الفلتر ده يركب على 128 !!!!!!!

**m7md_7ossam** · 12-05-2012 12:14 PM

معايا فلتر هوا و مش عارف ده يركب على 128 ولا ايه و هل ليه فايدة ولا لا عشان انا مفهمش فى الحاجات دى !!!! ياريت حد يقولى و ده شكله ......

http://im24.gulfup.com/2012-05-12/133678213061.jpg

http://im12.gulfup.com/2012-05-12/1336782868821.jpg

http://im12.gulfup.com/2012-05-12/133678286812.jpg

**M.Ayman** · 12-05-2012 11:31 PM

والله مش عايز افتى بس يعنى حتى لو ميركبش ممكن يتعمله وصله عادى و يركب و ليه فايده بيفوق العربيه شويه على السرعات العاليه و بيدى صوت حلو لما تحرق على الموتور بيزود كام حصان كده 2-3 حصان مثلا

**Shade** · 13-05-2012 10:36 AM

بص ممكن تعمل حاجة كويسة يا تشترى تجميعة الوصلة ودى غالية يام تجيب وصلة خرطوم المكنسة او اى خرطو نفس النظام وتركبة فى حتة بعيد عن الماتور بمعنى تعمل حسابك تقيس وتخلى الفلتر مكان التثبيت بعيد عن الماتور و منحية الفايدة الفلتر دة صينى هتحس بحاجى بسيطة فى الحرق وانت بتحرق فى الغيار وةهيكون لية صوت لذيذ فى السحب :) لو محتاج حاجة انا فى الخدمة

**ossadeiny** · 16-05-2012 10:06 PM

بص يا باشا انا معايا شاهين 1998 بنزين و غاز الفلتر ده بيحتاج هوا قليل زى العربيه الانترا كده يعنى انا عندى كان عامل صوت فاجر فى الغاز علشان بيحتاج هوا قليل انما فى البنزين ولا الهوا مفيش اى حاجه وانت جايبه بكام و منين؟

**m7md_7ossam** · 18-05-2012 04:55 PM

المشاركة الأصلية كتبت بواسطة bor3ey

والله مش عايز افتى بس يعنى حتى لو ميركبش ممكن يتعمله وصله عادى و يركب و ليه فايده بيفوق العربيه شويه على السرعات العاليه و بيدى صوت حلو لما تحرق على الموتور بيزود كام حصان كده 2-3 حصان مثلا

انا فعلا رحت لميكانيكى و جابلى هو خرطوم و الفرق مش جامد بس حسيت بيه يعنى ,, الف شكر ليك ياباشا

**m7md_7ossam** · 18-05-2012 05:03 PM

المشاركة الأصلية كتبت بواسطة shade

بص ممكن تعمل حاجة كويسة يا تشترى تجميعة الوصلة ودى غالية يام تجيب وصلة خرطوم المكنسة او اى خرطو نفس النظام وتركبة فى حتة بعيد عن الماتور بمعنى تعمل حسابك تقيس وتخلى الفلتر مكان التثبيت بعيد عن الماتور و منحية الفايدة الفلتر دة صينى هتحس بحاجى بسيطة فى الحرق وانت بتحرق فى الغيار وةهيكون لية صوت لذيذ فى السحب :) لو محتاج حاجة انا فى الخدمة

الميكانيكى عمل كده فعلا جابلى وصلة بس تحس انها حديد كدة و ناشفة قالى دى احسن من الخراطيم الملونة دى و حط الفلتر عند الفتحة اللى فى الكبوت عشان ميخدش سخونية الموتور و من ناحية الحرق فبقت بتحرق و خربت بيتى d: و الصوت فعلا فرق عن الاول ,, و ياباشا تسلم الله يخليييك لسه هحتاجك فى الحاجات الكبيرة d:

**m7md_7ossam** · 18-05-2012 05:06 PM

المشاركة الأصلية كتبت بواسطة ossadeiny

بص يا باشا انا معايا شاهين 1998 بنزين و غاز الفلتر ده بيحتاج هوا قليل زى العربيه الانترا كده يعنى انا عندى كان عامل صوت فاجر فى الغاز علشان بيحتاج هوا قليل انما فى البنزين ولا الهوا مفيش اى حاجه وانت جايبه بكام و منين؟

بس هوا شغال عندى كويس اوى ماشاء الله صوت و حرق و انا بنزين عادى بس مش مركبلة الحديدة الزرقة اللى عليه دى سايبة كده ,, اما مش جايبة ده واحد صاحبى عربيتو انجكشن فركبو شهر و ميكانيكى قالوا هات واحد تانى ده هيبوظلك الانجكشن ..