الموضوع: عايز اشترى ميجان,أرجو المساعده للأهميه

بالنسبة للموديل مش هتفرق كتير أهم حاجة الحالة لأنها هى هى متغيرتش الواضح إنك بتتكلم عن ميجان 2 طبعا كل ما يكون الموديل أحدث كل ما يكون أغلى بشرط الحالة طبعا هى مش ماسكة سعر زى الأوكتافيا بس أنا شايف إنها أحسن من الأوكتافيا بكل المقاييس وبالنسبة للسيدان والهاتشباك دى أذواق أنا عن نفسى بحب السيدان وعندى سيدان ولكن الهاتشباك جميلة جدا وبحبها بدرجة لا تقل عن السيدان يعنى لو ينفع الواحد يصحى الصبح يلاقيها يوم هاتش ويوم سيدان هههههههههههه أهم حاجة تكشف عليها وتكون حالتها حلوة فيه خيارات تانى لعربيات جامدة زى سوبارو إمبريزا عربية دفع رباعى مشفتش عربية سيدان دفع رباعى غير فى العربيات اللى بتعدى ال 3 مليون فى السيدان وعندك الفوكاس والفيات لينيا عربية تربو والبرافو كل دول عربيات قيمة جدا وأفضل من الأوكتافيا

شكرا جدا على الاهتمام, بس تنصحنى أكشف عليها فين؟؟ التوكيل و لا مركز خدمه كويس عنده أجهزه كشف؟؟.... و بالنسبه للسوبارو أنا فكرت فيها بس ياريت تقولى قطع غيارها ظروفها أيه و شكرا

مبدئيا هتركب العربية تسوقها تمشى بيها وتشوف صوت الموتور والسحب ولو فيه وتستخدم الفتيس الستبترونيك وتجرى بيها بأقصى سرعة ممكن وتشوف إنت حالتها مبدئيا من برا بعد كدا تروح التوكيل أو مركز معتمد زى فرنش موتورز السوبارو انا مش عارف عنها كتير ادخل قسم سوبارو هتلاقى قطع غيارها مش غالية ولا حاجة متوسطة بالنسبة للحاجات اللى بتتغير دوريا لكن اللى بيقولوا غالى عليها الفوانيس مثلا المرايات الرفارف والإكصدامات والله أعلم لكن هى عربية أكيد جامدة كفاية إنك راكب عربية دفع رباعى بمحرك بوكسر ودا رقم فرنش موتورز لو عايز تستفسر عن الأسعار 01001273041 وأى استفسار أعرفه أنا تحت أمرك

بس اللى أعرفه حضرتك ان الأوكتافيا ألمانى وعربية جامدة جدا (عضمة)
أقوى من الميجان ومن عربيات حضرتك ذكرتها كتير
نرجو مقارنة موضوعية من سياتك بينهم
ولك كل الشكر

ميجان عربية عضمة برضه وفرنساوى وثابتة ع الطريق وسعرها مستعمل أرخص من الأوكتافيا وقطع غيارها أرخص من الأوكتافيا وشكلها شبابى أكتر من الأوكتافيا وتوكيلها ممتاز جدا موتورها أقوى من الأوكتافيا الميجان واخدة 5 نجوم فى عوامل الأمان عايز إيه تانى 6 إير باج بصراحة المقارنة موضوعية من غير تحيز نهائى الأوكتافيا جميلة والميجان جميلة بس الميجان أجمل وقطع غيار أرخص وتوكيل ممتاز وأوبشنها ممتاز معتقدش إن الأوكتافيا واخدة ال 5 نجوم فى عوامل الأمان ودا أهم حاجة فى الميجان