء- ما فيش طي ليهم في الفئة دي طبعا
-في كمان جانبو زرار يفتح الشنكة
- تحت كرسي السواق شداد يفتح التانك
-انضف حاجة هي وجود شداد لترجيع و تقديم ظهر الكرسي زي العربيات النضيفة و لست البكرة الفاشلة الموجودة ف اغلب العربيات دلوقت.
-الكرسي طبعا بيجي ورا و قدام بسهولة بواسطة زراع سهل الوصول اليةع اليمن.
-الدركسيون بيعلي و يوطي ع مزاجك(زي العربيات النضيفة).
-المفتاح الاسود بيفتح اي حاجة في العربية و المفتاح النبيتي ما بيفتحش الشنطة ممكن تسيبو مع السايس زيي.
- طبعا لو ها تعمل كدة لازم تقلب الدراع الصغير ال ف الشنطة من جوة ف جسم العربية بحيس الشنطة ما تتفتحش من الزرار ال جوة ولا بالمفتاح النبيتي طبعا و بكدة تقدر تحط حجاتك المهمة ف الشنطة و انت مطمن .
- الشنطة بتفتح من الريموت ليها زرار مخصوص بتدوس علية فترة يفتح الشنطة(حركة معلم).
-طبعا في لمبة فرامل ف الزجاج الخلفي و ماوافروش فيه.
-اربع سمعات اتنين وارا و اتنين قدام بيقولو انهم كلاريون الاربعة بس الله اعلم.
-مافيش مسند ف الكنبة ال ورا ف الفئة دي.
-الفرش الاصلي بتاع العربية نضيف و مش وحش اطلاقا مش زي بتاع اللانوس مثلا مع احترامي.
-خامة التابلوة مش وحشة .
- طبعا تابلوة العداد فية: rpm-عداد سرعة طبعا-ساعة ديجيتال-شاشة كيلومترات ديجيتال-موشر بنزين عادي-مؤشر حرارة عادي - و شوية اللمض المعروفة بتاعة الاشارات و فرامل اليد و الخ.
-طبعا الزجاج اربعه كهربا تتحكم فيهم من شمال (باب السواق) من الاخر زي بتاع الكورولا وباقي العربيات.
-طبعا مسحات زجاج امامي
-مفيش فوانيش شبورة ف الفئة دي
- جلد صدمات الابواب الجانبية بلون السيارة من ميتالك زي السوبرصالون.
- عيب صغير ان كان عيب باب الكبوت لما تيجي تقفلو لازم ترفعوا و ترمية من نص متر عشان يقفل و طبعا بتسمع( الدااااااااااب) لان لو جيت قفلتو بحنية و يجي بقي تتك علية بقي عشان القفل يلقط مش ها يقفل و لو اصريت ها تطبق العربية و مش ها يقفل ( هو مصمم كدة).
-تحت الكبوت الماتور الاسد طبعا بس احلي حاجة ان الدنيا واسعة وواضحة وكل حاجة باينة وانت واقف مكانك ومش محتاج غير تحرك عنيك بس لدرجة ان الارض تحت العربية باينة.
-الشنطة و اسعة وحلوة.
-طبعا التقفيل تحت الكبوت (ك ماتور و اجزاؤة) عادي جدا من فخيم مش زي الكورولا او العربيات العالية او حتي التيدة بس ف مستوي اللانسر ان ما كانش انضف.
-علبة الفيوزات شمال السواق من تحت بس قريبة.
-لمبة صالون داخلية.
-لما تجي تفتح السنتر بتاع العربية لمة الصالون بتنور(حركة العربيات النضيفة بس)
-طبعا كونسول اوسط او نقول مسند او نقول عليبة شرايط بين الكرسيين ال قدام (حركة العربيات النضيفة بس).
-حزامات امان حلوة بس مش فاكر ف للركاب ال ورا و لا لاء.
