مشكله جديده في الفلوانس ربنا يستر

**Hema_law** · 26-04-2012 06:32 AM

السلام عليكم على احلى منتدى
أنا قبلتني النهارده مشكله غريبه ف الفلوانس وبدون مقدمات وحصلت ٣مرات
باختصار العربيه وانا برجع بيه عشان أركان ويلف الدركسيون سمعت صوت عالي جي من تحت العربيه زي صوت احتكاك جامد يعني أكنك مسك حديدتين وتحكهم في بعض أنا مش عارف بصراحه ده إيه لأني مليش خبره أوي
ياريت لو حد يعرف ده إيه بقولي
علمن أنا وانا ماشي بيه ما بسمعش الصوت ده
تحياتي وارجو سرعه الرد

**raedegypt** · 26-04-2012 07:25 AM

روح للاسف للوكيل ملكش سكه تانيه ..مش هاتلاقى حد فى الورش يفهم فى العربيات دة الا الوكيل وكمان علشان تلاقى قطع الغيار دة مشكله تانيه فروح للوكيل وخلى معاك خمس الف جنيه تحت الحساب وبعد ماتصلح اخلص منها واركب حاجه اى حد يصلحها لك بره 150ج وخلصنا زى الكيا والهيونداى وكبر دماغك

**Ahmed Selim** · 26-04-2012 10:01 AM

بص يا أستاذ هيما

أولاً متسمعش نصايح ناس متعرفش حاجة و بتقول كلام و خلاص.

ثانياً علشان الناس اللى فاهمة تقدر تساعد لازم شرح أكتر شوية للصوت ده عامل أزاى.

دلوقتى أنا هسألك على شوية أسألة جت فى دماغى.
1- الصوت بيجى من أى جهة ؟ يعنى يمين تحت و يمين فوق ولا شمال تحت ولا شمال فوق؟
2- نوعية الأرض اللى كنت بتركن عليها عاملة أزاى.....أسفلت....خرسانة ناعمة زى باركنج مول مثلاً أو خرسانة خشنة زى باركنج عمارة الخ.

يا ريت لو نوعية الأرض اللى كنت بتركن عليها ساعة ما الصوت حصل مختلفة عن العادى.....و خصوصاً لو خرسانة ناعمة زى اللى فى أى باركنج بتاع مول يبقى يا ريت تحاول تخلى الصوت ده يحصل تانى و تسجله و ترفعه علشان نسمعه.

أخر سؤال عربيتك فى الضمان ولا لأ ؟
و عاوز تعملها فى التوكيل ولا برة...........لأن برة التوكيل فيه بدل الواحد ألف

و متقلقش من موضوع قطع الغيار ده.........إن شاء الله موجودة.

**Ahmed Selim** · 26-04-2012 10:09 AM

المشاركة الأصلية كتبت بواسطة raedegypt

روح للاسف للوكيل ملكش سكه تانيه ..مش هاتلاقى حد فى الورش يفهم فى العربيات دة الا الوكيل وكمان علشان تلاقى قطع الغيار دة مشكله تانيه فروح للوكيل وخلى معاك خمس الف جنيه تحت الحساب وبعد ماتصلح اخلص منها واركب حاجه اى حد يصلحها لك بره 150ج وخلصنا زى الكيا والهيونداى وكبر دماغك

انا اللى مش فاهم ولا هما اللى نصابين

غريبة أن الفيرنا موديل 2006 تجيب وش سلندر و صاحب الموضوع يدوخ بيها عند 3 ميكانيكية و يدفع عليها 1000 جم على ما عرف يصلحها.

مش دى اللى أى حد بيصلحها برة التوكيل و ب 150 جم و خلصنا ؟؟؟؟

و طبعاً مش هلاقى رد من جنابك كالعادة.

**MARTINDALE** · 26-04-2012 11:25 AM

المشاركة الأصلية كتبت بواسطة hema_law

هو صوت جي من تحت بسمعه وانا بجيب أر وارجع لوره صوت حكه زي صوت زمار زي ما أنا قلت حديدتين بيحكو في بعض

بص فيه واحد زميلنا كنت فاكر انه كان بيسمع صوت تززيق وهو راجع ولما راح التوكيل طلع واخد خبطه خفيفه على الشكمان فاتحشر , يمكن تكون انت زيه وان شاء الله الموضوع بسيط لانه اتعمل في التوكيل ببلاش تقريبا .
بس هو كان بيسمع الصوت بمجرد ما يرجع بدون ما يلف .

**Abo_Lina** · 26-04-2012 12:03 PM

كان عندي نفس الموضوع ده من مدة او حاجة شبيهة له
كان صوت تكتكة عند الرجوع للخلف
رحت لواحد عفشجي قاللي المصفحة كانت مرحلة على ما أتذكر

**Hema_law** · 26-04-2012 12:05 PM

المشاركة الأصلية كتبت بواسطة ahsd2000

بص فيه واحد زميلنا كنت فاكر انه كان بيسمع صوت تززيق وهو راجع ولما راح التوكيل طلع واخد خبطه خفيفه على الشكمان فاتحشر , يمكن تكون انت زيه وان شاء الله الموضوع بسيط لانه اتعمل في التوكيل ببلاش تقريبا .
بس هو كان بيسمع الصوت بمجرد ما يرجع بدون ما يلف .

أنا مختش مطابات خالص أنا فجاه سمعت الصوت والصوت تزيق جامد جدا مش عالطول ود ه بيحصل لما اجيب الدركسيون ناحيه اليمين على الاخر والارض كانت أسفلت عاديه زي الي واحد بيمشي عليها

**gym1974** · 26-04-2012 12:14 PM

المشاركة الأصلية كتبت بواسطة raedegypt

روح للاسف للوكيل ملكش سكه تانيه ..مش هاتلاقى حد فى الورش يفهم فى العربيات دة الا الوكيل وكمان علشان تلاقى قطع الغيار دة مشكله تانيه فروح للوكيل وخلى معاك خمس الف جنيه تحت الحساب وبعد ماتصلح اخلص منها واركب حاجه اى حد يصلحها لك بره 150ج وخلصنا زى الكيا والهيونداى وكبر دماغك

عدسعدس عدس

الموضوع: مشكله جديده في الفلوانس ربنا يستر

LinkBack

أدوات الموضوع

عرض

-

-

-

المواضيع المتشابهه

ربنا يستر

ربنا يستر

ربنا يستر

مشكله في الفرامل ..... ربنا يستر ... عاجل

معايا مشكله و ربنا يستر .. افيدونا افادكم الله

الكلمات الدلالية لهذا الموضوع

المفضلات

المفضلات

ضوابط المشاركة