بشتري رينو مستعمل ... أكشف عليه فين ؟؟؟

**engineer05** · 31-10-2011 05:52 PM

السلام عليكم

أكشف على العربية فيييين يا رجالة؟ أنا في مصر الجديدة
التوكيل بياخد 450 جنيه و لازم أستني يوم أو اتنين ... مفيش بديل كويس و يكشف النهاردة؟؟؟

**engineer05** · 31-10-2011 06:12 PM

يلا يا رجالة حد يفيدني عشان نازل علطول

**Ahmed Selim** · 01-11-2011 08:09 AM

التوكيل أو أحد مراكز الخدمة المعتمدة ( الميكانيكيون العرب أو فرنش موتورز )

**engineer05** · 01-11-2011 06:56 PM

جزاكم الله خيراً ...البيعة فكست خلاص :)

الحمد لله

**ragaee** · 02-11-2011 12:08 PM

أحب أضيف رد مع ان البيعة فكست :)
بلاش التعامل مع المكانيكيون العرب و خصوصاً لو كانت العربية المستعملة دى جاية من طرفهم وده لأنهم نصابين و لو عايز تعرف عنهم أكتر ارجع للمواضيع اللى بتتكلم عن التجارب المأساوية فى التعامل معهم الموجودة على المنتدى
نصيحتى لأى حد بيشترى مستعمل انه يرجع للتوكيل و على الأقل يكشف بال vin عن مواعيد الصيانة و أخر كيلومتر مسجل و دة ممكن يتعمل من غير تكلفة نهائى، أما لو عايز تتطمن أكتر اكشف بعد كدة عن كفائة الموتور و السينسورز و الشاسية عند اى حد

**engineer05** · 09-11-2011 08:44 PM

المشاركة الأصلية كتبت بواسطة ragaee

أحب أضيف رد مع ان البيعة فكست :)
بلاش التعامل مع المكانيكيون العرب و خصوصاً لو كانت العربية المستعملة دى جاية من طرفهم وده لأنهم نصابين و لو عايز تعرف عنهم أكتر ارجع للمواضيع اللى بتتكلم عن التجارب المأساوية فى التعامل معهم الموجودة على المنتدى
نصيحتى لأى حد بيشترى مستعمل انه يرجع للتوكيل و على الأقل يكشف بال vin عن مواعيد الصيانة و أخر كيلومتر مسجل و دة ممكن يتعمل من غير تكلفة نهائى، أما لو عايز تتطمن أكتر اكشف بعد كدة عن كفائة الموتور و السينسورز و الشاسية عند اى حد

جزاك الله خير يا أستاذ رجائي .. بس أنا مش عارف إيه هو الـ vin ؟؟
هما في التوكيل لما جيت أحجز معاهم سألوني عن رقم الشاسيه .. بس مكنتش أخدته لأني مكنتش أعرف أن الحجز في التوكيل برقم الشاسيه.

**ragaee** · 10-11-2011 11:06 AM

ال VIN ده الرقم الموجود تحت الزجاج الأمامى فى مستطيل صغير ناحية الشمال من الخارج
وهو ببساطة رقم الشاسية بس فى بدايته كام حرف
والكشف عن تاريخ السيارة بالرقم ده مش محتاج حجز و من غير تكلفة و نصيحتى ليك لازم تكشف عن مواعيد الصيانة اللى عملتها العربية والكيلومتر عند كله صيانة الأول قبل ما تدفع حجز للكشف عن الحالة
لأن العربية ممكن تكون مش عملة صيانات و المصيبة الأكبر ممكن يكون ملعوب فى عدادها (زى حالتى :( )والكشف عن ال History بيكشف الكلام ده

**ragaee** · 10-11-2011 11:06 AM

ال VIN ده الرقم الموجود تحت الزجاج الأمامى فى مستطيل صغير ناحية الشمال من الخارج
وهو ببساطة رقم الشاسية بس فى بدايته كام حرف
والكشف عن تاريخ السيارة بالرقم ده مش محتاج حجز و من غير تكلفة و نصيحتى ليك لازم تكشف عن مواعيد الصيانة اللى عملتها العربية والكيلومتر عند كله صيانة الأول قبل ما تدفع حجز للكشف عن الحالة
لأن العربية ممكن تكون مش عملة صيانات و المصيبة الأكبر ممكن يكون ملعوب فى عدادها (زى حالتى :( )والكشف عن ال History بيكشف الكلام ده

**abdallasoliman** · 11-11-2011 03:29 PM

مش مشكلة لما تدفع 450ج فى الكشف على العربية فى التوكيل وممكن تفاصل معاهم بس احسن ماتدفع الاف الجنيهات بعد كدة لان قلة الضمير منتشرة بصورة بشعة عند الناس .. ولو عايز تشترى رينو عموما اهم شئ تكون بتتعامل مع التوكيل فى الصيانات رغم بعض السلبيات بس لو فية حاجة بسيطة بيغير ومفيش تفاهم وبالتالى افضل للى حيشترى عربية بتتعامل مع التوكيل .. علشان انا دفعت دم قلبلى فى عربية مكانتش بتتعامل مع التوكيل ولو اشتريت عربية بتتعامل مع التوكيل بسعر اعلى فانت الكسبان