الفلونس اتخبــــطت

**Mandible** · 27-02-2012 09:18 PM

طبعا الحمدلله على كل شئ و انا كنت عارف ان اللحظة دي مسيرها هتيجي .. خصوصا اني خدت عين جبارة قبل متخبط بنص ساعة من شخص جارنا و كنت متأكد ان حاجة هتحصل بس الواحد ميملكش انه يقول الا الحمدلله

العربية اتخبطت مني و انا كت بركن و راجع بضهري في عربية تانية كانت واقفة .. الخبطة عملت خطين بيض فوق بعض طول كل واحد فيهم 10 سم في الرفرف الامامي يمين .. و السؤال دلوقتي هل في حل اني امحي اثر الخطين دول ؟ مع العلم ان لون العربية نبيتي و تقريبا الخطين متقشرين .. اروح عند حد بتاع دوكو ولا اروح التوكيل ولا ايه ؟ و ايه اخبارهم في الرش ؟ ياريت حد يقولي اعمل ايه عشان الخبطة دي نغصت عليا عيشتي بعد امتلاكي ليها سنة و متخدشتش مني ولا خدشة

**Abo_Lina** · 28-02-2012 01:18 AM

هو العربية التانية اللي خبطا بيضا
لو بيضا يبقى الخطين دول ممكن يروحو بالمسح عادي
اللي أعرفه إن لو البوية قشرت الفبر تحتها أسود ، عموما لو فيه صورة هايبقى الموضوع أوضح

**gym1974** · 28-02-2012 09:00 AM

ولا يهمك وفداك 100 الف عربية نصيحة منى لوجه الله سيبها زى ما هى كده شوية علشان اى حد يشوفها قوله ده لسه مخبوطة حالا وتخزى العين زى ما بيقولوا لان فعلا العربية ده بجد تشجع الواحد على الحسد

**Mandible** · 28-02-2012 04:09 PM

شكرا لمشاركاتكم اخواني الكرام .. انا كنت بس عايز اخفيها عشان انا بيجيلي حالة نفسية لما اكون سايق عربية مخبوطة .. عامة الصورة اهي و هي فعلا خبطت عربية بيضا بس لما شفتها الصبح اكتشفت انه خط واحد بس مش خطين الحمدلله و ادي الصورة اهي

**Mohamed_Nafie** · 28-02-2012 05:35 PM

نصيحة .. سيبها كده ... أنا برده عربيتي ميجان 2012 اتخبطت .. ووصلت للقشرة السودة وكانت لسه مبالهاش اسبوعين .. وكنت عايز أصلحها أو ادريها باي أي شكل لغيت ماابتديت انساها .. خليها كده أحسن عشان العين ... والحمد لله..

http://www.nilemotors.net/Nile/264996-a.html

**Mandible** · 28-02-2012 10:15 PM

المشاركة الأصلية كتبت بواسطة mohamed_nafie

نصيحة .. سيبها كده ... أنا برده عربيتي ميجان 2012 اتخبطت .. ووصلت للقشرة السودة وكانت لسه مبالهاش اسبوعين .. وكنت عايز أصلحها أو ادريها باي أي شكل لغيت ماابتديت انساها .. خليها كده أحسن عشان العين ... والحمد لله..

http://www.nilemotors.net/nile/264996-a.html

يعني حضرتك شايف كده ؟ انا بدأت افكر فعليا اني اسبها كده لحد معاد الصيانة الجاية ان شاء الله اخليهم يرشوها هناك

**Mohamed_Nafie** · 28-02-2012 10:21 PM

ولا ترشها برده ... خليها على آخر السنة مثلا أو اكبر صيانة جايه 10 ألف أو 50 ألف ... وابا رشاها .. وبصراحة ... إنت في مصر مش هتلسم من زنق الناس عليك علشان يجرحلك عربيتك ولا يخبطها والحقد والحسد إللي احنا بقينا فيه .. فسبها كده أحسن ... ولما تاخد عربيتك متبصش عليها كل شوية لما تخرج ... شوية شوية حتنساها... والحمد الله إن كله حديد في حديد

**bozzabasha** · 29-02-2012 07:45 AM

انا مستلم العربية من 26 يووم بالظبط وحصللي نفس الموقف وسيبتاها عشان العيين ربنا يستر علينا كللنا ويدددينا خيرها ويكفينا شررها وكنت عايز اسال سؤال معلش هوه باب الفلونس 2012 ممكن نعملو جلد ؟

**Abo_Lina** · 29-02-2012 04:43 PM

قطنة عليها بنزين خفيف و إن شاء الله الخط ده يزول
لأن ممكن يكون من بوية العربية البيضا
و في كل الحالات ليها حلول كتير غير الرش ، عشان الخبطة بسيطة و العربية جديدة مش مستاهلة رش

**bassem_sams** · 29-02-2012 06:39 PM

و لا رش و لا حاجه هات علبه بولش ميدو من اى واحد بتاع بويات و قطن طبى و حط بولش و على شكل دوائر لحد ما تروح خالص و تمنها مش متذكر لكن لا تذيد عن 5 جنيه و يفضل كومباوند بردوا ماركه ميدو تحط شويه بساط و تدعك على خط مستقيم رايح جاى و كن حذر بعد ما تشيل لون ابيض زياده وقف و اديها بولش ناعم على شكل دائرى و خلاص كده دى بسيطه جدا الحمد لله