الموضوع: حد يجاوبيني

المشاركة الأصلية كتبت بواسطة bkaltalamana

دلوقت في العلامه بتاعت البطاريه دي اللي هي لونها احمر لما تفتح الكونتك بتنور ولما بتدور العربيه المفروض انها بتطفي !!انا عندي بقي مابتفصلش الا لما ازود بنزين:b4_048:..هل ده عيب او العربيه كده فيها مشكله..سألت صنيعيه كتير قالولي ياعم طنش وانا مابقلقش غير من كلمت طنش بتاعت الصنايعيه دي

بص يا جميل
احتمال يكون سير الدينمو رخة سنة بسيطة
واحتمال السيلكونات ضعفت حاجة بسيطة
واحتمال الشربون ضعف حاجة بسيطة
من الاخر متقلقش وخير ان شاء الله

تسلملي يا استاذ احمد جمال وربنا يباركلنا فيك عشان انت انسان محترم

المشاركة الأصلية كتبت بواسطة ahmed_gamal777

بص يا جميل

احتمال يكون سير الدينمو رخة سنة بسيطة
واحتمال السيلكونات ضعفت حاجة بسيطة
واحتمال الشربون ضعف حاجة بسيطة
من الاخر متقلقش وخير ان شاء الله
بتحصل كمان لو الار بى ام واطى عن 5

المشاركة الأصلية كتبت بواسطة ahmdmagdy

ايه السليكونات و الشربون دول بتوع ايه

الدينامو

الدينامو او مولد الشحن هو نفسه مولد كهرباء كأى مولد فى اى مكان يعمل بنظريه معينه تؤدى الى توليد طاقه كهربيه بمقدار معين وثابت ولكن دينامو السياره يختبف عن المولدات العاديه التى نراه كثيرا فى انه يقوم بتوليد طاقه كهربيه ذات تيار مستمر ( نظرا لان تيار البطاريه تيارا مستمرا )
مكونات الدينامو
يتكون اى دينامويولد تيار مستمراً فى العالم من مكونات ثابته لاتتغير وهى :
العضو الثابت ( القميص )
العضو الدائر ( البوبينه )
دائرة التوحيد ( السيليكونات )
منظم الشحن ( الكات اوت ) او الكتاوت كما يطلق عليه فى ورش الكهرباء
وهذه صوره لمكونات الدينامو من الداخل

وفى بعض الاحيان يكون الكتاوت خارجى ( اى خارج جسم الدينامو ) او داخلى ( داخل جسم الدينامو ) ولا يفرق مكانه لأنه يقوم بوظيفه واحده
نظريه عمل الدينامو
وهى نظريه توليد الكهرباء عامة وهى كالتالى
هناك قانون يسمى قانون فليمنج وهو المسؤل عن نظريه عمل المولدات او نظريه المحركات
( الكهربائيه طبعا )
وما يهمنا نظرية عمل المولدات وهى تتلخص فى انه عند توصيل تيار مغذى لأى موصل كهربائى ( وفى هذه الحاله الاسلاك الملفوف بها العضو الثابت ) يتم توليد تيار مغناطيسى ذو اتجاه ثابت او متغير ( ثابت فى حالتنا هذه ) واذا قطع هذا المجال المغناطيسى موصلات اخرى تتحرك حركه ثابته ( موصلات الاسلاك الملفوف بها العضو الدائر ) يتم توليد تيار (( متغير الاتجاه والقطبيه ))
* لاحظوا انه تيار متغير الاتجاه والقطبيه اى انه لا يستخدم فى ديناموهات السياره *
اذا لماذا يخرج دينامو السياره تياراً مستمراً ؟؟
يأتى للإجابه على هذا السؤال دور دائرة التوحيد او السليكونات كما يطلق عليها
من اسم هذه الدائره يتوضح لنا دورها الا وهو توحيد قطبيه واتجاه التيار المتغير لتحويله الى تياراًمستمر لاستخدامه لشحن البطاريه الخاصه بالسياره وانا لا اريد الدخول فى نظرية عمل تلك الدائره لتوفير الوقت ولكن اذا اراد احدكم معرفتها فلا مانع عندى ان اشرحها لكم وهذه صوره لأحد اطقم الموحدات او السليكونات

