الموضوع: أبعاد الجراج و مساحته !

المشاركة الأصلية كتبت بواسطة tamerosman

من وجهة نظرى الحد الادنى للباكية الواحدة مش اقل من 5 متر طول ( طول الجين 4.3 متر و العرض مش اقل من 2.5 متر ( متوسط عرض العربيات 1.8 متر )

حنا عندنا فى العمارة كانت الشركة جشعة جدا و حشرت الجراج عربيات و الباكية حوالى 2 فى 4 و طول النهار خناق بين السكان علشان كل واحد بيخش على باكية الى جنبه

أحنا عمتا هنعمل الجراجين أد بعض
و هنعملهم على مقاس الباجيرو بالظبط عشان لو غيرنا الجين تو و جيبنا حاجة فى حجم باجيرو تدخل و متبقاش طالعة لبره كدة
فنعملها طول أية و عرض أية مع العلم أن فيه أربع أبواب بيتفتحوا ليل نهار فى العربيتين دول يعنى عشان الأبواب تتفتح مرتاحه و فى نفس الوقت يبقى فيه مساحه نغسل فيها العربيات

يعنى من وجهة نظركم كدة طول 5 متر فى عرض 3 كويس ؟ ولا الباجيرو أكبر ولا أية ؟

للأسف سرقة العربيات بقت حاجه ممله وتفكيرك صح 100 فى 100 طالما فى إمكانيه لذلك من حيث المساحه والمادة

واضح إن حضرتك لسه ناوى تأسس الجراج والمساحة مفتوحه بالنسبه لك ومن وجهة نظر شخصيه أنا شايف إنه يكون 6متر طول فى 3 متر عرض لسهولة فتح الأبواب والدوران حول العربيه بسهوله أثناء الغسيل وخلافه وربنا يوفقك