عندى مشكلة رجاء المساعدة والرد السريع

**midomido88** · 12-03-2012 10:40 PM

العربية النهاردة توقفت تماما وانا راجع من الشغل تراجعت السرعة تدريجيا حتى توقفت السيارة والغيارات لاتعمل لكن السيارة دايرة . باخد الاولانى والسيارة لاتستجيب بالحركة قال لى زملائى ان هذا ديسك واسطوانة
اولا رجاء منكم ومن المسؤلين عن التوكيل هل هذا هو العطل فعلا
ثانيا انا من القاهرة اروح مركز صيانة من الموجودين فيه قطع غيار ؟ انا فى الضمان
ثالثا : هذا العطل يتم حسابه على نفقتى ام نفقة التوكيل؟ مع العلم انى فى الضمان

**amrelsaqqa** · 12-03-2012 10:45 PM

لو العربية مانيوال وهى دايرة وبتديها الغيار تاخد الغيار وتيجى تطلع وتدوس بنزين ما تطلعش وصوت الموتور يعلى على الفاضى ده كدة دسك واسطوانة فعلا

ولو العربية لسة جديدة ده يعتبر عيب صناعة ولازم يتغير على حساب التوكيل وتعمللهم مشكلة كمان

الدسك والاسطوانة دول بيتغيروا على الاقل بعد 150 الف كيلو او على الاقل خالص خالص 120 الف

**midomido88** · 12-03-2012 11:25 PM

شاكر لحضرتك جدا ياستاذ عمرو على هذه الاجابة الوافية
بس اغيروا فى العباسية ولا القطامية؟

**Emad Habib** · 13-03-2012 11:25 AM

الاستاذ الفاضل برجاء ارسال بيانات سيادتك على الخاص للمتابعه والمساعده او التوجه الى اى من مراكز الخدمه سيقومون باتخاذ اللازم نحو العطل ويمكن لسيادتك الاستفسار عن العطل من متخصص لاءن العطل لدى سيادتك له العديد من الاجابات لكن بعد الكشف على السياره وليس بالكتابه فقط اى على الواقع وبعد الكشف

ولسيادتك تحياتى

**melsheshtawy** · 13-03-2012 03:09 PM

أخى العزيز ...
ده ممكن يكون كوبلن فرط .... إنت كان عندك أى مشكلة فى الكبالن (طقطقة مثلا) أو أخدت مطب جامد بسرعة ؟؟
أنا شخصيا أستبعد إحتمال الديسك والأسطوانة لأنها متجيش فجأة كده .. تآكل الإسطوانة بيكون ليه علامات قبلها
عموما إبقى طمنا عليك

**lonedoctor** · 13-03-2012 06:53 PM

مشكلة دبرياج وحلها سهل ان شاء الله

**rti** · 14-03-2012 01:36 AM

متابع

**elswaha** · 14-03-2012 01:55 AM

الله ينور عليكم
اسباب كلها تؤدى للعطل
واجوبة وحلول رائعة
وانصحك بتوكيل القطامية
ربنا معاك

**midomido88** · 16-03-2012 04:47 PM

شاكر لكل الاخوة الاعضاء الذين قاموا بالاهتمام والرد ربنا يجعلكم عونا لبعض دائما
انا روحت مركز الشرابية وقاموا بالازم احسن استقبال وقاموا بتغيير الديسك والاسطوانة والبليو وقمت بدفع ثمنهم بالكامل والمصنعية كمان مع انى فى الضمان وملتزم بالصيانة فى التوكيل

**amrelsaqqa** · 16-03-2012 05:22 PM

المشاركة الأصلية كتبت بواسطة midomido88

شاكر لكل الاخوة الاعضاء الذين قاموا بالاهتمام والرد ربنا يجعلكم عونا لبعض دائما
انا روحت مركز الشرابية وقاموا بالازم احسن استقبال وقاموا بتغيير الديسك والاسطوانة والبليو وقمت بدفع ثمنهم بالكامل والمصنعية كمان مع انى فى الضمان وملتزم بالصيانة فى التوكيل

العربية عاملة كام الف كيلو ؟