عايز اشتري هدوم !!

**diablo1231** · 01-01-2012 01:44 PM

السلام عليكم
يا جماعة انا من مدينة نصر انا عندي 21 سنة حاليا :D , انا بشتري هدوم من cow boy او شوبير اللي في عباس العقاد لو حد يعرفهم , انا دلوقتي عايز اشتري هدوم كتير و معرفش غير Or و momo و mobaco اللي في سيتي ستارز لو حد يعرف اماكن زي دي في رينج لحد 300 جنيه مثلا فيها تيشرت و قمصان بنطلونات كده يعني يا ريت يقولي وشكرا :) !!

**Curbis** · 01-01-2012 11:40 PM

في عندك ماكس في ووندر لاند
وفي سنتر لولو عند تقاطع الطيران مع المترو
وفي السراج مول وجنينة مول كله محلات هدوم

**chicobon** · 02-01-2012 12:29 AM

عندك جنينه مول مليانة محلات و كلهم احلي من بعض او انزل مول طلعت حرب هو محل شوبير ده بيبيع ايه انا امبارح كنت معدي من قدامه معرفتش انه ملابس رجال ؟

**diablo1231** · 02-01-2012 12:39 AM

المشاركة الأصلية كتبت بواسطة chicobon

عندك جنينه مول مليانة محلات و كلهم احلي من بعض او انزل مول طلعت حرب هو محل شوبير ده بيبيع ايه انا امبارح كنت معدي من قدامه معرفتش انه ملابس رجال ؟

انا نزلت طلعت حرب بس جبت منه حجات ولقيت عيوب و اتقفلت منه , بالنسبة لشوبير انا جبت منه من سنتين و مدخلتوش تاني ونصيحة لأي حد ميدخلوش ههههههههه !!

**r0xer** · 02-01-2012 02:12 AM

بص يانجم

صلي عالنبي الاول

الاماكن التالية هي الأفضل بالترتيب

سيفينتي جينس ودا هتلاقيه في كل حتة في ستي ستارز و مول طلعت حرب وفي المعادي وفي مول الكورنيش بتاع المعادي و كل حتة ودا يعتبر أشيك محل دلوقتي بيبيع هدوم شياكة وبسعر معقول مفيهوش سرقة كبيرة.

نيو بورن ودا برضو هتلاقيه في كل حتة حواليك في مصر الجديدة و طلعت حرب و سيتي ستارز ومدينة نصر وروكسي وعمارات العبور وكل كل حتة! ودا فيه جواكت حلوة وسعرها جميل ميعديش ال500 جنيه وشياكة وتقيل.

محل اسمه موني ورك ودا ليه فرع عين شمس وفرع في مول طلعت حرب، هو مش شياكة اوي، لكن حاجاته خامتها كويسة ومعمرة و ماشي حالها. تجيب منه تيشرتات وبناطيل، واحيانا بيبيعو جواكت زارا موديل السنة اللي فاتت

طبعا التلت محلات دول جودتهم فوق ال90% و ممتازين جدا جدا جدا

عندك بقا كونكريت فيه جواكت وقمصان برضو كاجوال حلوة، ولكن غالية حبتين فعلى حسب ايه ظروفك؟ كونكريت برضو فروعه في كل حتة

بالنسبة للأحذية فعندك محلات cat - active - hush puppies .

احسن ماركة جزم تشتريها وتعيش معاك و طبية و مفيش أشيك منها هي ماركة اسمها merrell ولكن اسعارها معدية حبتين ودي هتلاقيها في hush او في cat بتاع محي الدين ابو العز.

اه ونسيت أقولك انه سيفينتي جينز فيه حاجات بيشتريها مستوردة من تركيا سعرها بيكون معدي...ولكنها بتعيش معاك لحد ما تزهق منها! يعني لو لاقيت حاجة سعرها فوق ال400 متقولش دي غالية...لو لاقيتها مستوردة من تركيا اشتريها وانت مغمض.

دا ياسيدي رأي بصفتي شاب زيك واكبر منك بشوية :)

وابقى قولنا تجاربك معاهم.

**diablo1231** · 02-01-2012 08:56 AM

المشاركة الأصلية كتبت بواسطة r0xer

بص يانجم

صلي عالنبي الاول

الاماكن التالية هي الأفضل بالترتيب

سيفينتي جينس ودا هتلاقيه في كل حتة في ستي ستارز و مول طلعت حرب وفي المعادي وفي مول الكورنيش بتاع المعادي و كل حتة ودا يعتبر أشيك محل دلوقتي بيبيع هدوم شياكة وبسعر معقول مفيهوش سرقة كبيرة.

نيو بورن ودا برضو هتلاقيه في كل حتة حواليك في مصر الجديدة و طلعت حرب و سيتي ستارز ومدينة نصر وروكسي وعمارات العبور وكل كل حتة! ودا فيه جواكت حلوة وسعرها جميل ميعديش ال500 جنيه وشياكة وتقيل.

محل اسمه موني ورك ودا ليه فرع عين شمس وفرع في مول طلعت حرب، هو مش شياكة اوي، لكن حاجاته خامتها كويسة ومعمرة و ماشي حالها. تجيب منه تيشرتات وبناطيل، واحيانا بيبيعو جواكت زارا موديل السنة اللي فاتت

طبعا التلت محلات دول جودتهم فوق ال90% و ممتازين جدا جدا جدا

عندك بقا كونكريت فيه جواكت وقمصان برضو كاجوال حلوة، ولكن غالية حبتين فعلى حسب ايه ظروفك؟ كونكريت برضو فروعه في كل حتة

بالنسبة للأحذية فعندك محلات cat - active - hush puppies .

احسن ماركة جزم تشتريها وتعيش معاك و طبية و مفيش أشيك منها هي ماركة اسمها merrell ولكن اسعارها معدية حبتين ودي هتلاقيها في hush او في cat بتاع محي الدين ابو العز.

اه ونسيت أقولك انه سيفينتي جينز فيه حاجات بيشتريها مستوردة من تركيا سعرها بيكون معدي...ولكنها بتعيش معاك لحد ما تزهق منها! يعني لو لاقيت حاجة سعرها فوق ال400 متقولش دي غالية...لو لاقيتها مستوردة من تركيا اشتريها وانت مغمض.

دا ياسيدي رأي بصفتي شاب زيك واكبر منك بشوية :)

وابقى قولنا تجاربك معاهم.

يا باشا انا مش عارف اقولك ايه !! الف شكر ليك هشوف و اقولك ان شاء الله :)