الموضوع: هل في حد اشتري فلوينس من عند محمد ذكي؟

المشاركة الأصلية كتبت بواسطة arafatehegazy

السلام عليكم ورحمة الله وبركاته

في خلال رحلة البحث في موضوع شراء الفلوينس. وأنا راجع من مدينة نصر وقبل الدائري قولت ما أعدي على محمد ذكي فرع المقطم وأشوف ايه النظام والاسعار.
قابلني واحد من المبيعات. هو الراجل زوق واتفرجت على كذا موديل وقالي ان عنده 2011 جاهز للتسليم و 2012 بعد اسبوع. بدردش معاه وعرف اني ماشي في اجراءات البنك الوطني للتنميه لشراء سيارة بنظام المرابحه. فبقوله دول ادوني معادين علشان يبعتوا مندوب ومجاش في المعادين. راح الراجل قالي أنا عارف واحد هناك في المبيعات وبيتعامل معانا على طول هكلمهولك. وفعلا كلمه واتفت معاه يعدي عليا في الشغل وفعلا قبل المعاد كان واصل عندي وشاف كل الورق وملينا الاستماره في ربع ساعه. الرجل زوق جدا في التعامل وخلصلي كل حاجه وأنا كان بقالي من قبل العيد مستني مندوب من البنك. الصراحه استجدعت الراجل بتاع المبيعات اللي في محمد زكي. الراجل سريع وخلص خلص. مندوب البنك وعدني ان الاجراءات موش هتاخد أكتر من اسبوع ان شاء الله.

المهم نرجع للأسعار أنا كنت سألته على الاسعار. فآخر كلام ان موديل 2011 ب 138 الف ... و 2012 ب 142 والاستلام بعد اسبوع. وقالي كمان انها هتغلى 5 الاف الفتره اللي جايه من الوكيل. حاولت انزل معاه بس هو منشف دماغه ما ينزلهاش ولا لحلوح. أنا قولتله ساعه الاتفاق هنشوف مع مدير الفرع علشان ناخد خصم.
السؤال بقي. هل حد جرب محمد ذكي فرع المقطم في الاستلام والمعامله؟ وهل الاسعار دي كده كويسه ولا لأ. وكمان هل اجيب 2012 ولا 2011. أنا ميال أكتر ل 2012 بصراحه.

سؤال آخير. أنا محتار في الالوان. أنا عاجبني اللون الابيض, بس خايف لأنه موش منتشر خالص وخايف يطلع وحش عليها. أنا عربيتي الحالية لونها أبيض ومرتاح معاها جدا في موضوع التراب والخدوش والحر. هل حد جاب اللون ده؟

معلش طولت عليكم في الاسئلة بس أخوكم محتاج كل خبرات المنتدي.
ان شاء الله لو الدنيا تمام الردود كانت ايجابيه ... هعدي على المعرض أدفع مقدم حجز بسيط علشان العربية.

ألف مبروك على العربية مقدما يا باشا ..

انا بس كنت عاوزك الأول تتأكد من موضوع 2012 ده انك هتستلم كمان أسبوع .. لان ممكن الفترة تبقى أكتر من كدة .. الا لو انت مش مستعجل أوى .. فاتكل على الله و هات 2012 ..

بالنسبة للسعر .. انا عندى سؤال .. هو موديل 2011 ب 138 ده السعر العادى .. ولا نزل عن الأول؟؟!! .. لانى بتهيألى كان فوق ال 140 .. وهل النزول ده عشان 2011 ؟؟!1 انا بسأل عشان انا حاجز ميجان iii نفس الفئة 2011 من الطارق والراجل نزلى الف بس (يعنى ب 144 بدل 145) .. هل كانت ممكن تنزل اكتر من كدة عشان موديل 2011؟؟!!

المشاركة الأصلية كتبت بواسطة salsaa

ألف مبروك على العربية مقدما يا باشا ..

انا بس كنت عاوزك الأول تتأكد من موضوع 2012 ده انك هتستلم كمان أسبوع .. لان ممكن الفترة تبقى أكتر من كدة .. الا لو انت مش مستعجل أوى .. فاتكل على الله و هات 2012 ..

بالنسبة للسعر .. انا عندى سؤال .. هو موديل 2011 ب 138 ده السعر العادى .. ولا نزل عن الأول؟؟!! .. لانى بتهيألى كان فوق ال 140 .. وهل النزول ده عشان 2011 ؟؟!1 انا بسأل عشان انا حاجز ميجان iii نفس الفئة 2011 من الطارق والراجل نزلى الف بس (يعنى ب 144 بدل 145) .. هل كانت ممكن تنزل اكتر من كدة عشان موديل 2011؟؟!!

والله انا موش مستعجل وأحسنلي 2012 علشان فرق السنه على الرخصة وكمان علشان لو في أي تعديلات او مشكلات تم تلافيها زي موضوع العوامه يبقي بالمرة موجود.
بالنسبه للسعر هو موش دا العادي , العادي تقريبا ب 142 أو 141 , بس تقريبا علشان 2012 خلاص نازلة مرخصين. هو قالي ممكن اديلك 2011 ب 138 وجاهزه عندي. اعتقد كمان كان عنده الميجان 3. ممكن تكلمهم وتسأل على السعر النهائي كام.

المشاركة الأصلية كتبت بواسطة a.saad

اللى اعرفه ان محمد زكى مش فى المقطم
ليه فروع فى المعادى
فم الخليج
القطامية على الدائرى
ياما ده مش محمد زكى ياما ده فرع جديد

موضوع الخصم
صعب يدى خصم على 2012
ممكن يديك على 2011

معذرا .. هو فعلا فرع القطامية اللي على الدائري.... خطأ كتابي مني.
بالنسبة للخصم فعلا أنا حسيت ان ده آخرة.

المشاركة الأصلية كتبت بواسطة mahamedaraby

هى العربيه مش اتحاد الاوروبى والمفروض يحصل عليها تخفيض فى الجمارك ازاى بقى تزيد مش تقل ؟

هي العربية وارد تركيا. موش عارف هل هتعامل معامله سيارات الاتحاد الاوروبي بما إنها رينو ولا هيعتبروها منتج تركي. في موضوع اللوجان المغربي, بما انها بتجمع في المغرب فتم تطبيق اتفاقية اغادير عليها وأخدت تخفيضات جمركيه. بس موش عارف ايه اللي هيحصل مع الفلوينس.

المفروض أن تعامل معامله السيارات الأروبيه إبتداء من يناير القادم - شوفوا اللينك دة
ط§ظ‚طھطµط§ط¯ - ط§ظ„ط³ظٹط§ط±ط§طھ ط§ظ„طھط±ظƒظٹط© طھط¯ط®ظ„ ط§ظ„ط³ظˆظ‚ ط§ظ„ظ…طµط±ظٹط© ط¨ظ†ظپط³ ط´ط±ظˆط· ط§ظ„ط³ظٹط§ط±ط§طھ ط§ظ„ط£ظˆط±ظˆط¨ظٹط©