المهم انه يدخل تلك الدائره تيار متغير متولد من العضو الثابت والعضو الدائر ( البوبينه والقميص ) ليخرج منها تيارا مستمرا كالذى يخرج من البطاريه وبذلك يتم شحن البطاريه
وما هو الكات اوت ( الكتاوت ) وما وظيفته ؟؟
الكات اوت ( CUT OUT ) وهو اداه تقوم بتنظيم عمليه الشحن للبطاريه
بمعنى انه كما قلنا يتم تغذيه الدينامو لتوليد الكهرباء ولاحظوا ان الدينامو متصل دائما بالبطاريه اى انه يحصل على مصدر تغذيه دائم واذا لم يتواجد منظم لتغذيه الدينامو سيظل يخرج تيار الى مالا نهايه اى انه مثلا الدينامو يخرج 14 فولت وقوه دافعه 10 امبير ولا يوجد ما ينظم عمليه التغذيه له فستذيد الكهرباء الخارجه منه الى مثلا 20 فولت وعندما تذداد سيذيد تيار التغذيه وهكذا ستظل الكهرباء الخارجه من الدينامو فى ذياده مستمره الى مالانهايه وبالتالى ستتلف جميع المكونات الكهربائيه الموجوده بما فيها البطاريه ذاتها وذلك لأنها تعمل فى حد معين من الفولت والامبير
وكيف يعمل الكات اوت ؟؟
على عكس مايعتقد الكثيرين الكات اوت لا يثبت تيار خروج الدينامو بل يثبت تيار التغذيه الواصل له عن طريق البطاريه وبذلك عند تثبيت جهد التغذيه يتم تثبيت الجهد الخرج عند مقدار معين
ويتعرض الكتاوت الى عطلين فقط وهما :
اما فتح كامل لدائرة الكتاوت ( OPEN ) مما يؤدى الى احتراق بعض مكونات الدائره الكهربيه للسياره بما فيها البطاريه
او قطع فى توصيلات دائره الكتاوت ( CUT ) مما يؤدى الى قطع تيار شحن الدينامو نهائيا وهذا اقصى ما يفعله هو تفريغ شحن البطاريه اذا لم يراه سائق السياره او ينتبه اليه مبكرا
بعض النصائح للمحافظه على الدينامو
1 المراجعه الدائمه لأطراف الدينامو وهى ليست بالصعبه فهما طرفين فقط
2 استخدام بطاريه مناسبه لحجم المحرك من حيث السعه والقوه
3 الانتباه الكامل للمبة بيان الشحن الموجوده فى اى تابلوه سياره ( المرسوم عليها بطاريه ) وطريقه عملها كالتالى
عند فتح الكونتاك اضاءت اللمبه واذا استمرت مضاءه بعد ادارة المحرك فمعنى هذا انه هناك عطل فى الدينامو
اى استفسارات لا تترددوا اتركوها فى رد وسأجاوب عنها ان شاء الله
ايضا يوجد تفسير بسيط ل السيكونات

كلمه سليكونات ديه يعني اشباه موصلات بتعدي التيار في اتجاه واتجاه لا بتعمل حاجه اسمها توحيد نصف الموجه عشان تحول من التيار المتردد لمستمر بس عمتا هي ما ينفعش تستبدلها باي حاجه تاني وديه عمتا مش غاليه التمن وفي منها امبرات عاليه جدا لو كانت اللي عندك بتتحرق ممكن تغير بامبير عالي بتتوصل من بره عادي عشان ديه بتتوصل علي خرج الديناموا اعتقد مفيش مشكله من توصلها من بره


وجارى شرح الشربون

الشربون CARBON BRUSH

اضغط هنا لمشاهدة الصورة بالحجم الطبيعي.

بص انا ملقيتش شرح وافى عن الشربون
ولكن على حد علمى هو بيساعد
على ظبط التيار الكهربائى
وسعر من 5ج الى 30 ج
وارجو انى اكون قدرت افيدك

والله ماجسرت كله وافى

جزاك الله عنا خير الجزاء