استطلاع رأى : مشاكل الفلوانس

**midobond** · 13-05-2012 12:39 AM

ياريت ملاك الفلوانس يفيدونا يا جماعة
انا بفكر فى كذا عربية و ادينى قاعد بتسلى لحد ما الكاشات تيجى ههههههه
يعنى اللى سمعته عن العربية
1- التكيف سيئ جدا خصوصا وقت الشمس ما بتبقى فى عز تألقها
2- جلد الدركسيون بيتقشر
3- نتشة فى الفتيس
4-ضعف التسارع (بيقولو اضعف من تسارع الكارينز :s )
بالنسبة لو انى هجيب العربية 2012 زيرو يعنى هل فعلا مشكلة عوامة البنزين اتحلت فى الموديل الجديد ؟؟ و بالنسبة للنتشة دى فيها حل؟

**MARTINDALE** · 13-05-2012 02:37 AM

المشاركة الأصلية كتبت بواسطة midobond

ياريت ملاك الفلوانس يفيدونا يا جماعة
انا بفكر فى كذا عربية و ادينى قاعد بتسلى لحد ما الكاشات تيجى ههههههه
يعنى اللى سمعته عن العربية
1- التكيف سيئ جدا خصوصا وقت الشمس ما بتبقى فى عز تألقها
2- جلد الدركسيون بيتقشر
3- نتشة فى الفتيس
4-ضعف التسارع (بيقولو اضعف من تسارع الكارينز :s )
بالنسبة لو انى هجيب العربية 2012 زيرو يعنى هل فعلا مشكلة عوامة البنزين اتحلت فى الموديل الجديد ؟؟ و بالنسبة للنتشة دى فيها حل؟

ربنا يكرمك ويرزقك وتجيلك الكاشات .
1- التكييف بالنسبالي معقول جدا , بس لما الشمس بتبقى في عز تألقها مافيش عربيه في مصر ممكن تسد غير اتنين او تلاته والباقي هيكون شغله تلطيف مش اكتر , يعني الفلونس واحده زيها زي غيرها. (( على فكره انا كان معايا قبلها لانسر ))
2- حصلت مره واحده فقط واتغير من التوكيل لاحد الزملاء وده لا يعتبر عيب في العربيه.
3-نتشه الفتيس موجوده بس غير مؤثره والموضوع واخد اكبر من حجمه , ولو قارنت في جميع الاوتوماتيك هتلاقي فيه نتشه بين الاول والتاني بتظهر وتختفي حسب طريقه السواقه , وبتلاحظها لو كبست بنزين فجاء من وضع الثبات .
4- التسارع معقول جدا لكن مش بسوء الكارينز , وتسارعها افضل من الجيتا لكن في كل الاحوال مش هتبقى بتسارع الالنترا او الفيرنا او السيراتو , وده مش عيب لان العربيه لو تسارعها متوسط مش مشكله لانها مش عربيه سباق , المهم انك لما تطلبها تلاقيها .

بص انا قارنت كتييييير لفتره سنه تقريبا وحصرت المقارنه بينها وبين الالنترا لكنها كسبت في نظري لعده اسباب اهمها التوكيل ((حرام تقارن غبور بيه -عوامل الامان الاساسيه abs ebd air bags - الكماليات مقارنه بالسعر )) .

**sam_mashtooly** · 13-05-2012 07:40 PM

كنت بس عاوز اسال عن موضوع التكييف يعنى هو مريح ولا و الواحد يحس ان التكييف مش شغال اصلا

**MARTINDALE** · 13-05-2012 09:12 PM

المشاركة الأصلية كتبت بواسطة sam_mashtooly

كنت بس عاوز اسال عن موضوع التكييف يعنى هو مريح ولا و الواحد يحس ان التكييف مش شغال اصلا

الحمدلله مناسب جدا

**sam_mashtooly** · 13-05-2012 11:17 PM

المشاركة الأصلية كتبت بواسطة ahsd2000

الحمدلله مناسب جدا

انا الحمد لله حاجز العربية بس موضوع التكييف دا بس هو اللى مخوفنى بس ان شاء الله ربنا يستر انا معجب جدا بالعربية و بانتشرها المتميز و الكماليات الكتيرة ربنا يبارك لينا كلنا ان شاء الله

