السلام عليكم جمييييعاً

ياجماعة انا معايا مشكلة وقرفانى جداً

العربية مش بيتظبطلها كهربا مش عارف ليه !!

الأول العربية كانت كل شوية تضرب بلاتين وكوندنسر وكنت بغيرهم كل شهر مثلاً او شهرين بالكتير
بصراحة اتخنقت روحت مغير الاسبراتير بإلكترونى بصراحة اشتغلت لوز وكانت بتجرى وزى الفل مع العلم انى كنت مشغلها على موبينة عادية بس ظهر صوت خشونة كده لو كبست بنزين فى الطلعة تحس كأن فيه حاجة بتاكل فى بعض لامؤخذة كده تحسها بتشخر ههههههه
بس كانت ماشية حلو فما تشلتش فى دماغى وقلت هى كده قشطا ورضيت بنصيبى !!

فجأة بقت العربية لما تسخن تقطع ومترضاش تدور وده وانا ماشى وإلا بالدين ماتمشي إلا لما أفضل دايس بنزيييين على الآخر وساند دبرياش تمشى مترين وتقف !!!

راح الميكانيكى قالى غالباً ده بسبب الموبينة لأنها بتسخن
روحت جايب موبينة يبانى الكترونى جديدة والحمد لله المشكلة اتحلت .. لكن اتحلت لمدة يومين بس !!
رجعت مشكلة تانى وهى التنتيش فى آخر الغيار قالى دى بوجيهات .. غيرت لبوجيهات الكترونى ngk لكن بارضو بتنتش !!
قالى أممممممم كده فيه سلك فاصل وفعلاً طلع فيه سلك بيرمى بره وغيرته والحياة بقت لووووز خالص الحمد لله

يجى بقى حد يقولى ايه ياد ياغلس انت امال المشكلة فين !!!

أقلكم بقى المشكلة الأخيرة واللى كتنانى وعملالى كالو كبيييييييييير
وهى أن العربية مخنوقة ومش بتجرى زى الأول وكمان صوت الموتور على فى الماشية ولما أزود وفلرق كتير عن ما كان الأول ... وكمان صوت الشخرة اللى فى الطلعة لسه موجود وبيزيد لو مركب ناس فى العربية

والحاجة الأخيرة بقى والأهم هو صوت الفرقعة من الشكمان فى آخر الغيار حتى ولو مقرصتش عالآخر أو كنت نازل منزل ومديها غيار تلاقى الفرقعة عملالى هيبة فى الشارع
ههههههههههههههه

فأنا بصراحة مش عارف أعمل ايه بجد انا تعبت وخلصت فلوسى لدرجة انى فكرت اجيب موتور استيراد جديد وأخلص

منتظر ردودكم يارجالة يارب تفيدونى


للعلم .. العربية موديل 85 موتور 1500 ... 5 غيار .. كان فيها مشكلة فى الكاربيراتير وصلحته .. الموتور بدأ يخف ليه حوالى 5 شهور خفيف وبدأ يدخن بس الحمد لله مش بتاكل زيت