الموضوع: طقطقه فى العربيه

الطقة دية نتيجة الشميز بتاع المقص مش ماسك على الجلبة فا الجلبة بتروح وتيجى داخل المقص وبتبان فى الفرامل مع المطلب وفى بعض الملفات

الحل مقص استيراد وجلب جديدة

او مقص كامل بالجلب والبيض

انا المشكلة دية كانت عندى وكنت هبيع العربية بسببها

الف شكر ياباشا على الرد
بس انا نسيت اقول انى غيرت امبارح طقم البيض يمين وشمال وجلب المقص ومن شهر ركبت مقص كامل بالجلب بتاعته وطقم البارات وتيش النص
بس ممكن تقولى ايه الشميز بتاع المقص ده وشكله او مكانه فين علشان اروح للعفشجى اوريهوله لانى فعلا دوخت وعارض العربيه للبيع
الف شكر

بص على المساعد ومسامير الربط من اعلى فىحوض الموتور
بص على السسته الاماميه بص على علبه الدركسيون بص على عمود علبه الدركسيون

[quote=mekawy2000;3874327417]بص على المساعد ومسامير الربط من اعلى فىحوض الموتور
بص على السسته الاماميه بص على علبه الدركسيون بص على عمود علبه الدركسيون[/quote
ممكن يا باشا توضخ اماكن القطع اللى بتقولها يعنى مثلا السسته الاماميه دى ماسكه ايه ولو فى مشكله فى علبه الدركسيون هى بتتصلح ولا بتتغير؟
مسامير الربط دى بتاعت ايه
معلش وضحلى علشان اروح للعفشجى وانا فاهم واقدر اشرحله لانى زهقت بقالى شهر

بص يا غزال
لو امكن اشوف العربية يبقى احسن
وانا لحد دلوقتى شاكك فى حجتين
هستبعد الاولة
وهى فبرة بتركب على مسمار المناول
واستبعدها عشان اغلب صوتها بيكون يمين

التانية
وركز معاية فيها
علبة الدريكسيون بتكون ركب فى شاسية العربية من ناحية الشمال
بتركب بمسماير غالبا 17 طويلة دا بنسبة لدكر
ولكن بالنسبة ل النتاية
بتكون جلب فى شاسية العربية -ولحمها بيكون ردى
فلو كان
بنفك علبة الدريكسيون
ونرفع العربية
والسمكرى بيزود على لاحام جلب علبة الدريكسيون الموجود ومحفورة فى شاسية العربية شمال
تحت العربية ناحية رجللك الشمال

شوف وردى علية هتعمل اية

المشاركة الأصلية كتبت بواسطة ahmed_gamal777

بص يا غزال
لو امكن اشوف العربية يبقى احسن
وانا لحد دلوقتى شاكك فى حجتين
هستبعد الاولة
وهى فبرة بتركب على مسمار المناول
واستبعدها عشان اغلب صوتها بيكون يمين

التانية
وركز معاية فيها
علبة الدريكسيون بتكون ركب فى شاسية العربية من ناحية الشمال
بتركب بمسماير غالبا 17 طويلة دا بنسبة لدكر
ولكن بالنسبة ل النتاية
بتكون جلب فى شاسية العربية -ولحمها بيكون ردى
فلو كان
بنفك علبة الدريكسيون
ونرفع العربية
والسمكرى بيزود على لاحام جلب علبة الدريكسيون الموجود ومحفورة فى شاسية العربية شمال
تحت العربية ناحية رجللك الشمال

شوف وردى علية هتعمل اية

[color="rgb(0, 100, 0)"]بص ياباشا زى ما الاستاذ احمد شرح لاكن في مسمار المساعد اليسار فى حوض الموتور يوجد فتحه للمساعد راكب تحت الصاموله طبق لو المسمار مفكوك شويه لازم يعمل تقطقه مع هزه السياره او المطبات[/color]

المشاركة الأصلية كتبت بواسطة MEKAWY2000

[color="rgb(0, 100, 0)"]بص ياباشا زى ما الاستاذ احمد شرح لاكن في مسمار المساعد اليسار فى حوض الموتور يوجد فتحه للمساعد راكب تحت الصاموله طبق لو المسمار مفكوك شويه لازم يعمل تقطقه مع هزه السياره او المطبات[/color]

تسلم يا كبير

بجد يا جماعه الواحد مش عارف يشكركم ازاى على الاهتمام ده
انا لسه راجع من عند العفشجى وقالى ان الصوت ده جاى من عند القنطرة تقريبا فيها برشام فك ولازم نفك ونشوف بس باين عليه بيفهم
انا هاروح له بكرة وهاقوله برضه على اللى انتو قولتوة وهابلغكم ان شاء الله
ولو طلع راجل فاهم هابقى ابلغكم عنوانه وتليفونه
اما اللى دوخنى بقاله يومين دا مركز كبير فى عين شمس منه لله ولو الادارة تسمح اسيب بياناته علشان محدش يتورط معاة مفيش مانع كل شغله تغيير للعفشه وخلاص