**midobond** · 14-05-2012 12:36 AM

طيب بالنسبة لموضوع انها معمرة او لا يا جماعة
يعنى مثلا انا شاب اه بس بحافظ على العربية ممكن اخرى شوية جرى و كيك داون مثلا انما مش بهين العربية و عندى داء تغيير قطعة الغيار قبل ما تبوظ اصلا ده :d
عربية زى دى كده تاكل معايا عيش ولا لا :d

**mohamedkordy** · 14-05-2012 01:15 AM

تاكل اوى مدام بتحافظ عليها الفرنسى عايز معامله حلوه. مبدأ الفرنساوى وخصوصا الرينو ( اهون عليك تهون عليا )

**mody3on** · 14-05-2012 01:19 AM

المشاركة الأصلية كتبت بواسطة ahsd2000

ربنا يكرمك ويرزقك وتجيلك الكاشات .
1- التكييف بالنسبالي معقول جدا , بس لما الشمس بتبقى في عز تألقها مافيش عربيه في مصر ممكن تسد غير اتنين او تلاته والباقي هيكون شغله تلطيف مش اكتر , يعني الفلونس واحده زيها زي غيرها. (( على فكره انا كان معايا قبلها لانسر ))
2- حصلت مره واحده فقط واتغير من التوكيل لاحد الزملاء وده لا يعتبر عيب في العربيه.
3-نتشه الفتيس موجوده بس غير مؤثره والموضوع واخد اكبر من حجمه , ولو قارنت في جميع الاوتوماتيك هتلاقي فيه نتشه بين الاول والتاني بتظهر وتختفي حسب طريقه السواقه , وبتلاحظها لو كبست بنزين فجاء من وضع الثبات .
4- التسارع معقول جدا لكن مش بسوء الكارينز , وتسارعها افضل من الجيتا لكن في كل الاحوال مش هتبقى بتسارع الالنترا او الفيرنا او السيراتو , وده مش عيب لان العربيه لو تسارعها متوسط مش مشكله لانها مش عربيه سباق , المهم انك لما تطلبها تلاقيها .

بص انا قارنت كتييييير لفتره سنه تقريبا وحصرت المقارنه بينها وبين الالنترا لكنها كسبت في نظري لعده اسباب اهمها التوكيل ((حرام تقارن غبور بيه -عوامل الامان الاساسيه abs ebd air bags - الكماليات مقارنه بالسعر )) .

لو قصدك الجيتا القديمة ممكن , بس الجديدة تربو 122 حصان
بالنسبة للتكييف عندي في الالنترا في عز الحر لما بشغله على 2 بيبقى زي الفل :)

**MARTINDALE** · 14-05-2012 05:29 PM

المشاركة الأصلية كتبت بواسطة mody3on

لو قصدك الجيتا القديمة ممكن , بس الجديدة تربو 122 حصان
بالنسبة للتكييف عندي في الالنترا في عز الحر لما بشغله على 2 بيبقى زي الفل :)

هي نقطه زي الفل هتختلف من شخص لاخر , يعني انا شخصيا مش بحب التكييف اصلا فبالنسبالي اي تكييف باي درجه هقولك عليه تمام لكن انا عارف الحته دي فبقيم بناء على راي اغلبيه اللي بيركبوا معايا .
يعني مش عايز اقولك ان اللانسر والفلونس بالنسبالي واحد في التكييف لاني انا شخصيا مش بيفرق معايا .

والدرجه 2 او 3 دي سرعه مروحه ومالهاش علاقه بالتكييف كقدره , يعني لو ضبطنا الحراره على 21 ((زي الفلونس مثلا)) التكييف هيشتغل فتره وبعد كده هيفصل لوحده مهما كانت سرعه المروحه , لكن الفيصل في الكلام هل كل التكييفات في العربيات هتوصل للدرجه المطلوبه ولا لأ ؟