مساعده في 128

**Maged93** · 30-09-2012 12:28 PM

السلام عليكم

انا معايا 128 عايزه اعدل فبها الموتور واحط عليها مكيف و في نفس الوقت تكوون بتجري و سابته علي الطريق فببه لو حد يقدر يقولي الافي الموتور ده فيين تيبو 1400 تيربو بيطلع 114 حصات و ايه المطلوب عشان العربيه تبقي ماشيه مفيهاش غلطه انا عارف انها هتحتاج تعديل فرامل وعفش بس سؤال هل ممكن احول العربيه من جر امامي اخليها خلفي ارجو المساعده

شكرا ليكم

**Maged93** · 01-10-2012 12:11 PM

مفيش حد يقدر يفيدني او يساعدني في تسقيط الموتور او اي حاجه

**bido600** · 01-10-2012 07:24 PM

هتصرف هتصرف هتصرف هتصرف
وبعد ما تصرف كل دا مش هتبقي زي اللي في بالك
عاوز تسقط موتور وتجري
يبقي عليك وعلي موتو ال 128 ال 1300 والكاربراتير (معرفش اسمو 2 كامة ولا اية ) بس هو فيه اتنين
وطبعا مع تعديل العفشة والفرامل وتقوية الركب وبارك الله فيما رزق اجري جري السنين بقي

لاكن عمليا عشان تسقط حجات كبيرة مينفعش قولي لية؟
فيه 128 تيربو وفي وفي بس برة وبرة غير هنا
هناك بيصرفو وفيه ناس فاهمة التعديل الصح
ويقوي ازاي ويقوي بي اية
لكن هنا يقولك صب رصاص واللي يقولك حط اسمنت شوية شوية هتطلع بالدور التاني
اما بالنسبة للتكيف ففي بس مكلف وبردة غير توقعاتك
نصيحة بالفلوس دي كلها هتلاقي نفسك صارف تمن سيفيك ولا جولف شبابي كدة
عاوز تصرف قول وانا ادلك بس مش مع انك تصرف ويوم مهتقول يا بيع هيتخسف بتمنها الارض
مش احباط والله بس خوف عليك لاني مريت باكتر من كدة و3 شهور عند الصنايعية

**lada2010** · 01-10-2012 11:02 PM

طيب ما تبيعها وهات لك حاجة فيها تكييف

**Maged93** · 02-10-2012 09:57 AM

المشاركة الأصلية كتبت بواسطة lada2010

طيب ما تبيعها وهات لك حاجة فيها تكييف

هو ده باذن الله اللي هيحصل اجيبلي سيفك انشاء الله

**mbx4e** · 08-10-2012 02:41 AM

هتصرف هاتصرف وهي 128 في الاول ولا في الاخر بس مش معنى كدا اني بحبطك بس بفوقك العربيه كويسه وحلوه وعمليه بس ياترى لما تيجي تبيعها هتلاقي اللي يقدرها دا انت عشان تكيفها هاتصرف 3000 دا غير لو موتورك تعبان هاتزبطه الاول بحسبه 2000 + 3000 تكييف ادي =5000
اما لو هاتغير مكنه فاحنا هنكلم برده فحسبه 2000-3000 دا غير اي مصارف تاني