-عيب فيها طبعا انك لو نسخت المفتاح عند بلية بتاع المفاتيح ها يدور الماتور ومش ها يقول لاء(حركه استرخاص).
-اخر التابلوة ال قدام ع الشمال في لمبة انزار ف التابوة نفسه شكلها شيك مش لمبه (لد) تلاقيها مزنوقة عند الباب زي جيرانا الهيونداي.
-المسأله ال انا محتار فيها بجد و لحد دلوقتي ما حدش افادني فيها هي ان الناس قالتي ان فيها انزار طبعا اللمبة و الرموت بتقولوا كدة بس لما سألت الواد بتاع الجراج ف الوكيل ال سلمني قالي لا دا مش انزار دا بس زرار ف الرموت لما بدوس عليه مستمر بيشغل سرينة بالكلاكس طبعا و مهمتة انك لوراكن و مش عارف فين عربيتك بالظبت تسمعهما بس دا مش انزار طبعا انا بالمت لما قالي كدة و قولت دا بالتأكيد مش فاهم حاجة ف ال يعرف يفيدني يا جماعة و يقولي لو في انزار فعلا بيشتغل ازاي.
- انا طبعا جايب العربية من جوة بيج عشان اشيك جدا من الاسود بس طبعا عيبو ما بيستحملس زي الاسود.
- العربية وصلت دلوقتي 87000 جوند ناهيك انو مبلغ كبير طبعا بس بالنسبة للسوق العربية دي انضف و احسن عربية ف الفئة السعريه دي وحتي تصل 90000(في رايي).
- ع فكرة العربية غليت 1000 جنية من 1 ابريل الي فات و متوقع تغلي تاني.
- الوكيل: العوض جروب ناس محترمين و مش زحمة و انا شوفت تسلمهم عربيات بعد الصيانة بيهتمو بالعربية من جوة بيحطو اكياس ع الكراسي و بيغلفو الدركسيون انما الصيانة نفسها سمعت انهم كويسين برضة.
- طبعا انا عملت تأمين تبع الجمعية التعاونية بس عن طريق الوكيل يعني لا قدر الله تروح تصلح عندهم ع طول و مالكش دعوه بالجمعية خالص بـ2%.
- ها تستلم العربية اول ما تدفع.
- ورق العربية ها تخدو تاني يوم اخر النهارع بال ما يجبيوة من المصنع.
- لو ها تأمن ها تاخد البوليصة بعد ما ترخص.
-دا ال انا فاكرة دلوقتي يتبقالي معاكم وصف اداء العربية دا ف الحلقة الجاية اما الين الماتور ان شاء الله.
- معلش طولت بس يا ريت ما اكونش رخمت.
ربنا يديني خيرها و يبعد عني شرها و ادعوا لي لو عجبكم التقري او ما عجبكمش:) .
شكرا ليكم
مهندس-أسامة
مهندس اتصالات
رقم العضوية : 7360
تاريخ التسجيل : 12Mar2008
المشاركات : 5,819
النوع : ذكر
الاقامة : EGYPT - TANTA
السيارة: LOGAN 2011
السيارة[2]: nothing now
دراجة بخارية: no
الحالة :
1000 1000 مبروك و ربنا يعطيك خيرها و يكفيك شرها و يبارك لك فيها إن شاء الله ..
بس حافظ عليها ..
