الدراع

**mirra** · 13-08-2011 06:11 AM

كل عام و انتم بخير يا اهل منتدى لادا الكرام.عندى سؤالين بخصوص لادا 2107 اولا فية دراع اسود تحت علبة الدريكسيون جهة اليمين مش عارف دة بتاع اية؟فية ناس قالتلى دة بيفتح و يقفل بوابة الهوا بتاعة التكييف بس انا مش متاكد.ارجو الافادة.ثانيا الزرار الاخير فى الكونسول اقصى اليمين برضة وفية حاجة زى سوستة يعنى لو شلت ايدك من علية يرد تانى.برضة مش عارف دة بتاع اية مع ان العربية بقالها معايا 4 سبين تصورا.

**Mustafino** · 13-08-2011 04:05 PM

أضم صوتى لصوتك لأنى فعلاً مش عارف الحاجات ديه بتعمل أية رغم وجود العربية معى من فترة طويلة!!! :-)

**midomizo** · 13-08-2011 05:33 PM

الدراع دة اسمة الشفاط ودة بتشدة الصبح لما يكون الجو سقعة عشان متفضلش حاطط رجلك على البنزين

وهو فعلا بيفتح بوابة الهواء بتاعت الكربراتير عشان يسحب هواء سخن من المحرك فيساعد فى تسخين العربية اسرع

بالنسبة للزرار الاخير فى الكونسول فارجو التوضيح اكثر

**mirra** · 13-08-2011 06:06 PM

المشاركة الأصلية كتبت بواسطة midomizo

الدراع دة اسمة الشفاط ودة بتشدة الصبح لما يكون الجو سقعة عشان متفضلش حاطط رجلك على البنزين

وهو فعلا بيفتح بوابة الهواء بتاعت الكربراتير عشان يسحب هواء سخن من المحرك فيساعد فى تسخين العربية اسرع

بالنسبة للزرار الاخير فى الكونسول فارجو التوضيح اكثر

سعادة الباشا انا مش قصدى الشفاط لان عربيتى انجكشن يعنى مافيهاش شفاط اصلا.انا بتكلم على دراع لة راس سودة تحت مكان الشفاط و هوة موجود فى الكربراتير و الانجكشن.

**kisho55555** · 13-08-2011 06:10 PM

ياريت اى صورة حتى لو كانت من النت ؟؟؟؟

**SAMER_ENGINES** · 13-08-2011 11:18 PM

أيوة الدراع ده عندى انا كمان و بيتشد لتحت كدة بس وظيفته مش واضحة بالضبط و هو موجود اعلى دواسة البنزين بشوية و ممسوك بالكونسول.

**cOrn** · 14-08-2011 12:12 AM

انا مش معايا لادا , بس غالبا قصدك على دراع التحكم فى ارتفاع الطارة؟

**kisho55555** · 14-08-2011 04:00 AM

اللادا مفهاش تحكم فى ارتفاع الطارة

**mirra** · 14-08-2011 09:33 AM

معقولة يا جماعة كلنا راكبين لادا بقالنا سنين و مش عارفين الدراع و الزرار دول بتوع اية؟؟؟

**ahmedaglan** · 14-08-2011 08:49 PM

الدراع دة بمنتهى البساطة بيدخل هواء سخن علي القدمين لان العربية مصممة للاجواء الباردة في روسيا وللاسف بتنزلنا زى مهى بدون تعديل
وهى اساسا عربية شتوى ودة للانجيكشن بس
واما بالنسبة للزرار الي تحت اقصي اليمين فدة بتاع الشبورة ورة
ومبيشتغلش غير وانت منور النور الواطى
واي خدمة يارجالة