بسم الله الرحمن الرحيم

يارب تكونو بخير و فى احسن حال ان شاء الله

[gdwl]
طبعا دى اول مشاركه ليا فى المنتدى هنا لكن انا متابع من فتره و بجد عجبتنى روح كل الاعضاء و حاله الحب الكبيره اللى موجوده هنا و بتمنى انى اكون معاكو و تعتبرونى واحد منكو .. [/gdwl]

مش هاطول و هادخل فى الموضوع على طووول . . .

انا معايا عربيه افيو 2009 اوتوماتك مصرى و طبعا زى ما انتو عارفيين الافيو مفيهاش اى اوبشن ترفيهى او اى حااااااااااجه فعلا عربيه للطموحييين فقط زى ما بيقولو فى الاعلان .. و بما انى شاب فا ببقى عايز شويا لعب كده فا انتو ايه رايكو تنصحونى ب ايه اعمله فيها علشان محسش انى راكب عربيه من المتحف ..
انا كنت بفكر فى حاجات هى دى اللى انا عايز اعملها لكن انا مش بفهم اووى فى الانواع و كده فا انا هاقولكو على الحاجاات و انتو تنصحونى بقى و لو عندكو افكار احسن او كده اكيييد هابقى حابب اسمعها

اولا طبعا انا عايز اغير الكاست بتاعها الردييييييييئ ده ... و كنت شوفت موضوع هنا حد قال انه ركب كاست بايونير 6050 و انا شوفت صورته ما شاء الله محترم جدا جدا جدا و قريب من بتاع العربيه فا تمام جدا بصراحه و كنت عايز اركب سمعتيين ورا و اتنيين قدام و اركب جى ام و صاب .. ده بالنسبه للصوت


ثانيا انا كنت عايز اكربن الفوانيس اللى قدام اعملها اسود مط و كنت عايز اركب فوجات بس مش بتوعها لانهم صغيريين و وحشيين اووى فا كنت بفكر انى اشوف فوجات زى بتاعت الفانتازيا او الانترا او كده ياعنى .. بختصار انا عايز فوجات كبيره مش المدوره دى ..و كنت عايز ارش الجزء اللى ورا النمره اللى عند الشنطه ده اسود مط برده .. و كنت عايز جنط 16 او 17 و اسقط شويا خصوصا من ورا بس فى ناس قالتلى بلاش الجنط الكبير و هات 15 بس 15 ده هاحس انه كاوتش موتسكل ههههههههه

دى الحاجات اللى فى دماغى .. و طبعااااا مستنى رآى اهل الخبره ... و شكراااااا و معلش طولت عليكم بس ده من عشمى فيكو ...
فى انتظار تفاعلكم

a 7 m e d