من فضلكم يا جماعة في حد اشتري f3 مستعملة قبل كده؟

**mona_881** · 02-06-2012 10:51 PM

السلام عليكم ورحمة الله وبركاته من فضلكم يا جماعة ارشدوني
انا باذن الله نويت اشتري f3 بس مستعملة علي قد فلوسي فيا تري ايه الحاجات اللي اخللي بالي منها واسأل عليها يعني الضمان مثلا قد ايه( في حالة اذا كان الضمان لسه ساري) وفي ضمان علي حاجة غير الكاسيت مثلا ودفتر الصيانة الدورية عامل ازاي والاوبشن اللي فيها ايه علشان اعرف اذا كان في حاجة عطلانة ولا لأ كده يعني

الرجاء مساعدة أختكم في الله في هذه الأسئلة علشان رايحة السوق بكرة باذن الله وشكرا

**Khaled Suleima** · 03-06-2012 12:59 AM

واحد صاحبى اشترى واحدة موديل 2010 عامله 30000كم فابريكة برة وجوة ب51000ج وكان عن طريق موقع كونتكت كار احذرى لان بعض العربيات دية بتسخن وفى التوكيل مش عارفين يحلو المشكلة دية

**Khaled Suleima** · 03-06-2012 12:59 AM

واحد صاحبى اشترى واحدة موديل 2010 عامله 30000كم فابريكة برة وجوة ب51000ج وكان عن طريق موقع كونتكت كار احذرى لان بعض العربيات دية بتسخن وفى التوكيل مش عارفين يحلو المشكلة دية

**aha3020** · 03-06-2012 04:36 AM

المشاركة الأصلية كتبت بواسطة khaled suleima

واحد صاحبى اشترى واحدة موديل 2010 عامله 30000كم فابريكة برة وجوة ب51000ج وكان عن طريق موقع كونتكت كار احذرى لان بعض العربيات دية بتسخن وفى التوكيل مش عارفين يحلو المشكلة دية

الكلام دة مش صحيح
\انا عربيتى باقف بيها كتير ف الاشارات وكمان باكون مشغل التكييف ومش بتسخن ولا حاجة

**Khaled Suleima** · 03-06-2012 08:36 AM

انا معاية تاكسى عامل 17000 شرية من3شهور BYDموديل 2012وأرفنى من السخونة العيب دة فى بعض العربيات بقول انا وظهر فى بعض العربيات والتانية لأ وخش كدة على المواقع اواكتب فى محرك البحث مؤشر الحرارة والسخونة الزيادة

**bassem.naguib** · 03-06-2012 05:23 PM

المشاركة الأصلية كتبت بواسطة khaled suleima

انا معاية تاكسى عامل 17000 شرية من3شهور bydموديل 2012وأرفنى من السخونة العيب دة فى بعض العربيات بقول انا وظهر فى بعض العربيات والتانية لأ وخش كدة على المواقع اواكتب فى محرك البحث مؤشر الحرارة والسخونة الزيادة

من واقع كلام الناس هنا وفي منتديات أخرى .. مشكلة السخونة دي ظهرت في بعض موديلات الأتوماتيك فقط .. وذلك ليس لسخونة العربية في حد ذاتها ولكن لعيب في توصيلات سلك الأرضي لأمبير الحرارة .. والمشكلة دي بتتحل بسهولة .

المشكلة ممكن تكون عند حضرتك يا أما منحصرة في هذا العيب .. أو ممكن تكون دائرة التبريد واخدة هواء مما يؤدي إلى سخونة العربية .. وفي كل الأحوال راجع التوكيل لحل المشكلة أو ورشة ردياتيرات محترمة .

**ehabpopo** · 04-06-2012 04:25 PM

انا عربيتى ما فيهاش موضوع السخونة ده .... الامبير مش بيزيد عن النص فى الصيف وكمان بكون مشغل التكييف ...
والافضل للاخ اللى بيسأل ... ياخد بالة من اية عند الشراء ؟؟؟ افضل حاجة انك ترفعها فى بنزينة .. لانهم هناك بيقيس مدى كفائة الموتور .. وكمان بيشوف شاسية العربية كويس قوى بالعين ... وكمان بيقيسة على الجهاز... ودول اهم حاجة طالما بتشترى مستعمل ... وربنا يوفق ان شاء الله ....