اخيرا ركبت K&N filter لميجانتي

**SoFiMaN** · 08-12-2011 07:45 PM

السلام عليكم

بعد بحث عن افضل انواع و موديلات الفلترات المتوفرة للميجان2 على الانترنت و بمساعدة حبيبي ايمن مومو .. جبت الكيت اللي هي 57-0521-1 بما فيها الماسورة (كنت فاكر انها بيركب فيها الفلتر بالمناسبة :D )

التركيب :
تم 50% مني و 50% من احد المختصين بالاكسسوارات و التعديلات بس كانت اول مرة يشتغل في ميجان فطبعا كنت انا و هو بنكتشف و ايمن الله يكرمه معايا على التليفون كلمته اكتر من مرة اتاكد و يشرحلي لأنها كانت اول مرة في حياتي افك بطارية و اطلع مسارين العربية كده. اول حاجة فكيت البطارية و الحامل بتاعها و بعدين فكيت فلتر الهوا و علبته و بدأت تجميع الفلتر في الماسورة الOEM و اركب الحاجة تاني و حطيت ماسورة التهوية اللي جاية معاها محشورة ورا البطارية و فدام الفلتر نازلة على تحت عند الجزء المفتوح شوية من المصفحة.

النتيجة:
تحسن الاداء واضح في السرعات العالية اكتر شوية من السرعات القليلة و صوته جميل جداً رغم اني كنت ضده في الاول و كنت دايما بقول لأيمن مش عايز حاجة تعمل صوت المهم اداء بس. لكن دلوقتي معجب جداً بالصوت لانه غير اللي بسمعه من العربيات التانية ده تحسه بيدي نعرة شيك كده رغم انه بسيط لما يظهر يعني على 2.5-4 RPM و مش ثابت, يعني مع الشدات بيظهر اكتر و بالنسبة ليا ده ممتاز
الملحوظة بقى الاساسية ان البنزين استهلاكه يعتبر قل ! انا كنت بعمل حوالي 200-210 في الصفيحة. دلوقتي بقى 220 -230
ده طبعا كمان انا بشد شد جامد عشان بجرب الفلتر على الصحراوي بحكم شغلي يومياً لدرجة بقيت خايف على الفرامل من كتر ما بجري و اشد و افرمل :D
اما النتيجة النهائية للاداء بصراحة مش فظيعة او انا كنت متخيل اكتر من كده بس الى حد كبير معقول برضه.
* شكر خاص لصديقي ايمن مومو

رابط الفلتر:
57-0521-1 - K&N 57i Series Kits, Performance Intake Kit

لو في اي اسئلة جاهز ان شاء الله :)

**iaibrahim** · 08-12-2011 09:57 PM

ايه موضوع الفلتر ده وايه فائدته ؟ وهل يختلف عن فلتر الهواء العادى ارجو التوضيح مع الشكر

**ecybrarian** · 08-12-2011 10:39 PM

مبروك عليك..بكام يا باشا؟؟؟ ومافيش صور للتركيب في عربينك؟؟ ومن اين صحيح؟

**Youssef.Awad** · 08-12-2011 11:00 PM

مبروووووووووك يا باشا
انا كمان ناوى باذن الله اركب k&n فى الصنى بتاعتى بس الاستوك المستطيل عشان ما افكش العمة
وفعلا اللى جربوه بيشكروا فى التسارع والسحب فوق ال3000 rpm
بس ياترى جبته بكام؟

**ugaritian** · 09-12-2011 12:10 AM

طلب اخير لو سمحت تصورلي مكان جلوس الفلتر على القاعدة التي تاتي معه

**SoFiMaN** · 09-12-2011 12:38 AM

iaibrahim
أنصح حضرتك تراجع الموضوع ده هيفيدك جداً
http://www.nilemotors.net/Nile/109141-a.html

ecybrarian
الله يبارك فيك انا جبته عن طريق لفة شوية بعد ما دخت عليه.. من واحد يعرف واحد بيشتغل فيهم بس اللي وصلني انه من التوكيل نفسه (بالتالي مفيش غير حمادة غزي او عادل وجدي) و صورته بعد التركيب موجودة بس كده :)

y2y1500
تقريبا اتكلف 900 جنيه كله

ugaritian
حبيببببي اصلا لك فضل كبير بعد الله اني قررت اشتريه و بعتذر اني مذكرتش اسمك و شكرتك في بداية الموضوع فعلاً, لأني استفدت جداااا من تقاريرك عن الريماب و الفتلر بجد
الاداء انا مش ببالغ, انا بقول مش حاسس انه في فرق فظيع او يمكن بقى في حاجة في تركيبي مش مظبوطة هتأكد من ايمن لما اشوفه بعد شوية ان شاء الله :D
و هشوف معاه فعلا موضوع الريماب ده
موضوع القاعدة انا ثبتها بصمولة زيادة فوق تثبيت الجير بوكس بالشاسيه بس معلش الصورة مش موضحة اوي و حتى مش عارف كده صح ولا ايه بس هحاول اصورهالك تاني اوضح ان شاء الله. و معتقدش اني هبيع القطع لأني ممكن ارجع للفلتر تاني لو حبيت ابيع العربية بعد زمن طويل باذن الله يعني :D

صورة للفلتر بعد التركيب بس على السريع لأن العربية كانت بتتغسل من المطر و الطينة

**ugaritian** · 09-12-2011 01:01 AM

الفضل و الشكر لله اولا و اخيرا.

ههه ضحكتني على نقطة:

معتقدش اني هبيع القطع لأني ممكن ارجع للفلتر تاني لو حبيت ابيع العربية بعد زمن طويل باذن الله يعني :d

علشان كلنا منقول كده في الاول, و بعدين (حوالي شهر) حتقول لنفس اروح بالكراكيب دي فين... و عمرك ما حتفكر ترجل للفلتر الاساسي تاني.

الصورة مش طالعة و انا مصر عليها و يا ريت بعد ما يكشف ايمن علشغل و يتأكد انه متزبط في مكانه.