طلب تسعير سرررررررررريع

**hishamelshazly** · 27-02-2012 08:16 PM

السلام عليكم و رحمة الله و بركاته ارجو من الساده اعضاء المنتدى الكرام تسعير سيارة لادا 2107 مصرى موديل 2006 عداد 77000 فابريكة بره و جوة الكماليات تكييف و كاسيت .
و ياترى لو اشتريتها هتبقى كويسة معايا و لاتقرفنى خصوصا انه دى هتكون اول عربية ليا و هتعلم عليها السواقة انشاالله هى العربية اول يد موجودة مع مندوب ادوية و مش بيستعملها من فترة لانه اشترى نيو اكسنت.
و على فكرة الحد الاقصى اللى هتمشيه العربية يوميا 60 كم و برضه انا عندى مشاكل صحية فى ضهرى كسر و كده يعنى هل كراسيها فعلا بتتعب الضهر .
انا اصلى مقتنع جدا بالعربية اللادا لانها عملية واسعة عالية عن الارض اقتصادية فى قطع الغيار اى ميكانيكى يفهم فيها و لو ربنا كرمنى و اشتريتها اقصى سرعه هامشى بيها 80كم لانى مابحبش السحب الجامد بالعربيات .
ارجو من الساده الكرام سرعة الرد و اسف على الاطالة

**ahmdmagdy** · 28-02-2012 01:32 AM

بص يا باشا العربيه تعمل من 26 الي 28 ألف اما بالنسبه لحاله حضرتك الصحيه للأسف اللادا مش مريحه في القعده بتاعتها ف الافضل انك تشوف عربيه تكون عفشتها ناعمه و قعدتها مريحه

**MEKAWY2000** · 28-02-2012 08:28 AM

السياره كراسى مريحه الى ممكن يتعبه قباده السياره نفسها دى الى ممكن تتعبه

**lad** · 29-02-2012 01:12 AM

المشاركة الأصلية كتبت بواسطة ahmdmagdy

بص يا باشا العربيه تعمل من 26 الي 28 ألف اما بالنسبه لحاله حضرتك الصحيه للأسف اللادا مش مريحه في القعده بتاعتها ف الافضل انك تشوف عربيه تكون عفشتها ناعمه و قعدتها مريحه

كلام سليم و مضبوط

**MEKAWY2000** · 29-02-2012 07:23 PM

متابع

**hishamelshazly** · 29-02-2012 11:15 PM

متشكر جدا على كل الردود و جزاكم الله خير بس بالنسبة للاخ العزيز اللى بيقول الكراسى مريحة بس القيادة متعبة ياترى الموضوع ده مالوش حل خاصة انه اقصى مدة هاسوق فيهاالعربية هتكون 60 دقيقة يوميا و فيه ايام مش هاسوقها خالص .
حتى لو كان الحل ده مثلا مسند طبى للضهر او شلته طبية .

**hishamelshazly** · 02-03-2012 07:47 PM

معلش يا جماعه بس ايه هو البديل بالنسبة للادا و يكون فى نفس السعر و مايقرفنيش فى قطع الغيار خصوصا انه انا عايش فى محافظة قنا يعنى مش كل الماركات تصليحها بنفس سهولة اللادا و كذلك قطع الغيار.