:):)
رقم العضوية : 3851
تاريخ التسجيل : 25Dec2007
المشاركات : 3,010
النوع : ذكر
الاقامة : محافظة حلوان المستقلة
السيارة: اوبل فيكترا 2008
السيارة[2]: اوبل فكترا 97 1600CC
دراجة بخارية: N/A
الحالة :
ربنا يباركلك فيها ويدلك خيرها ويكفيك شرها
------------------------------------
وليد عبد العزيزOpel, 1 Team, 1 Goal, 1 Familyلو لم اكن اوبلاويا لوددت ان اكون اوبلاويا
رقم العضوية : 7021
تاريخ التسجيل : 06Mar2008
المشاركات : 40
النوع : ذكر
الاقامة : egypt
السيارة: اوبترا
السيارة[2]: لانوس
الحالة :
ألف مبروك يا باشا ويكفيك يا رب شرها
رقم العضوية : 778
تاريخ التسجيل : 24May2007
المشاركات : 6,693
النوع : ذكر
الاقامة : العالم الإسلامي
السيارة: C
السيارة[2]: G
الحالة :
ألف مبروك
ربنا يعطيك خيرها ويكفيك شرها
ومتنساش تطلع حاجة شكر لله تعالى أو تذبح حاجة شكر لله تعالى وتوزع منها على الغلابة (وتكون النية هي الشكر لله تعالى)
وشكراً على توضيحك الوافي
مهندس أحمد. facebook.com/AHMED1981
facebook.com/AHMED1981MECHANICAL
رقم العضوية : 7088
تاريخ التسجيل : 07Mar2008
المشاركات : 97
النوع : ذكر
الاقامة : Haram
السيارة: Yaris
السيارة[2]: Sunny
الحالة :
رقم العضوية : 1970
تاريخ التسجيل : 30Aug2007
المشاركات : 729
النوع : ذكر
الاقامة : El Manial
السيارة: Murano
السيارة[2]: Sunny
دراجة بخارية: CBR400
الحالة :
الف الف مبروك يا باشمهندس
بس ماقولتش جبتها لونها ايه؟؟
بص يا سيدي الانذار بتاع العربيه دا لما تقفل العربيه lock
بعدين مثلا سبت الزجاج مفتوح
لو حد فتح باب العربيه حتلاقي الانذار اشتغل بكلاكس العربيه
او لو حد كسر الزجاج لاقدر الله و فتح الباب
مممم بالنسبة لانها واسعه... هيا واسعه بس لما بركب اللانسر بحسها اوسع
يعني كرسي السواق لما برجعه للاخر رجلي لما بفردها مابتتفردش على الاخر
غير اللانسر بفردها على الاخر
بس ماشاء الله وانت راكب جوها بحسها فخمه اوي
بس جيبلها كسوه او فرش بأه و ستاره ورا :)
الف مبروك يا باشا
و تقرير زي الفل يا باشا
مستنيينك تصورلنا العربية و تحط صورها في القسم بتاع صور سيارات الاعضاء
رقم العضوية : 8484
تاريخ التسجيل : 06Apr2008
المشاركات : 297
الاقامة : cairo
الحالة :
mabroooooooooooooooooooooooooook
رقم العضوية : 3977
تاريخ التسجيل : 05Jan2008
المشاركات : 667
النوع : ذكر
الاقامة : اسكندرية & باريس
السيارة: لا يوجد
السيارة[2]: جين2
دراجة بخارية: لايوجد
الحالة :
1000 مبروك و ربنا يعطيك خيرها و يكفيك شرها
SOLYDESIGN
رقم العضوية : 231
تاريخ التسجيل : 26Apr2007
المشاركات : 255
النوع : ذكر
الاقامة : cairo
السيارة: Nissan sunny 2008
السيارة[2]: Nissan tiida 2013
دراجة بخارية: لا
الحالة :
الف مبروك يا بشمهندس و ربنا يديك خيره و يبعد عنك شرها و عيون الناس
انا إن شاء الله ناوي اجيبها الفترة الجاية بس قسط ادعيلي ربنا يسهل .
ما قولتلناش اللون انا عن نفسي ناوي على الكحلي مع فرش بيج
رايي لو عايز تكمل المعلمة فصلها فرش جلد على قد الكراسي بالظبط مش منفوخ او مريح زي اللي في اللانسر مثلا وطبعا حيكون بيج
و مليون مبروك تاني يا ريس
المفضلات