الموضوع: ساعدووووووووووونييييييييي ييييي :(

يا جماعة و أنا مروح من الشغل النهاردة فى أمان الله سمعت صوت حاجة بتجرجر فى الأرض نزلت أبص لقيت سلك واقع من العربية من نصها عند الفتيس تقريبا ناحية سلك و ناحية فيشة و طبعا ماعرفتش اوصله عشان أثبته المهم قولت أروح بيه كدة و اروح للكهربائى بكرة حيث إن النهاردة الاحد المهم مشيت شوية حلوين (بين بيتى والشغل 40 كم) و إبتدى الفيلم low battery ليه كدة بس الله يهديكى الدنيا حر وصلاح سالم زحمة خلقة المهم وقفت و بطلت و دورت راحت شوية ورجعت تانى بطلت ودورت شوية
وعند منشية ناصر راح ظاهر فرح العمدة لمبة ال abs و فرامل اليد و stop و لمبة الصيانة كل ده مع بعضه و الباور راح من الدركسيون قولت أعدى على المقطم كانت حوالى 3.5 سألونى بتعمل صيانتها فين قولتلهم أنا شاريها من الميكانيكيون (عليهم من الله ما يستحقونه) و بعد كدة بقيت بعمل الصيانة فى فرنش موتورز الرحاب قاللى هتسيبها تبات قولتله مش هينفع أمى معايا و لازم أروحها و العربية أصلا مزرجنة و مش عايزة تمشى قاللى لازم نبعت نجيب ال history قولتله طب حاول تشوف يمكن الموضوع بسيط مارضيش المهم كلمت زميلى فى الشغل صاحبه مهندس فى التوكيل جالى كشف عليها ماوصلش لحاجة و قاللى فى مشكلة فى الكهرباء و ال abs مش واصله كهرباء و الدينامو شكله مش بيشحن كويس طب اعمل ايه قاللى تروحلهم فى فرنش موتورز سلمت أمرى لله و مشيت طبعا العربية ولا اللادا تقيلة جدا و ماشية كأن حد دايس فرامل طول الوقت وكملت إنى لقيت عداد السرعة مابقاش شغال
طبعا انا ملحقتش أروح فرنش موتورز لأنهم بعيد عنى جدا و انا مش ضامن أعرف أوصل الرحاب بالشكل ده المهم ركنتها و مش عارف أعمل إيه و أروح بيها فين علما بأن أقرب حاجة ليا هى صقر قريش
و أسف على الإطالة بس أنا فعلا موعود إن العربية تعطل منى يوم الأحد لدرجة إنى بقيت أخاف أركبها فى اليوم ده

روحت إمبارح صقر قريش و فضلت عند الكهربائى
كشق على كل الفيوزات كلها طلعت سليمة و فييييييييييين و فيييييييييييين إكتشفنا لإن ال abs هو اللى بايظ
و تغيره بياخد وقت كبير شوية و الميكانيكية كانو قفلوا قولت مابدهاش أخدت النهاردة أجازة و روحت لعادل الصبح الساعة 8:45 و سبتهاله كشف بالكمبيوتر قاللى فعلا إن ال abs بايظ و فاجأنى كمان إن الدينامو اللى فيها مش بتاعها و ده سبب رسالة low baattery اللى بتظهر لان الكمبيوتر مش متعرف عليه لأنه بتاع 2005 وهو بيشحن البطارية عادى سبتهالو ورجعت خدتها الساعة 2 كانت سليمة وتمام.
السؤال دلوقتى رسالة البطارية دى كانت بتظهرلى كل كام شهر و بتروح مباشرة بعد ال reset إيه اللى خلاها تظهر كتير دلوقتى بعد ما أتخرك بحوالى 5 أو 6 كم ولا فيه مشكلة تانية
و هل فعلا هو ممكن يعرف من السوفت وير إن الدينامو مش بتاعها و هل لو الرسالة دى مش حقيقية ممكن يعملها deactivation عشان ماتظهرش تانى لأنها لما بتظهر مش يتروح من الشاشة و مش بقدر أشوف حاجة تانية
و أخيرا احب أتوجه إلى الله بخالص الدعاء على الميكانيكيون العرب و الخيوان اللى باعلى العربية لأنى لسة بتفاجئ فيها بحاجات جديدة و حسبى الله و نعم الوكيل