تغيير مروحة الأسكورت بمروحة جولف 3

**mido51eg** · 08-07-2012 01:51 PM

مساء الفل ياشباب الفورد.
كنت قريت هنا في المنتدى عن تجربة تغيير مروحة الفورد الأسكورت 1300 بمروحة جولف 3 سرعتين بسبب ان العربية بتسخن مع تشغيل التكييف. يوم الجمعة روحت الحرفيين مع واحد صاحبي واشتريت المروحة ووقفنا ركبناها احنا الأتنين. وشغلناها على السرعة الثانية على طول لأن الجو حر.
ملاحظاتي على مروحة الجولف بالمقارنة بمروحة الفورد:
1- مروحة الفورد 5 ريشة ومروحة الجولف 6 ريشة.
2- مروحة الفورد ريشتها صغيرة انما مروحة الجولف ريشتها كبيرة.

بعد التركيب وتشغيل التكييف خرجت قوة شفط رهيبة من المروحة ولقيت ان حرارة العربية بتنزل مش بتزيد.

حصلت حاجة غريبة جدا اول مرة تحصل بالنهار اثناء سطوع الشمس (تقريبا كنا الساعة 4 عصراً) وهي ان التكييف كان ثلاجة فعلا كأنه شغال بالليل والكومبريسور كان بيشتغل وبيفصل وده نتيجة شفط الهواء الجامد من سربنتينة التكييف والردياتير.

مروحة الفورد موجودة (الأصلية بتاعة المصنع) وللبيع ولو تلزم حد يقوللي.

**aYaBooY** · 08-07-2012 11:04 PM

الف مبروك نجاح الخطوة

**mido51eg** · 09-07-2012 01:49 AM

المشاركة الأصلية كتبت بواسطة aYaBooY

الف مبروك نجاح الخطوة

تسلم ياكبير

**aYaBooY** · 10-07-2012 12:32 AM

بكام بقي المروحة ديه و فيه موديل ايه من فولكس بيركب على الفيستا ؟؟

**mido51eg** · 10-07-2012 11:19 AM

المشاركة الأصلية كتبت بواسطة ayabooy

بكام بقي المروحة ديه و فيه موديل ايه من فولكس بيركب على الفيستا ؟؟

المروحة دي ب 150 جنيه من عند واحد بتاع فولكس فاجن مشهور جدا اسمه الشهاب. هو عنده كل حاجة بس صعب اوي في الفصال. لو هتشتري من عنده اوعى تنسى تاخد منه الفيشة بتاعتها.
الحقيقة ياجو انا مش عارف شكل مروحة الفيستا انما ممكن تصورها صورة واضحة وتبعتهالي وانا اقولك اذا كانت شبها ولا لأ.
برضه الحاجات بتاعة الأبيزا ممكن تشتغل على الفورد.

**aYaBooY** · 15-07-2012 11:41 PM

تمام يا باشا بس ابيزة ايه بس ما اسخن من ستي

**asamaha** · 17-07-2012 01:17 PM

ممكن اذا سمحت اعرف اذا كنت غيرت سينسور المروحة ولا لا واذا كنت غيرت الترموستات ولا لا اصل انا عندى فى العربية حاجات الفبريكة وهيا مش عاملة مشاكل خصوصا ان تبريد العربية دى مختلف عن تبريد عربياتنا فى مصر نظرا لاختلاف الجو الذى تم تصنيع العربية فية .يعنى اية الافضل ليها كعربية ماشية فى مصر اعدلها ولا اسيبها زى ماهيا على تصنيع بلادها.

**asamaha** · 18-07-2012 11:47 AM

استاذ mido 51 ارجو الرد لكى نستفيد من تجربتك

**mido51eg** · 18-07-2012 01:16 PM

المشاركة الأصلية كتبت بواسطة asamaha

ممكن اذا سمحت اعرف اذا كنت غيرت سينسور المروحة ولا لا واذا كنت غيرت الترموستات ولا لا اصل انا عندى فى العربية حاجات الفبريكة وهيا مش عاملة مشاكل خصوصا ان تبريد العربية دى مختلف عن تبريد عربياتنا فى مصر نظرا لاختلاف الجو الذى تم تصنيع العربية فية .يعنى اية الافضل ليها كعربية ماشية فى مصر اعدلها ولا اسيبها زى ماهيا على تصنيع بلادها.

اعتذر لتأخري في الرد. عاوز بس الأول اعرف ايه هو سينسور المروحة؟

**asamaha** · 18-07-2012 01:42 PM

الحساس اللى بيبقى راكب فى الكوعة اللى بيركب فية فيشة المروحة اللى هوا بيبقى مسئول عن تشغيل المروحة عند درجة حرارة معينة وفصلها عند درجة حرارة معينة

الموضوع: تغيير مروحة الأسكورت بمروحة جولف 3

LinkBack

أدوات الموضوع

عرض

تغيير مروحة الأسكورت بمروحة جولف 3 - انشر الموضوع فى :

-

-

-

-

-

-

المواضيع المتشابهه

مشكلة بمروحة التبريد (كورسا 98

تقوية الارضي وعزل ماوسير التكيف و تغيير مروحة التكيف

تغيير موتور في جولف 2

تغيير عجل جولف 6

تغيير مروحة الراديتيير

الكلمات الدلالية لهذا الموضوع

المفضلات

المفضلات

ضوابط المشاركة