الموضوع: تحذير قوي جدا جدا من بطاريه الميجان

السلام عليكم

بقالي مده بطاريه السياره ضعيفه وانا كنت مكسل و مستخسر اغيرها في يومين الغلاء دول

و دي كانت أكبر غلطه تتعمل مع الميجان لانه حصل معايا التالي

1-في البدايه كانت دايما البطاريه تنام في أوقات غير مناسبه اطلاقا و اقعد ادوخ علي حد يدورني
2-في يوم بقي وانا طالع بيها لقيت كل حاجه في العربيه مش شغاله
يعني العربيه بتدور و تمشي و كل حاجه بس مفيش لا نور في التابلوه ولا عدادات و لا باور في الدريكسيون ولا قزاز ولا اشارات ولا ايه حاجه

وفضلت محبوس جوه العربيه في عز الحر مش عارف افتح قزاز ولا تكييف شغال و ماشي من غير اشارات

واتضح ان فيوز من الفيوزات العمومي ضرب و خلا العربيه كلها تهيس و عشان كده وكان يوم أحد ومفيش حد طبعا من الصنايعيه بيرد علي التليفون ... المهم ربنا ستر

انصح أي حد ان لو بطاريته ضعفت ان يغيرها فورا بدون انتظار .... الموضوع فعلا مش بسيط ومش عشان تأجل في دفع فلوس البطاريه تقوم تأذي عربيتك