الموضوع: صــــــــــــيانة 60,000 للميجــــــــــان ii

Service Prices

2600 جنية الصيانه كاملة .... بيكشف على الطرمبة بس مش بيغيرها

المشاركة الأصلية كتبت بواسطة migo123

2600 جنية الصيانه كاملة .... بيكشف على الطرمبة بس مش بيغيرها

طيب برة بكام

المشاركة الأصلية كتبت بواسطة mamoud salah h

1-انا لسة سائل علي موضوع اني اشتري قطع الغيار من التوكيل من غير تركيب زكان ردهم انوا ممكن بس مش هيبقي عليها ضمان
2-بالنسبة للزيت لما سئلت في الميكانيكيون العرب قالولي هات شيل 10000كم وانا بصراحة بيعجبني الشيل اوي
3-اظن لازم تغير الزيت مع الفلتر طبعا دة بالنسبة للفتيس

بس كدة دي الحجات الي انا اعرفها يارب اكون افدتك

طيب حد غير زيت الفتيس قبل كدة لانى سمعت قبل كدة أن زيت الفتيس من عمر العربية !!!!!

المشاركة الأصلية كتبت بواسطة figoo2001010

السلام عليكم,

كل سنة وانتم طيبين ويارب تكونوا كلكم بخير وسعادة


نرجع لموضوعنا انا داخل فى خلال شهر او بالكتير 2 فى صيانة 60,000

1. والسوال المعتاد هغير اية لو حد عندة قطع الغيار اللى هتتغير
   
2. فى التوكيل والا برة التوكيل ..... التوكيل 2800 تقريبا بطرمبة المياة ومصنعية 700ج كتير قووى المصنعية
   
3. زيت الفتيس هيحتاج تغير
   
4. فى حالة الصيانة برة عند عادل والا فى حد تانى نظراً لوجود اقويل حولة موخراً فى المنتدى وهتعمل كام عشان لو مش فرقة كتير أعملها فى التوكيل أحسن
   
5. هل يوجد قطع غيار أصلية برة وبسعر اقل
   
6. هل فى ضمان على قطع الغيار (سنة والا !!!) طيب لو خدتها اركبها برة هيبقى معايا الضمان برضة والا هيروح
   
7. زيت الموتور الناس بتقول فى زيوت أحسن طيب فين و اسموا اية ويفضل السعر
   

وطبعاً كالمعتاد ..... عبد المقصود هو الوحيد اللى هيعبرنى :)

كل سنة وحضرتك طيب يا باش مهندس أحمد
زيت الفتيس مش هيتغير طبعاومتحاولش تغيره لأسباب الكتالوج بيقول إنه بعمر الفتيس والزيت اللى بيتغير مش هو نفسه الموجود اللى بيبقى فى الفتيس بيبقى أفضل طبعا عن كلام أعضاء كتير منهم الأستاذ احمد
حتى لما الأستاذ أحمد غيره لو مشيت على سرعات عالية مدة بتظهرلك رسالة gearbox overheating أو check gearbox

بالنسبة لزيت الموتور أنا استعملت نوع واحد حتى الآن وهو توتال كوارتز 9000 ومش عاجبنى مع إنى مجربتش غيره وإن شاء الله المرة الجاية هغير لشل إن شاء الله

أكتر من عضو شكر فى شل جدا والباش مهندس عمرو قال إن شل أفضل زيت فى السوق (وجهة نظر فردية ) وفالفولين ناس كتير بتشكر فيه

يوكو وفورميلاتور قالوا إن توتال مش حلو ومع يوكو فى عربيته اللينيا خلى صوت الموتور يعلى وفورميلاتور قال إنه حاسس إن توتال اللى فى مصر زيت أى كلام

بالنسبة لقطع الغيار فيه برا اصلى وهتبقى أرخص أكيد من التوكيل بس كله بيقلق من السيور فعشان كدا يفضل تجيبها الأصلية من التوكيل
ومصنعية تغيير سير الكاتينة عند عادل 150 جنيه تقريبا من فترة لما عملها الباش مهندس عمرو أما الفلاتر والزيت والبوجيهات كانت مصنعيتهم 50 جنيه

وانتظر الكبير قوى الأستاذ أحمد عبد المقصود