بص يا هندسة.......
العربية كويسة و زى الفل مع اللى بيصونها............اللى مش بيصونها بتوريه النجوم فى عز الضهر.....و هو و نصيبه بقى.
ده ملخص سريع عن العربية.
قطع الغيار بشكل عام غالية شوية عن نفس الفئة من اليابانى و الكورى بس معمرة أكتر ( و الفرق فى السعر مش كبير )
لو بتدور على عربية إستعمال......أياك......ثم إياك........ثم إياك تتغر فى سعر قليل.
فى أعضاء هنا جابو عربيات و أتضح لهم أن فيها مشاكل كتير و منها عربيات كان صاحبها الأول مغيرلها العداد بواحد عليه قراية أقل.....و اللى أشتراها خدها على أساس أنها ماشية 50 ألف باين.....و مرة كان فى التوكيل عرف أنها عملت صيانة ال 60 ألف من سنتين و زيادة......يعنى بالميت ماشية 80 أو 90 ألف.
أهم حاجة تبص على حالة العربية بصفة عامة.....عجبتك أسأل على الصيانة كانت بتتم فين....قالك توكيل أو مركز خدمة معتمد تتفق معاه أنك عاوز تكشف عليها فى التوكيل......هتروح التوكيل هتدفع 550 جم و هيطلعلك كل حاجة فيها من ميكانيكا لكهرباء لعفشة لدهان.......و خللى بالك من حاجة.....التوكيل بيحب يعمل شغل برضه....يعنى الحاجة اللى كفائتها أقل من 70 أو 75% هيقولك دى عاوزة تغيير.
المهم لما تلاقى حاجة شاركنا التفاصيل و إحنا معاك إن شاء الله.
بالتوفيق.
المفضلات