باكتات ابواب الفليونس

**hic** · 04-09-2011 11:01 AM

سلام عليكم و كل سنه و انتم طيبين
انا عندى باكتة الباب الامامى يمين اتخبطت فى حجر فاتخلعت من مكانها و الافايز بتاعتها اتكسرت فوديتها لواحد اللى بيلحم الفيبر المهم لحمها و ركبها بس مكان الخبطه فى اثار تجريح فى الباكته هو الراجل اللى لحمها قال لى ممكن بتاع الدوكو يرشها و تبقى مش باينه خالص
السوال بقى لو حبيت اغير الباكيته خالص ممكن الاقيها بره التوكيل و لو فى التوكيل ممكن يغير لى باكته واحده و لا ح يقولى الطقم كله على بعضه و السعر بتاعها فى حدود كام

**hic** · 04-09-2011 02:12 PM

يعنى 13 قراءه للموضوع و محدش عبرنى حتى و لو بكل سنه و انت طيب؟؟؟؟؟؟؟؟؟؟؟؟؟؟؟؟؟

**wawoo** · 04-09-2011 02:33 PM

المشاركة الأصلية كتبت بواسطة hic

سلام عليكم و كل سنه و انتم طيبين
انا عندى باكتة الباب الامامى يمين اتخبطت فى حجر فاتخلعت من مكانها و الافايز بتاعتها اتكسرت فوديتها لواحد اللى بيلحم الفيبر المهم لحمها و ركبها بس مكان الخبطه فى اثار تجريح فى الباكته هو الراجل اللى لحمها قال لى ممكن بتاع الدوكو يرشها و تبقى مش باينه خالص
السوال بقى لو حبيت اغير الباكيته خالص ممكن الاقيها بره التوكيل و لو فى التوكيل ممكن يغير لى باكته واحده و لا ح يقولى الطقم كله على بعضه و السعر بتاعها فى حدود كام

, كل سنة و انت طيب يا hic

لا اعتقد انك حتلاقى الباكتة دى برة التوكيل حاليا ..الا لو سئلت عند بتوع المستعمل بقى او من حوادث

هى الباكتة عندك بلون العربية ولا اسود ..لو اسود ممكن تصنفرها بصنفرة ناعمة شوية و تبخها بلون اسود سبرى من الالوان الجاهزة دى "بس تغطى حوليها كويس عشان متنزلش اى رشة على باقى العربية "..حتكون شكلها معقول

-لكن ممكن تغير الباكتة المتعورة فقط فى التوكيل اعتقد ..بس معنديش فكرة عن سعرها ..ممكن تكلمهم تسئل عن سعرها ..بس اتوقع يكون فى حدود 150 - 200 جنية مثلا حاجة كدة

**hic** · 04-09-2011 02:59 PM

الف شكر اخى الفاضل wawoo
انا لسه مكلم التوكيل و سئلتهم عن تمنها فوجئت ان تمنها 495 جنيه و هى من غير لون يعنى تاخدها ترشها بلون العربيه و بعد كده تركبها و الباكته بتاعة الباب الخلفى 265 جنيه
انا عندى اللون فيرانى غامق ح احاول اصنفرها زى حضرتك ما نصحت و بعد كده اعملها بقلم دوكو بس يا رب الاقى قلم يكون نفس درجة اللون