ميجان 2008 ستيشن بانوراما

**abdelshafy85** · 14-07-2012 06:22 PM

السلام عليكم
من شوية شفت عربية ميجان 2008 استيشن فول أوبشن بانوراما فيها كل حاجة وحالتها من جوة ومن برة مفيهاش غلطة
وتكييف تتش وجنوط سبور وحالة الفرش زيرو وفتحة السقف والبانوراما تحفة
وعاملة 73000 كيلومتر ومطلوب فيها 82000 جنيه
طبعاً انا مش عارف العربية دى كانت بتتباع فى التوكيل ولا هيا جاية من برة خليجى مثلاً
وطبعا شكل الفوانيس من ورا مختلف عن السيدان مش عارف لو احتجت حاجة من قطع الغيار هتكون متوفرة ولا لاء
وشكل الكبوت وهوا مفتوح الأجزاء من جوة مختلفة عن شكل السيدان مش عارف ده طبيعى ولا لاء وهل فى اختلاف فى مكونات العفشة عل أساس انها أتقل من السيدان ولا العفشة واحدة فى الاتنين
يا ريت أصحاب الخبرة يفيدونا في العربية دى وياريت تكون المعلومات مفصلة للإفادة
ده اللينك بتاع صور العربية
للبيع 2008 رينو Megane 1.6 Expression في القاهرة- سيارات مصر للبيع على كار سمسار

**MohammedAladel** · 14-07-2012 07:10 PM

لما الهاتش باك قليلة مش كتيرة فما بالك بالستيشن بصراحة أنا مستغرب ليه رينو عملت ميجان ستيشن ؟ كانوا سموها أى أسم غير ميجان لأن ميجان عربية ستايل وشبابية هو العرض كويس بصراحة لأن الاستيشن أغلى من السيدان بشرط الحالة لكن حكاية العفشة معرفش عنها حاجة

**AHMED1718** · 14-07-2012 07:32 PM

العربية دى تقفيل فرنساوى زيها زى الهاتش باك

وكانت بتتباع من خلال الوكيل طبعا عادى جداا وكان سعرها ف حدود 160 الف تقريبا

عربية ممتازة كفايا انا اليد التركى لم تمسسها بشىء
وماتورها نفس ماتور السيدان وتقريبا نفس العفشة وحاجتها متوفرة ف التوكيل زيها زي الميجان السيدان

بس زيها زي الرينو بصفة عامة مينفعش بلية يشتغل فيها

اهم حاجة تاخد بالك منها هل هيا صيانات وكيل ولا لأ
علشان انتا كده خارج الضمان
لازم تكشف عليها ف التوكيل مش فاكر ف حدود 500 ج بس هتريح دماغك وهيا عربية تستحق كل قرش فيها
بالنسبة لسعرها انا معرفش بصراحة افيدك ف سعر المستعمل كام