كل الفياتاوية الجامدين ييجوا بسرعة ... محتاج استشارة سريعة

**drahmed80** · 13-10-2012 11:59 PM

يا أهل الخبرة والفكر والهندسة محتار بين التمبرا والانشيا ديدرا .... انا من الشرقية
معروض عليا تمبرا 96 معاقين والحظر بتاعها خلاص خلص بس متبهدلة شوية ومحتاجة شوية شغل ... ومش عارف اشتريها ولا اشوف لانشيا احسن ؟

ياريت تفيدونى ؟؟؟؟؟؟؟؟؟؟

**reallistic** · 14-10-2012 03:29 AM

رأيي لانشيا بس دوّر على واحدة حالة ممتازة
و بالتوفيق ...

**MaNoLa** · 14-10-2012 07:33 AM

يتهئ لى بما أنى دايما بشوف التمبرا فى أسكندريه كتير يبقى قطع غيارها منتشرة
و بما أنى مش بشوف اللانشيا ديدرا فى الشارع كتير يبقى قطع غيارها قليلة و الله أعلم
بس كقوة و أنا متأكدة من كدة اللانشيا ديدرا بشهادة الجميع و بيقولوا كانت فى النص الأخير من التسعينيات كانت بـ 100 ألف جنيه فابريكة والله أعلم دى فتوى كدة و وسعت منهم شوية ولا هيا فعلا كانت بالسعر دة

**kaza** · 14-10-2012 07:55 AM

التمبرا هيا هيا الديدرا بس الاختلاف في الاكسسوار وطبعا اللانشيا افخم وبيبقي فية زيادة طفيفة في حدود ال5 حصان لل1600 بس خلي بالك ان حاجتها نادرة شوية وصعب تلاقيها زي الفوانيس والابواب والاكصدامات والزجاج واكيد الفرش زي التابلوة والكونصول لكن الباقي كله تمبرا
ورائيي اذا كنت غاوي نوادر وبتحب التميز ومش فارق معاك سعر اعادة البيع ومثابر علي اللف علي قطع الغيار يبقي بدون شك اللانشيا افضل
اما لوكنت بتخاف علي سعر اعادة البيع وماتعرفش تلف علي قطع الغيار وعكس الحاجات السابق ذكرها يبقي التمبرا افضل الخيارات المتاحر
استخير الله وتوكل عليه

**engaass** · 14-10-2012 09:43 AM

لو التمبرا حالتها تعبانة ابعد لانها هتتعبك

**amro0000** · 15-10-2012 04:39 AM

لو تيمبرا حالتها تعبانة ابعدددددددددددددددددددددد د

**drahmed80** · 15-10-2012 11:59 AM

واضح كدة من الاراء ... ان اللانشيا احسن ... بس مشكلتها فى قطع الغيار وسعر اعادة البيع ؟
طيب ياريت حد يفيدنا ... هى منتشرة فين اللانشيا عشان اشتريها ان شاء الله ؟...واية احسن موديلات ؟ .. وياترى سعرها عامل كام دلوقتى ؟ ... و اية الاماكن اللى مجود فيها قطع الغيار؟ ... وياترى اعادة البيع صعبة فى البيع ولا فى السعر ولا الاتنين مع بعض ؟
ولو اهتمينا بالعربية وظبطناها .... مش تبقى احلى من المرسيدس او السكودا ؟؟؟؟؟؟؟؟؟؟؟؟؟؟؟
نرجو الافادة من الجميع وشكرا لجميع المشاركين المحترمين

**ramyfawzy** · 15-10-2012 03:35 PM

السلام عليكم

بعد عشرة 4 سنين مع اللانشيا الديدرا - اقدر اقولك انها عربية كويسة جدا بس لازم تاخد بالك من كذا حاجة

قطع الغيار مش عند البقال زي الفيات والكوري
بعض قطع الغيار عزيزة حبتين ومش هتلاقيها غير استيراد
الاكسسوار بصفة عامة اغلى من الفيات التمبرا
لو عايز واحدة لازم تتأكد انها بريمو مش نص نص حتى لو كان سعرها عالي (معدي الـ 35 الف جنيه )
الحالة العامة ثم الحالة العامة والكماليات اهم حاجة في العربية ديه
سيبك من الصاج الخارجي لأنه بيتزبط بسهولة
الموتور والعفشة تمبرا
قطع الغيار جديدة عندنا في القاهرة في شارع دمشق - مصر الجديدة ، الكيلاني في شارع شامبليون وسط البلد
قطع الغيار استيراد : وكالة البلح - عزبة شلبي (ناحية المطرية والدائري) - الحرفيين بس قليلة
اتمنى اكون افدتك

**drahmed80** · 15-10-2012 09:37 PM

المشاركة الأصلية كتبت بواسطة ramyfawzy

السلام عليكم

بعد عشرة 4 سنين مع اللانشيا الديدرا - اقدر اقولك انها عربية كويسة جدا بس لازم تاخد بالك من كذا حاجة

قطع الغيار مش عند البقال زي الفيات والكوري
بعض قطع الغيار عزيزة حبتين ومش هتلاقيها غير استيراد
الاكسسوار بصفة عامة اغلى من الفيات التمبرا
لو عايز واحدة لازم تتأكد انها بريمو مش نص نص حتى لو كان سعرها عالي (معدي الـ 35 الف جنيه )
الحالة العامة ثم الحالة العامة والكماليات اهم حاجة في العربية ديه
سيبك من الصاج الخارجي لأنه بيتزبط بسهولة
الموتور والعفشة تمبرا
قطع الغيار جديدة عندنا في القاهرة في شارع دمشق - مصر الجديدة ، الكيلاني في شارع شامبليون وسط البلد
قطع الغيار استيراد : وكالة البلح - عزبة شلبي (ناحية المطرية والدائري) - الحرفيين بس قليلة
اتمنى اكون افدتك

حيرتنى كدة حضرتك ... يعنى ادور على تمبرا احسن وخلاص ؟ ولا اية ؟

**reallistic** · 15-10-2012 11:18 PM

يا باشا ولا تحتار لا حاجة
عندك اختيارين و كل واحد منهم فيه مميزات و مساوئ ؛ حاجة على حساب حاجة
عاوز ركوبة فخامة، شياكة، قوة و ثبات بس على حساب أنك هاتدوّر ساعات على قطع الغيار بس هاتلاقيها
يبقى لانشيا بس تجيب العربية في الأول بحالة ممتازة
عاوز ما تتعبش في قطع الغيار بس على حساب أنك مش هاتاخد الركوبة إللي مذكورة فوق يبقى تمبرا