مشكله في الفلوانس

**doda426** · 23-01-2012 12:37 PM

انا اشتريت الفلوانس اول فئه اوتوماتك و بصراحه العرابيه ممتازه بس عندي شويه مشاكل
1-دواسه البنزين عندي فيها بوش كبير موش زي الالنترا اول ما تدوس تلاقي
2- النظام الصوتي تعبااان فغيرت السماعات و ركبت gm ظبط الصوت شويه بس بردو خارجي الكاست مفهوش تنغيم ونفسى الاقي gps للعرابيه بس يكون bose...sony اي حاجه مش تبوظ شكل التابلوه
3-كنت عاوز اركب فرش بس محتار اركبه عند مين
4-عندي نتشه خفيفه اوي في النقل من الاول للتاني
اسف للاطاله......

**mragh** · 23-01-2012 04:28 PM

أنا ممكن أجاوبك على أول و رابع نقطة

١ - عموماً طلعت الأوروبي أثقل من الكوري و الياباني عشان كدة بتحس بثقل العربية و انها مش بتسحب

عموماً المفروض الإحساس دة يقل بعد ال-٣٠٠٠ كم " أنا لسة مستلم زيك "

٤ - موضوع النتشة الخفيفة موجود في كل العربيات الفلونس أنا عندي نفس النتشة و زمايلي في الشغل عندهم نفس الموضوع

**doda426** · 23-01-2012 04:57 PM

يعني موضوع النتشه ده عااادي ميخوفش
طيب لما اركب سماعات و gm ياثر علي الضمان في حاجه

**hany63** · 23-01-2012 06:08 PM

اي تقطيع في سلوك ضفيرة الكهربا تخرج من الضمان
ممكن تسأل على dvd للفلواينس مخصوص بيجي كأنه حته من تابلوه العربيه و بفيشه الاصلي
انا مركب واحد في السيفيك جاي بربع التابلوه و بيبقى فيه بلوتوث و جي بي اس و كاميرا و يو اس بي

**hany63** · 23-01-2012 06:13 PM

بالنسبه للنتشه غالبا حضرتك كان معاك مانيوال
عشان متحسش بيها بعد ما العربيه تطلع على الاول ارفع رجلك من على البنزين بس مش للاخر هتلاقي العربيه جابت التاني بمنتهى النعومه تروح دايس تاني عشان تمشي بالتاني و هكذا

**doda426** · 23-01-2012 06:42 PM

بس انا بتكلم في ضفيره الكاست يعني مش ليله مهو في عرابيات بتنزل من عير كاست اصلا بعدين كل الي بتعملوا ان بتاخود خارجي الكاست للgm وتوزع منه للسماعات اللي بتاخود مكان اللي راكبه بس يعني مفيش عك في الضفيره

**hany63** · 24-01-2012 11:19 AM

المشاركة الأصلية كتبت بواسطة doda426

بس انا بتكلم في ضفيره الكاست يعني مش ليله مهو في عرابيات بتنزل من عير كاست اصلا بعدين كل الي بتعملوا ان بتاخود خارجي الكاست للgm وتوزع منه للسماعات اللي بتاخود مكان اللي راكبه بس يعني مفيش عك في الضفيره

حضرتك انا كان كلامي واضح طالما مركب حاجات بفيش تركب على الاصلي دكر و نتايه مافيش مشاكل و اعتقد خرج السماعات ما فيش فيها مشكله
الفيصل في الموضوع الجي ام خد كهربا ازاي ؟
لو كانوا قشروا الضفيره من ناحية الكاسيت عشان يمدوا اسلاك منها التوكيل هايعترض
ويستحسن مايشفوفوش الجهاز لما تروح في الصيانه و اذا كان ركب بنضافه عن طريق مشترك لفيشه كهربة الكاسيت تحط صباعك في عين اتخن واحد

**doda426** · 24-01-2012 08:57 PM

ايوه كدا طمنتني الله يباركلك اصل الراجل فعلن عمل كدا .........شكراا جدا علي اهتمامك

**hany63** · 25-01-2012 08:30 AM

يافندم تحت امرك سؤال لحضرتك هل موضوع تقل السحب بيأثر على متعه السواقه؟
نفسي اجيبها بس خايف من النقطه دي

**doda426** · 25-01-2012 10:28 PM

لو انت بتسوق الانترا او لانسر او سيراتو هتحس بخنقه انا صاحبح اخدت منه الالنترا يومين بصراحه كنت مش عاوز ارجعها وهم ......سحب .............صوت..............عزل........... ....شيك اويييي .....نصيحه اعل تست درايف قبل ما تجيب حاجه