الموضوع: محتار وقلقان جداً

طيب حضرتك ممكن تقولنا الزيت بينقص بمعدل اد اية وكمان هل لو شغلت التكيف فى يوم حر العربية بتسخن معاك ؟
نظريتى فى الموضوع :
فعلا الكولر او الكوعة بتاعت المية لو جابت زيت الزيت بيخش فى سائل التبريد وبما ان المشكلة دة بقالها معاك سنة ونص يبقى الراديتر معبى زيت ومش هينزل بسهولة مع سائل التبريد لما تغيرة ......... لو الزيت مش بينقص ياما ولو العربية مش بتسخن معاك ولا تشغل بالك عادى خالص دة بالعكس شوية الزيت دول هيزيتوا طرمبة المية وبالتوفيق

الزيت عندى مش بينقص على طول المستوى بتاعه كويس لكن بلاحظ لما كنت بغيره وقت الصيانه انه لونه كان اسود وهشوف كده على التغيير اللى جاى لونه هيبقى عامل ازاى ،،،، العربيه مش بتسخن ابدا مهما كان الجو حار ومشغل التكييف ،،، وزى ما قولت العربيه سحبها حلو وبجيب بيها ال 170 وببقى مشغل التكييف ومعاى 3 افراد فى العربيه كمان غيرى ,,, يعنى انت رأى حضرتك مشغلش بالى بالموضوع ؟؟؟ عموما الف شكر على اهتمام حضرتك

المشاركة الأصلية كتبت بواسطة وائل مختار

،، العربيه مش بتسخن ابدا مهما كان الجو حار ومشغل التكييف ،،، وزى ما قولت العربيه سحبها حلو وبجيب بيها ال 170 وببقى مشغل التكييف ومعاى 3 افراد فى العربيه كمان غيرى ,,, يعنى انت رأى حضرتك مشغلش بالى بالموضوع ؟؟؟ عموما الف شكر على اهتمام حضرتك

متشغلش باللك العربية سليمة وزى ما قولتلك الزيت موجود فى الراديتر لان دول سنة ونص يعنى مش تغيرة مية راديتر مرة او اتنين هيخرجوة وعلى العموم هو مش مضر بل بالعكس هيعمل lubrication لطرمبة المية ومتلعبش فى العربية عند صناعية فتايين علشان متدفعش فلوس على الفاضى وبالتوقيق

الله يطمنك هو ده كان رأى التوكيل برضه بس انا مكنتش مطمن وبصراحه كنت بفكر ابيعها واشترى برضه ميجان 2 لانى بصراحه من ساعه ما ركبت العربيه دى وانا مبهور بيها حتى الان ومعتقدش هاعرف اركب عربيه غيرها

المشاركة الأصلية كتبت بواسطة وائل مختار

الله يطمنك هو ده كان رأى التوكيل برضه بس انا مكنتش مطمن وبصراحه كنت بفكر ابيعها واشترى برضه ميجان 2 لانى بصراحه من ساعه ما ركبت العربيه دى وانا مبهور بيها حتى الان ومعتقدش هاعرف اركب عربيه غيرها

فعلا الميجان حلوة بس تكيفها فى درجات الحرارة 35 او 40 مش قد كدة

فعلا تكييف العربيه مش جامد بس القصه انى شاريها ب 62 الف موديل 2006 هاى لاين بانوراما ،،، قولى اركب عربيه تانيه بالامكانيات دى بالسعر ده ازاى

طيب لو العربية بتسخن مع التكيف فى الزحمة يعنى مؤشر الحرار بيزيد عن النص يبقى اية السبب

المشاركة الأصلية كتبت بواسطة sherif2009bhit

طيب لو العربية بتسخن مع التكيف فى الزحمة يعنى مؤشر الحرار بيزيد عن النص يبقى اية السبب

شيل ترموستات الكوعة اولا وجرب لو سخنت تانى يبقى السرعة التانية بتاعت المروحة عندك مش شغالة او المروحة ضعيفة