تاكسي وكل الزباين اللي معاه نازلين ضرب في السواق؟؟!!

**ahmed1981** · 23-06-2007 03:36 PM

النهاردة كنت في مشوار في الأزهر وأنا راجع عديت من بعد مستشفى الحسين تحت صلاح سالم عشان أروح إتجاه العباسية
المهم في النفق الصغير اللي تحت صلاح سالم
لاقيت تاكسي واقف وحواليه خمستاشر واحد
المهم وقفت وبصيت لقيت سواق التاكسي آعد جنبه تنين ضخم ونازل فيه ضرب وواقفلوا جنب الشباك ناس كتير تقريبا ماسكين السواق
المهم إن السواق بعد ما سابوه والناس سلكت نزل لاقيته رفيع وضعيف وبوظوله وشه

الحقيقه صعب عليا جداً لأن مهما حصل الضرب ده لغة الحيوانات
وقلت لنفسي حسبنا الله ونعم الوكيل ربنا يغير ويدمر ويورينا يوم في المسئول اللي كان السبب ومش راضي يعمل قانون للتاكسي القاهري وسايب العملية فوضى بدون عداد وبدون هيئة تنظيم ورقابة ووو إلخ.............
أظن الموضوع مش محتاج خبراء أجانب من الصومال وجيبوتي يعملوا لينا نظام للتاكسي ولا إيه

**محمد ابراهيم 1** · 23-06-2007 04:32 PM

ده عنوان الفشل وهو العجز الكامل عن كل شىء حتى موضوع التاكسى والمرور والتعليم والصحه ومياه الشرب والاسعار والبطاله والفساد ووووووووووووووووووووووووو ووووووووووووووووووووووووو وووووووووووالخ

**اسلام المصرى** · 23-06-2007 04:40 PM

سواقين التاكسى دولت معظمهم مطحونين خلقة مش محتاجين حد يطحنهم , ناس مفترية حرام عليهم . شكرا على نشر هذه الحادثة و الله أعلم مين اللى كان غلطان ؟؟!!

**سمير يونس** · 23-06-2007 05:08 PM

بصراحة في شوية ناس من الشعب يستاهلوا الحرق بسبب عنفهم مع الأخرين و على فكرة الثقافة السائدة عندنا هي ثقافة التعذيب و العنف

خد على سبيل المثال الأطفال في بعض المناطق هوايتهم تعذيب القطط و الكلاب بطريقة بشعة و يتفننوا في ذلك و لا خبراء تعذيب المانيا

الشرقية :mrgreen:

مثال تاني الناس لما بيقع في ايديهم حرامي بيموتوه من الضرب قبل ما يوصل لقسم الشرطة مش كفاية عليه الي هيشوفه في قسم الشرطة ؟ :mrgreen:

و تكلمهم يقولوا لك دا حرامي

حرامي حرامي يا سيدي في قانون بيعاقبه مش انت الي هتعاقبه

و الله يا أخواني أحيانا بيكون الحرامي مات فعلا في ايديهم قبل ما يوصل لقسم الشرطة

أحنا كدة نستأسد على الضعيف و نتدارى جنب الحيط من الظالم و نعمل له الف حساب

و عجبي