الموضوع: الـــــــــــــيكم البيــــــــــــان التــــــــالى :::: ميجان 2009 ::::

المشاركة الأصلية كتبت بواسطة figoo2001010

بسم الله الرحمن الرحيم

أن هو وفى تمام الساعة الرابعة يوم الاربعاء قد تام شراء ميجى 2009 واليكم التقرير التالى:

السيارة مو 2009 عاملة 46 الف كم فبريقة بالكامل عدا باب جانبى الحالة الداحلية ممتازة ,, الحالة الخارجية جيدة - الى جيدة جداً

المميزات:
1- ثبات رائع
2- التحكم جيد جدا
3- الاداء الرياضى مش قووى بالذات فى طلعة العربية
4- الفرامل ممتازة
5- التكييف جيد - ضعيف لسة الصييف هيبين اكتر
6- التقفيل و الشكل الخارجى مبهر
7- الكماليات ممتازة بالنسبة للفئة السعرية
9- مانع الصوت رائع وان كنت بحس صوت الموتور عالى شوية متضامنا مع تامر محمد
+1 في كل ده

نسترسل بقى: ميجى اول متركبها تشم ريحة المواد الخام النضيفة ,, يشدك البسطة فى التبلوة مع النور الابيض الجميل محدش يستغربنى بس انا عاجبنى اووى شكل الباب من جوة انحنأتة سندتة مكان الزرير ننتقل للدركسيون جميل فى مسكتة فى تقفيلة فى الشغل اللى تحسة هند ميد وكمان جزئية المالتى فانكش للراديوا مفيدة لاقصى درجة
تمااااااااااااااااااااااا ااام , مش عايز اقول لك اني بقيت اركب عربيات تانية احس انها من جوة اي كلام هههههههههههه

الكلكس صوتوا بيدل على العربية بس ناشف شوية وانت بدوس علية ,,,
ناشف فعلا , و انا غيرت صوته اصلا

دراع الاوتو كويس بس كان ممكن يبقى شكلو اقوى من كدة, المسند الجانبى مفيد قوى للى بيركب معاك ,,, الكراسى مريحة وتقفيلها كوييس قووى
+1

والمسند الخلفى فى الكنبة تحسها عربية مرسيدس بلغة المعلمين ,,
عاااااااااااااااااااااااا اااااا مش عندي !


العفشة مريحة بدرجة كويسة مبحسك بتكسير الطريق زى الاوبل ,,,, برضة ارتفاع العربية مفيد بدرجة عنيفة فى الطرق الزبالة اللى هيا مصر كلها ,,,,
+1

الفرامل محترمة بزيادة لسة بحاول احسها اكتر ولو ان فى مرة دوست عليها جامد على سبيل التجربة لقيت فى لجلجة جامدة فى الدركسيون اوفى العجل مش عارف ومفهمتش اخويا قالى هو دا ال abs :) ياريت تفيدونى ,,,
ما حصلتش معايا بس اظن ان الكلام صح

تشغل العربية تحس بفخامة bmw كارت و start/stop طلعتها مخنوقة شوية يمكن عشان انا كنت مانيوال بعد كدة العربية سحبها كويس مش بيديقنى ,,,
الستاير عاجبنى قووى لانى طول عمرى كان نفسى فى عربية كدة وبحتاجها بالذات فى الصيف لوالدتى والمدام ,,, الشنطة مساحتها كبيرة وكويسة .... بشكل عام حاسس بالنقلة العنيفة من كورسا هاتشباك مانيوال لميجى فدة مغطى على شوية العيوب الصغيرة وخالينى مبهور اكيد بالكماليات فا ممكن اكون مبالغ شوية ...
+1

بشكر أستاذ أحمد عبد المقصود هو اللى اقنعنى وساعدنى فى شراء ميجى وبناء على المساعدة اللى لقيتها هنا قررت اساعد اى حاد واشارك معاكوا فى العمل الايجابى الرائع هنا

وتفضلوا بقبول كامل أحترامى واكون واحد من القائميين على الصفحة
م. أحمد أبراهيم

مبروووووووووووووووووووووو ووووووك يا معلم :)