كيفية فتح الميجان بدون المفتاح ؟؟؟

**imust** · 23-09-2012 07:04 AM

البطارية نامت امبارح، فالكارت مش شغال. حاولت أفتح بالشريحة و منفعش...
فهل المفتاح دة يستعمل بطريقة معينة ولا ملوش لازمة ؟ أنا قرأت على النت، لزم يتفتح من الباب الراكب.

بس الحركة بقى ازاي؟؟؟؟؟؟

أرجو الرد السريع...
شكراً.

**imust** · 23-09-2012 07:22 AM

أنا عندي المفتاح مفيهوش حاجة تبين عليه إن بيفتح ، هو بس حتت معدن مستطيلة.

أنا خائف جداً، من واضح فالموضوع إلي قبل كدة إن المفتاح عليه حفرة معينة ، أنا بتاعي هو بتاعة مستطيلة كدة بس.

**MohammedAladel** · 23-09-2012 07:42 AM

راجع الموضوع دا كويس
http://www.nilemotors.net/Nile/309369-a.html

**Ahmed Selim** · 23-09-2012 08:45 AM

أي بطارية اللى نامت ؟؟؟

لو بطارية العربية يبقى ملهاش علاقة بفتح و قفل الأبواب.

لو بطارية الكارت يبقى تراجع الموضوع اللى فوق أو تغير البطارية من عند أى حد بتاع ساعات.

**Rsarabia** · 23-09-2012 01:55 PM

طيب ما هو حضرتك هتفتح الكارت و غير الحجر بتاعه و خلاص عاوز تفتحها ليه بالمفتاح ؟؟

**MohammedAladel** · 23-09-2012 06:19 PM

الكارت لو بطاريته فاصلة مش هيفتح العربية طبعا والعربية لو بطاريتهافاصلة الكارت مش هيفتح العربية

عايز أعرف إيه المشكلة عند حضرتك ؟؟؟ حتة الحديدة اللى فى الكارت دى مفتاح وفيها وش مكتوب عليه + ووش مكتوب عليه - طلعه من على جمب الكارت وبعدين

شيل الغطاء اللى جمب أكرة باب السواق بطرف الكارت فيها فتحة من تحت

هتلاقى تحتها المكان اللى بتدخل فيه المفتاح هيدخل المفتاح تلف يمين أوشمال مش فاكر هيفتح باب السائق فقط تفتح الكبوت توصل بطاريتك أو تغيرها والمشكلة اتحلت

حضرتك بتقول المفتاح عبارة عن حتة حديدة طيب جربت تعمل بيه اللى قلته فوق ؟؟؟؟؟؟

لو جربت ومرضيش يدخل أو منفعش

يبقى تراجع فيها التوكيل لأن أكيد لكل عربية كارت خاص بيها ومفتاح طوارئ خاص بيها
أما إنك تلاقى الكارت حتة حديدة زينة يعنى بتسد فراغ وخلاص

دى يبقى مش مفتاح الطوارئ وحد حطه بدل المفتاح الأصلى

هو حضرتك مالك أول للعربية ؟؟؟ هل سبق وغيرت الكارت قبل كدا ؟؟؟

طيب ممكن تجرب الكارت التانى وتشوف لو لقيت الكارت التانى نفس الكلام أرجع للتوكيل

**MohammedAladel** · 23-09-2012 06:21 PM

المشاركة الأصلية كتبت بواسطة rsarabia

طيب ما هو حضرتك هتفتح الكارت و غير الحجر بتاعه و خلاص عاوز تفتحها ليه بالمفتاح ؟؟

لازم يعرف الطريقة دى فلنفرض إن حاليا البطارية هى اللى نايمة عنده يفتح العربية إزاى ؟؟؟؟

**imust** · 23-09-2012 08:47 PM

شكراً على الرد ،

بطارية العربية هي النايمة مش الكارت ، مشكلتي في مفتاح الكارت شكلو حتة حديدة ميتعملش بيها حاجة يعني مفيش عليه شرشرة تدل على حاجة ، بس هي طبعاً جزء من الكارت.

أنا جربت استعمل بس من ناحية باب السواق و منفعش.

**shawkylotfy** · 23-09-2012 08:52 PM

المشاركة الأصلية كتبت بواسطة imust

شكراً على الرد ،

بطارية العربية هي النايمة مش الكارت ، مشكلتي في مفتاح الكارت شكلو حتة حديدة ميتعملش بيها حاجة يعني مفيش عليه شرشرة تدل على حاجة ، بس هي طبعاً جزء من الكارت.

أنا جربت استعمل بس من ناحية باب السواق و منفعش.

الكارت الثانى فين علشان الى معاك دة مش الاصلى للاسف ودية مشكلة والمفروض حتى لو البطارية نايمة السنتر يشتغل

الموضوع: كيفية فتح الميجان بدون المفتاح ؟؟؟

LinkBack

أدوات الموضوع

عرض

-

-

-

-

المواضيع المتشابهه

كيفية تعلية سوست السيارة بدون كاوتشات

كيفية فتح ابواب الميجان بدون الريموت ؟

كيفية عمل المفتاح الذكى بتاع الكورولا

كيفية تقسيط سيارة بدون فوايد بنكية

كيفية الحصول على ترخيص سيارة بدون دفع جمارك؟!

الكلمات الدلالية لهذا الموضوع

المفضلات

المفضلات

ضوابط المشاركة