طلب استشارة حول فولفو اس 40 موديل 2006

**yehia** · 18-06-2007 04:22 AM

السلام عليكم جميعا ، أنا شفت سيارة فولفو اس 40 موديل 2006 معروضة فى توكيل فولفو - شركة الكويت والبلاد العربية ( قسم بيع المستعمل) عاملة 19500 كيلو ومفيش فيها أى خبطات ظاهرة ( لسة مش متأكد اذا كانت معملتش حادثة فعلا ولا التوكيل قام باللازم معاها) لكن هى ما شاء الله من بره ومن جوة تحفة زى الجديدة تمام.... هى 1600 سىسى مانيوال والتوكيل طالب فيها 165 ألف... علما بأن الجديدة منها 2007 تبدأ من 190 ألف وانت طالع... ايه رأيكوا لو معايا المبلغ ده وعايز فولفو.. أتكل على الله بعد الكشف عليها بمعرفة فنى ولا كتير سعرها بالنظر لعدد الكيلومترات اللى عاملاها فى سنة واحدة؟ ملحوظة.. هو المسئول لما سألته عن سبب بيع صاحب السيارة لها قاللى سبب بصراحة مش مقتنع بيه... ان صاحبها عايز يجيب 2007 ومعاها أوبشنز زى فتحة سقف وبلوتوث وحوارات تانية... الرجاء الافادة فى أقرب وقت وشكرا

**hazem_khidr** · 18-06-2007 05:34 AM

بصراحه ما انصحكش بالمبلغ دا متهيالي ممكن تجيب فكترا جديده او بورا علي ما اعتقد او حتي سيفيك 2007 باقل 25 الف
انما فولفو في مصر و كمان 1600 سي سي . سيدي الفاضل انا ركبت العربيه دي في الامارات و كانت 2000 سي سي او 1800 مش متذكر و كان يدوب تقدر تقول عليها معقوله فما بالك بقي ب ال1600 نصيحه اشتري عربيه لما تحب تبيعها تتباع بسهوله و ما تخسرش فيها كتير.انا مش بعيب في الفولفو بالعكس انا بحترمها جدا بس السوق مش مقدرها غير كده قطع غيارها غاليه جدا جدا

**أبو_حمزة** · 18-06-2007 01:39 PM

Volvo is a very respectible brand
BUT
in Egypt it is not recommended at all
resell value is very low
spare parts are nightmare (not available and if found veryyyyexpensive)
with this amount of money never buy a used car
unless it is a Mercedes :lol:
go for new Civic or Octavia A5

**fahd_628** · 18-06-2007 04:19 PM

فعلا هات سيفيك او اوكتافيا

**yehia** · 18-06-2007 11:45 PM

ألف شكر يا جماعة على الاهتمام والرد ...وهو فعلا لما فكرت فيها شوية لقيت انه حرام أجيب عربية مستعملة بالسعر ده أيا كان ماركتها... حابقى عامل زى اللى رقصوا على السلم.. لا منى جبت الجديد بزهوته... ولا منى وفرت بشراء المستعمل :)