مشكلة فى التكييف,ادخل ساعدنى

**Thebutcherr** · 09-05-2012 12:29 PM

حبيايبى ,صباح الفل,عندى مشكلة فى التكييف
لما جيت افتحه فى شهر مارس ايام الموجة الحارة لقيتة مش بيسقع
روحت كشفت علىه كان ناقص فريون فكشفنا على المواسير و شحنت
كان زى الفل,تلاجة تلاجة لحد امبارح افتح التكييف الصبح..... يختى عليها و يختى عليها
ضعف فى 5 دقايق
رحت كشفت تانى لقيته فضى شحن
كبسنا هوا و رجعنا على كل المواسير و الخراطيم لمدة 45 دقيقة ,مفيش تنفيس بس نقص شرطة على العداد
الراجل قاللى تيجى يوم من اول النهار نبص على باقى الدورة (سربنتينة,كومبريسور و تلاجة (كويل) يعنى يكبس كل واحد لوحده و دى قصة فى حد زات اهلها
و ممكن تكون بسيطة و ممكن تكون مش بسيطة لا قدر الله
فا انا عاوز اخد احتياط و احب تساعدونى لو حد يعرف تمن التلات حاجات دى :(سربنتينة,كومبريسور و تلاجة (كويل) كام جديد واستيراد عشان اعمل حسابى قبل ما افتح فيها
يا ريت المساعدة و ادعولى تكون بسطة ان شاء الله يا رب
مستنى ردودكم

**WalidAdel** · 09-05-2012 12:51 PM

بص عليك و علي العالميه تسال علي الجديد فيها الاصلي ... بس انصحك ابعد عن الجديد لان انا فاكر كان في الصني اسعاره نار و التايواني مش معمر خالص
خاليك في الاستيراد احسن بس كده كده اكشف عن حد تاني غيره لان لو الصنايعي مش فاهم هايتعبك اوي و هاتغير التكييف كله و احتمال العيب يكون ليسه موجود
انا اعرف واحد كويس اوي في تقاطع شارع بيروت مع شارع دمشق في فيلا كده قدام بنك عود اسمه عصام بس شاطر اوي ... روحله و ربنا يسهل ان شاء الله

**WalidAdel** · 10-05-2012 03:59 AM

عموما ياباشا السوق علمني مامشيش ورا كلام واحد بس و اللي احس انه فاهم (انا ليا نظرتي) و كلامه يكون اقرب للي في دماغي (تحليلي للعيب) اروح اشتغل عنده .... و ربنا معاك